Fréttablaðið - 16.06.2021, Blaðsíða 6

Allir hundar geta bitið.
Þess vegna þarf að
meta hvern og einn
hund fyrir sig.
Freyja Kristins-
dóttir, formaður
FÁH.
Markaðurinn er nú
einnig hlaðvarp!
Nú er hægt að hlusta á þætti Markaðarins
á Spotify, Google podcasts o.fl. hlaðvarpsveitum.
– Vettvangur viðskiptalífsins
urduryrr@frettabladid.is
UMHVERFISMÁL  Mikilvægt er að
afmá stíga eða slóða sem eru ekki
lengur í notkun við gosstöðvarnar,
segir René Biasone, sérfræðingur hjá
Umhverfisstofnun. „Þegar þessar
leiðir eru byggðar upp hefur verið
leitað eftir áliti Umhverfisstofnunn-
ar og við höfum alltaf bent á það sem
þarf að huga að því að afmá.“
Það er stefna stofnunarinnar að
alltaf skuli afmá jarðrask eftir fram-
kvæmdir og á það einnig við um
svæðið í kringum gosstöðvarnar.
„Stofnunin mælir með því og telur
það vera nauðsynlegt til að bæta
ásýnd svæðisins, sérstaklega því
þetta verður mjög fjölsótt svæði.
Bara það að afmá þessa slóða sem
eru ekki í notkun bætir upplifun
fólks og er líka náttúruverndarráð-
stöfun,“ segir René.
Hann bendir á að þegar hraun-
rennsli er ekki lengur að breyta
ákveðnum svæðum verði hægt að
setja upp áætlun um hvernig varan-
legir stígar eða slóðar eiga að vera.
Hann giskar á að enn sé töluvert í
framkvæmdirnar enda hraunið enn
að færa sig. Þá bendir René á að þær
leiðir sem hafa verið lagðar síðan
eldgos hófst séu bráðaaðgerðir sem
taldar hafa verið nauðsynlegar til að
bæta öryggi og aðgengi viðbragðs-
aðila á svæðinu. „Uppbygging gos-
svæðisins sem ferðamannastaðar er
langtímaplan sem fer í hefðbundið
skipulagsferli,“ segir hann.
Þar sem svæðið er ekki friðlýst,
fyrir utan hraunið sjálft sem nýtur
sérstakrar verndar samkvæmt nátt-
úruverndarlögum, eru aðgerðir þar
ekki leyfisskyldar hjá Umhverfis-
stofnun. Stofnunin er umsagnarað-
ili og gefur ábendingar um hvernig
megi gera hlutina. Sveitarfélög og
landeigandi þurfi að framkvæma. n
Nauðsynlegt að afmá slóða til að bæta ásýnd
Sumir slóðar eru ekki lengur í notkun sökum hraunflæðis. FRÉTTABLAÐIÐ/ANTON
Þremur nýjum hundategund-
um verður bætt við á bann-
lista þar sem MAST telur þær
hættulegar. Félag ábyrgra
hundaeigenda telur bann af
þessum toga ranga nálgun.
kristinnhaukur@frettabladid.is
DÝRALÍF Samkvæmt nýjum reglu-
gerðardrögum sjávarútvegs- og
landbúnaðarráðherra bætast þrjár
hundategundir á bannlista til inn-
f lutnings. Verða þær þá í heildina
fjórar talsins. Félag ábyrgra hunda-
eigenda segir löggjöfina í heild
byggja á rangri nálgun.
„Það er ekki hægt að segja að
ákveðna tegundir séu hættulegar
og að gera það veitir okkur falskt
öryggi,“ segir Freyja Kristinsdóttir,
dýralæknir og formaður félagsins,
sem berst fyrir bættum réttindum
hundaeigenda og bættu hunda-
haldi í landinu. „Með því að banna
ák veðnar tegundir verða ekki
aðeins hættulausir hundar eftir í
landinu. Allir hundar geta bitið.
Þess vegna þarf að meta hvern og
einn hund fyrir sig.“
Hundarnir sem um ræðir og
Íslendingar hafa sóst eftir að f lytja
inn eru Cane Corso, Presa Canario
og Boerboel. Bætast þeir við Pit
og Staffordshire Bull Terrier, Fila
Brasileiro, Toso Inu og Dogo Arg-
entino. Þá mun Matvælastofnun,
MAST, áfram hafa heimild til að
banna tegundir eða blendinga með
rökstuddri ákvörðun.
Freyja segir að það þurfi að
vekja almenning til vitundar um
hvernig eigi að nálgast hunda. „Í
langflestum tilfellum bíta hundar
vegna þess að fólk kann ekki að
umgangast þá. Ef þeim líður illa í
vissum aðstæðum og komast ekki
burt getur eina leiðin þeirra verið
að glefsa eða bíta frá sér,“ segir hún.
Fólk hefur leitað til félagsins
varðandi hundategundir sem ekki
eru til í landinu. Freyja segir þó að
þegar tegund sé komin á bannlista
sé lítið hægt að gera. Hún bendir þó
á mál hundsins Rjóma, af tegund-
inni English bull terrier, sem MAST
taldi hættulega en eigandinn hafði
betur að lokum.
