Fréttablaðið - 16.06.2021, Page 24

MARKAÐURINN Instagram fréttablaðsins@frettabladidfrettabladid.is
MIÐVIKUDAGUR 16. júní 2021FYLGIRIT FRÉTTABLAÐSINS UM VIÐSKIPTI OG FJÁRMÁL |
Vatnagörðum 14 104 Reykjavík
litrof@litrof.is 563 6000
Sterkari saman
í sátt við umhverfið
Útlit er fyrir að hlutafjárútboð
Íslandsbanka, sem lauk í gær, hafi
verið vel heppnað á flesta mæli­
kvarða. Ríkið losar um eignarhald
sitt í fjármálakerfinu með skyn­
samlegum hætti og þrátt fyrir
nokkuð hagstætt útboðsgengi fyrir
kaupendur – sem var meðal annars
ætlað að stuðla að kraftmikilli þátt­
töku almennings í útboðinu – fær
ríkissjóður gott verð fyrir sinn hlut.
Vert er að staldra við og rifja upp
úrtölurnar sem lituðu umræðu
um söluferlið í byrjun þessa árs
og fjölmiðlar gerðu hátt undir
höfði. Málflutningur þingmanna
Samfylkingarinnar var á þá leið að
aðstæður fyrir sölu á banka væru
óheppilegar og ráðgjafar stéttar­
félaga sögðu að óvissa um virði
lánasafns Íslandsbanka myndi laða
óprúttna fjármagnseigendur að
bankanum.
Málflutningurinn gaf til kynna
að stjórnvöld vildu knýja í gegn rót­
tækar breytingar á fjármálakerfinu
í þágu fjármagnseigenda. Því fer
fjarri enda er sala á 35 prósenta hlut
í öðrum af tveimur ríkisbönkunum
varfærið skref í átt að heilbrigðara
fjármálakerfi. Ljóst var, þá sem nú,
að fullyrðingarnar héldu ekki vatni.
Enn fleira var týnt til. Í greinar­
gerð frá sérfræðingahópi verka­
lýðshreyfingarinnar sem var birt í
byrjun árs var mælt gegn bankasöl­
unni, meðal annars vegna þess að
skort hefði samfélagslega umræðu
um framtíðarsýn fyrir fjármála­
kerfið. Auk þess þyrfti að byggja
upp meira traust á bankakerfinu og
eftirlitsstofnunum áður en Íslands­
banki yrði seldur. Í örvæntingu var
fálmað eftir hverju því sem gæti gert
sölu Íslandsbanka tortryggilega.
Sala bankans er eitt af nokkrum
nýlegum dæmum sem sýna
að framtakssemi í atvinnulífinu á
undir högg að sækja. Hún kallar
fram neikvætt og ósjálfrátt við­
bragð eins og slegið sé á hnéskelj­
arnar. Gildir þá einu hvort fram­
takið snúi að atvinnuuppbyggingu
eða dreifingu eignarhalds í mikil­
vægum atvinnugreinum.
Sem kunnugt er þrýsti stjórn VR
á Lífeyrissjóð verzlunarmanna að
sniðganga hlutafjárútboð Iceland­
air og formaður stéttarfélagsins
hvatti einnig til sniðgöngu á
hlutafjárútboð Síldarvinnslunnar.
Forseti ASÍ fann stofnun flugfélags­
ins Play allt til foráttu og formaður
Eflingar lýsti áhyggjum sínum af
því að endurreisn ferðaþjónustunn­
ar leiddi til „gullgrafaraæðis“.
Framferði verkalýðsforingja og
þingmanna endurspeglar ekki heil­
brigt mótvægi við atvinnurekendur
heldur óþol gagnvart efnahags­
legum framförum. n
Óþol fyrir
framförum
Þorsteinn
Friðrik
Halldórsson
n Skoðun
thorsteinn@frettabladid.is
Á hluthafafundi fjárfestingafélagsins Hvals í lok
síðasta mánaðar var tekin sú ákvörðun að lækka
hlutafé félagsins með greiðslu til ákveðinna hlut­
hafa að fjárhæð 2,3 milljarðar króna.
Hvalur hafði áður innleyst bréf þriggja hluthafa
með greiðslu að fjárhæð 1.365 milljónir auk drátt­
arvaxta en félaginu bar skylda til þess samkvæmt
niðurstöðu Héraðsdóms Vesturlands.
Hluthafarnir þrír, sem réðu yfir 5,3 prósenta
hlut, voru félög í eigu feðganna Einars Sveins­
sonar og Benedikts Einarssonar og Ingimundar
Sveinssonar. Þeir stefndu Hval og sökuðu Kristján
Loftsson, framkvæmdastjóra og stærsta hluthafa
Hvals, um að hafa aflað ótilhlýðilegra hagsmuna
á kostnað annarra hluthafa með kaupum sínum á
hlutum á „verulegu undirverði“ 2017 og 2018.
Með þessu hefði Kristján gerst brotlegur við
ákvæði laga um hlutafélög og hluthafarnir ættu
því rétt á innlausn samkvæmt tilteknu ákvæði sem
kom fyrst inn í lögin árið 2010. n
Hvalur gerir upp við fleiri hluthafa
ORKUNA
FLOKKA
TIL AÐ
Garðaúrgangsgámur fyrir heimilið
Nú getur þú losað þig við garðaúrganginn á eftirfarandi Orkustöðvum í júní.
• Hraunbæ, Reykjavík
• Kleppsvegi, Reykjavík
• Reykjavíkurvegi, Hafnarrði
• Suðurströnd, Seltjarnarnesi
Orkan — Lauétt fyrir þig
NÝTUM
Það skipti mig miklu máli að
vera fínn og í raun vildi ég
vera best klæddi maður
Seðlabank ans. Því þann-
ig vildi ég sýna stöðunni
minni virðingu. 
Ásgeir Jónsson,
seðlabankastjóri