Morgunblaðið - 30.03.2021, Page 13

FRÉTTIR 13Erlent
MORGUNBLAÐIÐ ÞRIÐJUDAGUR 30. MARS 2021
Risastóra gámaskipið Ever Given var dregið á flot af strandstað
í Súez-skurðinum síðdegis í gær og er hann nú opinn að nýju
fyrir skipaumferð, næstum viku eftir að gámaskipið strandaði.
Á flóði í gærmorgun tókst björgunarmönnum að snúa skip-
inu umtalsvert í átt til siglingastefnu sinnar svo það flaut upp að
mestu. Við það jukust vonir um að losa mætti það af strandstað
við nýja tilraun á næsta flóði. Sá ávinningur virtist ætla að engu
verða er Ever Given snerist af völdum kröftugra vinda og lagð-
ist í sitt fyrra horf á ská í skurðinum. Önnur björgunartilraun á
nýju flóði var gerð og losnaði risaskipið af strandstað.
Áætlað er að það muni taka hálfan fjórða sólarhring að losa
umferðarhnúta hundraða skipa sem bíða þess við báða enda
skurðarins að geta haldið áfram siglingu sinni. Verður unnið að
því allan sólarhringinn að leysa hnútana en gríðarleg verðmæti
eru í vörufarmi sem fastur er í Miðjarðar- og Rauðahafi.
AFP
Ever Given laust úr prísundinni
Ágúst Ásgeirsson
agas@mbl.is
Læknar á gjörgæsludeildum sjúkra-
húsanna í París hvöttu Emmanuel
Macron forseta Frakklands til að loka
landinu og læsa til að eitthvað fengist
áunnið í stríðinu við kórónuveiruna.
Sögðu þeir fjölgun smita með þeim
hætti að ástandið gæti bitnað á
umönnun veiks fólks á spítölunum og
jafnvel leitt til þess að læknarnir neyð-
ist til að velja hvaða sjúklingum skuli
bjargað og hverjum ekki.
Hin alvarlega viðvörun læknanna
birtist í grein sem þeir skrifuðu í blað-
ið Le Journal de Dimanche. „Við höf-
um aldrei kynnst viðlíka ástandi, ekki
einu sinni í hryðjuverkaárásunum,“
skrifuðu læknarnir 41 að tölu.
Yfirvöld hafa ekki brugðist við
greininni og þeim sjónarmiðum sem
þar koma fram. Þó er talið að Macron
forseti sé að íhuga með samverka-
mönnum sínum að falla frá útgöngu-
banni að kvöld- og næturþeli og svæð-
isbundnum lokunum með annarri
allsherjarlokun í landinu eins og í
fyrra.
Fyrir því hafa franskir læknar bar-
ist hástöfum um skeið vegna gríðar-
legrar aukningar nýsmits sem lýsir
sér meðal annars í því að laust sjúkra-
rými á gjörgæsludeildum er víðast
ekki fyrir hendi á Parísarsvæðinu.
Þeir hafa haldið því fram að lokunar-
aðgerðir þar og á öðrum svæðum, sem
hart hafa orðið úti síðustu vikurnar,
myndu ekki duga til að ná yfirhönd-
inni í stríðinu við kórónuveiruna. Vör-
uðu þeir við því að vegna álags á
sjúkrahúsunum myndu þeir neyðast
út í „hamfaralækningar“ á næstu vik-
um fram til þess er smitið nær há-
marki.
„Það vitum við nú þegar að geta
okkar til að hjúkra sjúklingum mun
láta undan síga. Við munum neyðast
til að flokka sjúklinga til að geta bjarg-
að sem flestum mannslífum. Slíkur
flokkadráttur er áhyggjuefni allra
sjúklinga með eða án veirusmits,“
skrifuðu læknarnir.