„Ég held því miður að þekking
MAST á atferli hunda og hunda-
tegundum sé afar takmörkuð,“
segir Freyja. „Það er verið að fylgja
mýtum, sögusögnum og fréttaflutn-
ingi erlendis frá um þessar tegundir
og þá sé betra að banna frekar fleiri
en færri tegundir.“
Hrund Hólm, dýralæknir inn- og
útf lutnings hjá MAST, segir teg-
undamiðaðar reglur eins og gilda
á Íslandi ekki óumdeildar. En á
meðan heildarlöggjöf um hunda-
hald skorti telji MAST þessa leið
þá bestu í stöðunni. „Hérna skortir
heildarlöggjöf um hundahald og
yfirdýralæknir hefur ítrekað kallað
eftir henni,“ segir Hrund.
Hvað varðar þessar þrjár tegundir
segir Hrund reglugerðina aðeins
staðfesta núverandi verklag MAST.
„Þessar þrjár tegundir hafa ítrekað
verið bannaðar undanfarið ár á
þeim forsendum að þær eru mjög
líkar þeim sem eru nú þegar bann-
aðar,“ segir hún. „Þar spilar inn í
uppruni, ræktun, líkamsbygging,
geðslag og notkun þessara hunda í
gegnum tíðina.“
Hundarnir séu stórir og öflugir og
hafi verið ræktaðir sem varðhundar,
bardagahundar í dýraati eða til þess
að veiða stór dýr. „Heilt yfir er mikil
breidd innan tegunda, en þessir
hundar hafa þannig eiginleika að
það er nauðsynlegt að hafa vissa
kunnáttu í allri umgengni við þá.
Því ef þeir verða árásargjarnir geta
þeir valdið miklu tjóni,“ segir hún.
MAST dregur þó línuna við
hunda sem eru þegar í landinu.
Hundar sem hafa sögu sem varð-
hundar eða ratað í fréttir vegna bita,
svo sem Rottweiler, Dobermann og
Husky, fara ekki á bannlista. Þær
tegundir hafi heldur ekki oft ratað
á bannlista annarra þjóða. n
Bannlisti hundategunda röng nálgun
Hinn suður-afríski Boerboel lendir á nýjum bannlista. FRÉTTABLAÐIÐ/GETTY
helgivifill@frettabladid.is
VIÐSKIPTI Frumtak Ventures hefur
lokið við fjármögnun og stofnun
nýs vísisjóðs, Frumtaks III, sem
er sjö milljarðar að stærð. Ásthildur
Otharsdóttir, fyrrverandi stjórnar-
formaður Marels,  stýrir sjóðn-
um. Þetta kemur fram í tilkynningu.
Frumtak III mun f járfesta í
nýsköpunarfyrirtækjum sem eru
á fyrstu stigum fjármögnunar og
þykja vænleg til vaxtar á alþjóð-
legum mörkuðum. Gert er ráð fyrir
að sjóðurinn muni fjárfesta í átta til
tíu fyrirtækjum fyrir um 200-500
milljónir í hverju félagi. Fjárfest-
ingatímabil sjóðsins er fimm ár og
starfstími tíu ár.
Frumtak Ventures rak fyrir tvo
vísisjóði, Frumtak og Frumtak II.
Fyrsti sjóðurinn var stofnaður árið
2009 og hafa sjóðirnir fjárfest í 21
fyrirtæki frá stofnun. Þeirra á meðal
eru Controlant, Meniga, Sidekick,
Valka og DataMarket. Hagnaður
vísisjóða Frumtaks á árinu 2020
nam samanlagt 2,2 milljörðum. n
Frumtak með sjö
milljarða vísisjóð
Ásthildur
Otharsdóttir,
sjóðstjóri Frum-
taks III.
Vísisjóðir Frumtaks
hafa til dæmis fjárfest í
Controlant og Meniga.
benediktboas@frettabladid.is
STJÓRNMÁL Haraldur Benediktsson,
fyrsti þingmaður Norðvesturkjör-
dæmis, mun ekki taka annað sæti á
lista Sjálfstæðisflokksins fari svo að
hann haldi ekki fyrsta sætinu. Frá
þessu greindi Haraldur í samtali við
Bæjarins besta í gær.
„Ég hef setið sem oddviti listans
og gegnt stöðu fyrsta þingmanns
kjördæmisins. Ég hef náð að stilla
saman strengi allra þingmanna
kjördæmisins til góðra verka. Ég er
reiðubúinn að gera það áfram,“ segir
hann við bb.is.
Hann bendir á að fari svo að hann
tapi fyrir Þórdísi Kolbrúnu muni
hann ekki taka sæti á listanum. „Feli
f lokksmenn öðrum það hlutverk
er það skýr niðurstaða. Það getur
ekki verið gott fyrir nýjan oddvita
að hafa þann gamla í aftursætinu,“
segir hann.
Haraldur og Þórdís Kolbrún
Reykfjörð Gylfadóttir, ferðamála-,
iðnaðar- og nýsköpunarráðherra og
varaformaður flokksins, bítast um
oddvitasætið. Alls eru níu í fram-
boði, fjórar konur og fimm karlar.
Prófkjör flokksins fer fram í dag og
á laugardag. n
Haraldur vill aðeins vera númer eitt
Haraldur Benediktsson í ræðustól á
Alþingi. FRÉTTABLAÐIÐ/ERNIR
Haraldur kom inn á
þing árið 2013 eftir
að hafa verið for-
maður Bændasamtaka
Íslands.
6 Fréttir 16. júní 2021 MIÐVIKUDAGURFRÉTTABLAÐIÐ