Fréttablaðið - 08.09.2021, Page 32
frettabladid.is 550 5000RITSTJÓRN ritstjorn@frettabladid.is AUGLÝSINGADEILD auglysingar@frettabladid.is PRENTUN Torg ehf.DREIFING Póstdreifing ehf. dreifing@postdreifing.is
Verslaðu á 66north.is
Fylgdu okkur á Instagram @66north
Önnu Sigrúnar
Baldursdóttur
n Bakþankar
Ég á tík sem komin er á þann
aldur að hreyfing er ekki eins
spennandi kostur og hér áður.
Raunar virðist hún líta svo á að
hún geri okkur eigendunum sér-
stakan greiða með því að hreyfa
sig (okkur). Það er reyndar rétt
ályktað.
En nú er svo komið að tíkin er
orðin æði kresin á hvert göngu-
ferðirnar eru og vill fá sem
mest út úr hverjum túr. Hún
veit sem er að þessum ferðum
fækkar, gigtin hrjáir hana og
þessi uppáhaldsiðja verður að
vera merkingarbær. Svona eins
og þegar maður sparar við sig
kaloríur, þá er eins gott að hver
einasta sem neytt er sé þess
virði.
Um helgina gerði ég þrjár
misheppnaðar tilraunir til að
fara í göngutúr um vel þekktar
slóðir í nágrenninu. Hún sá við
hverri einustu og snéri við eftir
50 metra.
Það var ekki fyrr en ég gerði
mig líklega til að fara á bílnum
að hún gaf sig fram. Hún ætlaði
með. Hins vegar neitaði hún
að fara út á hundasvæðinu á
Geirsnefi og líka fyrir ofan
Rauðavatn. Það var ekki fyrr
en ég bauð henni út á nýjum
spennandi slóðum þar sem við
höfðum aldrei farið áður að
henni þóknaðist að hreyfa sig
(okkur).
Þar sem við gengum um upp-
sveitir Hafnarfjarðar á nýjum
slóðum varð mér hugsað til
komandi kosninga. Hverjir fara
um bergmálshellinn, hverjir
láta teyma sig um hefðbundnar
slóðir og hverjir gera eitthvað
alveg nýtt, jafnvel á gamals
aldri. Hvar atkvæðið fellur
verður að vera þess virði. n
Hreyfing
SKANNAÐU
KÓÐANN
SKOÐAÐU ÖLL
AFMÆLISTILBOÐIN
KAUPTU ARMBANDIÐ
STYÐJUM STÚLKUR Á FLÓTTA
LÍNA OKKAR TÍMA
Skannaðu QR kóðann og
fáðu upplýsingarnar beint í
símann.