Ásgarður : blað starfsmanna ríkis og bæja - 15.03.1980, Blaðsíða 6

6/ Viðtalið
Gunnar Baldur
Guðnason:
Gunnar Baldur Guðnason hefur verið vagnstjóri hjá
SVR sl. 25 ár. Hann er 1. fulltrúi 9. deildar strætis-
vagna, í fulltrúaráði Starfsmannafélagi Reykjavíkur-
borgar. Hann átti einnig fyrstur manna sæti í stjóm
SVR sem fulltrúi starfsmanna.
Skammaður
jyrir
shakkan vagn
„Ég var að keyra leið, sem þá var nýbyrj-
uð, Kleppsholt — Kaplaskjól. Inni í Vogum
kom kona upp í vagninn hjá mér, borgaði
og settist. Þegar ég beygði inn á Miklubraut
af Suðurlandsbrautinni, reis hún upp, hellti
sér yfir mig og jós mig óbótaskömmum alla
leið niður á Miklatorg fyrir að hafa hleypt
sér inn í vagninn, en ég kom ekki að öðru en
brosi öðru hvoru. Blessuð konan ætlaði víst
í annan vagn, sennilega Voga — hraðferð.“
Þannig sagðist Gunnari frá, er Ásgarður
stal af honum kaffitímanum niðri á Hlemmi
eitt síðdegi nú fyrir stuttu.
— En snúum okkur að alvarlegri málefn-
um, hvernig er vinnu ykkar vagnstjóra
háttað?
Hér er unnið á þrískiptum vöktum, 6.30
til 13, 13 til 19 og 19 til ca. 1. Einnig eru
nokkrir tveggja vakta menn, sem taka
morgun- og miðvaktir.
Hvað berið þið svo úr býtum fyrir vinnu
ykkar?
Byrjunarlaun okkar eru 8. lfl. og hæst
komumst við í 10. Við erum ekki ánægðir
með okkar hlut, frekar en flestir aðrir, enda
eiga menn ekki að vera ánægðir.
Er þetta ekki erfitt starf?
Þetta er engin átakavinna lengur, vagn-
arnir eru orðnir það góðir. Hins vegar fylgir
því mikið álag að vera alltaf að keppa við
tímann, og það hefur jafnvel komið fyrir, að
menn hafa hætt af þessum sökum.
Nú voruð þið að kjósa á dögunum. Um
hvað var verið að greiða atkvæði?
Já, hér var á ferðinni skoðanakönnun á
vegum St. Rv. um „bókun C“ í síðasta
aðalkjarasamningi, þ.e. athugun á því,
hvort brunaverðir, hafnsögumenn og
strætisvagnastjórar eigi að geta farið á
eftirlaun fyrr en nú er heimilt. Niðurstaðan
varð sú, að mikill meirihluti vagnstjóra
mundi vera þessari breytingu hlynntur.
Eigið þið mikil samskipti við starfs-
mannafélagið?
Við fulltrúaráðsmennirnir höfum all-
nokkur samskipti við félagið, en almennt
virðist félagsáhugi ekki vera mikill. Við
höfum leitast við að leysa sem flest mál, sem
upp koma hér innan S.V.R. í því skyni eru
t.d. haldnir fundir með forstjóranum, einnig
má benda á, að S.V.R. var eitt fyrsta fyrir-
tækið til að gefa starfsmönnum kost á að
eiga fulltrúa í stjórninni, sem er að öðru
leyti pólitískt skipuð.
Svo að við snúum okkur að þeirri hlið,
sem út á við snýr, telur þú núverandi leiða-
kerfi þjóna hagsmunum neytenda nægilega
vel?
Leiðakerfið er árangur algerrar byltingar,
sem gerð var fyrir 5—6 árum. Helsti gallinn
á því finnst mér vera sá, að það tekur nú oft
lengri tíma en áður að komast úr úthverf-
unum í miðbæinn. Úr því hefur að nokkru
verið bætt með hraðferðum í Breiðholts-
Tvær orlofsferðir fyrir aldraða
Samvinnuferðir—Landsýn h/f hefur
tekið upp þá nýbreytni að skipuleggja
sérstakar orlofsferðir fyrir eldri kynslóð-
ina.
Ferðaskrifstofan mun í sumar efna til
tveggja slíkra ferða. Farið verður til Por-
toroz í Júgóslavíu og eru báðar ferðirnar
þriggja vikna, sú fyrri hefst 22. maí, sú
síðari 4. sept. Verð frá 374 þús. kr.
Portoroz er mjög vel til sumarleyfis-
dvalar fallin, þar er mikil veðursæld og
fjölmörg tækifæri til skoðunarferða. Gist
er á fyrsta flokks hóteli, og er hálft fæði
innifalið í verði ferðarinnar. í tengslum
við hótelið er rekin heilsuræktarstöð,
sem er mörgum íslendingum að góðu
kunn.
Frú Ásthildur Pétursdóttir mun annast
allan undirbúning og fararstjórn þessara
ferða.
Gefin hefur verið út sérstakur
bæklingur sem skýrir nánar þennan
merka þátt í rekstri Samvinnu-
ferða—Landsýn h/f.
Hinn 23. febrúar kynnti frú Ásthildur
ferðir þessar fyrir ellilífeyrisþegum innan
SFR og voru undirtektir mjög góðar.
Leiguflug til
Norðurlanda
Eins og undanfarin ár munu Samvinnu-
ferðir—Landsýn h/f bjóða upp á fjöl-
breytta möguleika í leiguflugi til hinna
ýmsu staða á Norðurlöndum. Við höfum
áður bent á þá möguleika sem skapast,
þegar að aðildarfélög erlendis taka sig
saman og mynda hópa sem að áhuga hafa á
íslandsferðum.
Þessir sömu aðildarhópar leita síðan til
okkar um aðstoð eða öllu heldur samvinnu
við leit að sambærilegum hóp'eða hópum,
sem nýtt gætu sér „tómu sætin“ eins og þau
eru gjarnan nefnd. Það þarf auðvitað ekki
að taka það fram, að þegar slík samvinna
tekst, fást verð sem nær undantekningalaust
eru meira en helmingi lægri en þau fargjöld
sem almennt bjóðast.