Fréttablaðið - 16.06.2021, Page 10

Nýtt sjónarspil sem bíður
gosgesta á hverjum degi
Um helgina verða þrír mán-
uðir liðnir frá því að eldgos
hófst við Fagradalsfjall og
hraunflæðið um svæðið er
enn sem fyrr síbreytilegt og í
raun lítt útreiknanlegt.
Anton Brink, ljósmyndari
Fréttablaðsins, tók þessar
myndir af nýjustu stöðu mála
við eldstöðvarnar.
ELDGOS Gönguleiðin sem fjöldi
Íslendinga hefur nýtt sér til að
komast að eldgosinu í Geldingadöl-
um undanfarnar vikur er að hluta
komin undir hraun.
Þrátt fyrir það er ekkert lát á
heimsóknum fólks á gosstöðvarn-
ar eftir nýjum leiðum og hefur nú
fjölgað þeim erlendu ferðamönnum
sem koma á svæðið til að upplifa hið
ótrúlega náttúrufyrirbæri sem eld-
gosið er.
Trúlegt er að þeir ferðamenn sem
sjá gosið úr lofti í aðflugi að Kefla-
víkurflugvelli muni hugsa sér gott
til glóðarinnar að komast á gos-
stöðvarnar landveginn til frekari
skoðunar. Og heimafólk fer að gos-
stöðvunum aftur og aftur til að berja
síkvikar breytingarnar augum. n
10 Fréttir 16. júní 2021 MIÐVIKUDAGURFRÉTTABLAÐIÐ