Annar hópur níu gjörgæslulækna
varaði við því í grein í Le Monde að til
þess gæti komið að gjörgæsludeildir á
Parísarsvæðinu kynnu að þurfa að
vísa sjúklingum frá. Þar yrði einnig að
draga sjúklinga í dilka. „Þegar aðeins
eitt rúm er laust á gjörgæsludeild en
tveir gætu haft þörf fyrir það þurfum
við að ákveða hvor þeirra fær það (og
hugsanlega lifir af) og hvor ekki (og
líklega deyr). Í þannig ástand stefnir.“
Læknarnir saka stjórn Macrons um
hræsni með því að knýja heilbrigðis-
starfsmenn til að velja hverjir fái lifað
og hverjir deyi.
Bólusetning vegna kórónuveirunn-
ar hefur verið máttminni en hjá mörg-
um löndum en Macron forseti boðar
stórátak í þeim efnum. Er þar við nýj-
an vanda að glíma; vaxandi hik og
sprautufælni landsmanna vegna
þeirrar ákvörðunar nokkurra ESB-
landa að stöðva notkun Oxford/Ast-
raZeneca. Var efnið sagt valda blóð-
tappa en bæði lyfjastofnun ESB og
Alþjóðaheilbrigðismálastofnunin lýstu
það öruggt til notkunar. Mörg ríki
hafa byrjað bólusetningar aftur með
því en sum sitja, en bæði Norðmenn
og Danir hafa framlengt biðstöðu
bóluefnisins meðan kannaðar verði
frekar mögulegar hliðarverkanir þess.
Læknar vilja loka Frakklandi
- Fjölgun smita gæti leitt til þess að læknar verði að velja hver fái að lifa - Macron sakaður um hræsni
Saksóknarar í málinu gegn Derek
Chauvin, lögreglumanninum sem
kæfði blökkumanninn George Floyd
til bana síðasta vor, sýndu í gær
kviðdómi myndband af því þegar
Chauvin setti kné sitt á háls Floyds í
um það bil níu og hálfa mínútu með
fyrrgreindum afleiðingum. Sagði
Floyd 27 sinnum að hann gæti ekki
dregið andann, áður en hann var
fluttur meðvitundarlaus á sjúkra-
hús. Var hann þar úrskurðaður lát-
inn við komuna.
Morðið á Floyd í borginni Minnea-
polis varð til þess að vekja upp kröft-
ug mótmæli og óeirðir gegn lög-
regluofbeldi gagnvart minnihluta-
shópum vítt og breitt um Bandaríkin
síðasta sumar, og er því vel fylgst
með framgangi réttarhaldanna vest-
anhafs.
Jerry Blackwell, saksóknari máls-
ins, sagði í upphafsræðu sinni að
Chauvin hefði „svikið skjöld sinn“,
og vísaði þar til brjóstmerkis hans,
sem er bæði kennimerki fyrir lög-
regluna vestanhafs og tákn um eið
hennar gagnvart bandarískum al-
menningi.
Chauvin hafði verið í lögreglunni í
19 ár áður en atvikið kom upp. Er
hann ákærður bæði fyrir morð af gá-
leysi og manndráp, en hans bíður
allt að 40 ára fangelsi verði hann
fundinn sekur um hið fyrrnefnda.
Hyggjast saksóknarar sanna að
Chauvin hafi beitt óhóflegu valdi við
handtökuna, en lögreglan hafði af-
skipti af Floyd vegna gruns um að
hann hefði borgað fyrir vörur með
fölsuðum 20 dollara seðli.
Mannréttindalögmaðurinn Ben
Crump, sem ver hagsmuni fjöl-
skyldu Floyd, sagði í upphafsræðu
sinni í gær að heimsbyggðin öll
fylgdist með réttarhöldunum. Sagði
Crump að réttarhöldin yrðu mæli-
stika á „hversu langt Bandaríkin
hafa náð í leit sinni að jafnrétti og
réttlæti fyrir alla“.
„Brást skyldu sinni“
í máli George Floyd
- Réttarhöld hafin yfir Derek Chauvin
AFP
Réttarhöld Stuðningsmenn Floyd
komu saman við dómshúsið.