Fréttablaðið - 08.09.2021, Qupperneq 30

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Þetta eru svo hrikalega
skrítnir tímar sem við
lifum þannig að það
var kominn mjög
mikill kláði eftir að
koma þessu til skila.
Tæpu ári eftir að Covid-smit
og lokanir komu í veg fyrir
útgáfutónleika sólódisksins
Don’t cry for me fylgir söng-
konan Sigga Guðna plötunni
nú loks formlega úr hlaði og
notar tækifærið eðlilega til
að syngja lagið Freedom sem
gerði hana fræga með Jet Black
Joe fyrir þremur áratugum.
toti@frettabladid.is
„Þetta er náttúrlega bara ofboðslega
þreytt og erfitt að hafa þurft að bíða
svona lengi eftir að halda útgáfutón-
leikana,“ segir Sigríður Guðnadóttir
sem hefur beðið í tæpt ár eftir að
geta fagnað sólóplötunni Don’t cry
for me á tónleikum.
„Manni finnst maður ekkert vera
búinn að skila efninu til fólks fyrr
en maður er búinn með útgáfutón-
leikana og þetta eru svo hrikalega
skrítnir tímar sem við lifum þannig
að það var kominn mjög mikill kláði
eftir að koma þessu til skila á sviði,“
segir söngkonan um tónleikana sem
hún heldur í Bæjarbíói í Hafnarfirði
þann 18. september.
Skrítin í hausnum
„Þetta er Covid-plata,“ heldur Sigga
áfram og hlær. „Það er mjög súrr-
ealískt að standa í útgáfu á svona
tímum þannig að ég er búin að
fresta tónleikunum örugglega þrisv-
ar eða fjórum sinnum. Þeir áttu að
vera 16. október 2020 en enda núna
18. september 2021 og það er bara
æðislegt að komast loksins á svið og
syngja tónlistina,“ segir Sigga sem í
titillagi plötunnar af þakkar allan
harmagrát.
„Það eru náttúrlega margir búnir
að lenda í þessu en maður tekur
bara lífinu eins og það er,“ heldur
hún áfram og hlær þegar hún rifjar
upp að sjálf var hún komin með
Covid þegar tónleikarnir áttu að
fara fram upphaflega.
Alltaf eitthvert rugl
„Þannig að ég hefði ekki einu sinni
getað mætt þó það hefði allt verið
opið. Ég fann nú ekki fyrir neinu
samt. Bara almenn leiðindi og svo
var ég jú eitthvað svona skrítin í
hausnum,“ segir Sigga.
„Ég gaf út disk 2010 og það fór nú
allt í rugl þá líka út af allt öðrum
málum. Það er alltaf eitthvað en
Don’t cry for me er annar sóló-
diskurinn sem ég gef út. Þetta er
sambland af frumsömdu efni eftir
mig, Sigurgeir Sigmundson og Frið-
rik Karlsson. Síðan eru þarna lög
eftir bróður minn, Loft Guðnason,
og Írisi Guðmunds söngkonu,“ segir
Sigga og bætir við að á disknum séu
einnig tvö eldri tökulög; Black dog
með hljómsveitinni Babe Ruth og
einn íslenskaður blúsari frá banda-
rísku söngkonunni Völu heitinni
Cupp.
Vá, magnað!
„Þá má einnig nefna að Páll Rósin-
kranz tekur lag með mér á disknum
og syngur einnig með mér á tónleik-
unum,“ segir Sigga um systurson
sinn en hún sló einmitt fyrst í gegn
þegar hún söng lagið Freedom með
honum og hinni fornfrægu hljóm-
sveit Jet Black Joe árið 1993.
„Ég ætla náttúrlega líka að taka
þennan gamla Jet Black Joe slagara
og svona alls konar annað með í
bland,“ segir Sigga um lagavalið á
tónleikunum sem mun teygja sig í
ýmsar áttir út fyrir nýju plötuna.
Freedom er vitaskuld löngu orðið
sígilt og naut á sínum tíma fádæma
vinsælda. Og gerir í raun enn þannig
að furðu vekur hjá sjálfri söngkon-
unni. „Það er ennþá spilað svo mikið
svona mörgum, mörgum árum síðar
að maður hugsar bara stundum: Vá,
magnað!“
Skjól í fasteignum
Sigga segist aðspurð hafa reynt að
sinna tónlistinni eftir atvikum í
kófinu en hún hafi lítið fengist við
að semja nýtt efni á meðan segja má
að Don’t cry for me hafi verið fast í
Covid-flöskuhálsinum.
„Maður er náttúrlega alltaf eitt-
hvað að bardúsa og kannski mest
bara verið í einkapartíum og ein-
hverju slíku. Ég hef ekkert farið í að
gefa meira út á meðan ég hef ekki
einu sinni getað komið því til skila.
Það kostar náttúrlega alltaf ein-
hvern pening að gefa út þannig að
maður fer kannski að huga meira
að því þegar þetta er allt orðið eðli-
legt.“
Sigga hefur einnig verið fast-
eignasali um árabil og nýtur þess
að sá markaður hefur blómstrað í
faraldrinum. „Það er búið að vera
brjálað að gera alveg og það hefur
bara bjargað geðheilsunni að þetta
hafi ekki hrunið líka.
Þetta er náttúrlega búið að vera
rosalega erfitt fyrir marga sem hafa
bara haft tekjur af sviðslistunum
eða ferðamannabransanum en ég
hef verið mjög heppin með að vera
í góðri vinnu og skemmtilegu starfi
sem ég fíla vel.“
Miðasala á útgáfutónleikana er
hafin á tix.is en þeir hefjast klukk-
an 20 að kvöldi laugardagsins 18.
september. Hljómsveitin verður
skipuð þeim Sigurgeiri Sigmunds
á gítar, Jóa Ásmunds á bassa, Þóri
Úlfarssyni á píanó og Birgi Nielsen
á trommum. Þá leikur Grétar Lárus
Matthíasson á gítar og syngur bak-
raddir. Íris Guðmundsdóttir, Páll
Rósinkranz og f leiri gestir munu
syngja með Siggu á sviðinu. n
Sigga Guðna fagnar frelsinu
eins og henni einni er lagið
Sigga Guðna
getur loksins
haldið lang-
þráða út-
gáfutónleika
sólódisksins
Don’t cry for me
og ætlar að sjálf-
sögðu einnig
að fagna með
því að syngja
lagið Freedom
sem gerði hana
fræga með
Jet Black Joe
fyrir þremur ára-
tugum.
MYND/AÐSEND
26 Lífið 8. september 2021 MIÐVIKUDAGURFRÉTTABLAÐIÐ
FRÉTTIR, FÓLK &
MENNING á Hringbraut
og hringbraut.is
*Áhorfskönnun MMR - 26. nóv. - 4. des. 2020
ÞJÓÐIN ER AÐ HORFA
Á HRINGBRAUT!