Fréttablaðið - 25.09.2021, Side 24

Fyrsti dagur Ryder bikarsins,
golfmóts milli bestu kylfinga
Bandaríkjanna og Evrópu, var
í gær. Fresta þurfti keppninni
í fyrra vegna kórónaveiru­
faraldursins. Ferðatakmark­
anir í Bandaríkjunum gera
það að verkum að fáliðað er
í stuðningssveit Evrópu, en
heimamenn njóta stuðnings
um fjörutíu þúsund Banda­
ríkjamanna.
kristinnpall@frettabladid.is
GOLF Bestu kylfingar Bandaríkj­
anna og Evrópu kljást þessa dagana
við Michiganvatn á Whistling Stra­
its­golfvellinum í Ryder bikarnum,
stærsta og skemmtilegasta golfmóti
ársins. Á þessu móti taka áhorfendur
virkari þátt en á flestum öðrum golf­
mótum í að styðja við bakið á sínu
fólki og vonast áhorfendur til þess
að aðstoða bandaríska liðið við að
vinna á heimavelli í annað skiptið
í röð.
Keppt er í liðakeppnum á föstu­
degi og laugardegi áður en keppn­
inni lýkur með einstaklingsleikjum
þar sem allir fá að spreyta sig. Alls
koma níu nýliðar fram fyrir hönd
Evrópu og Bandaríkjanna á mótinu
í ár, þar á meðal Norðmaðurinn
Viktor Hovland og Austurríkis­
maðurinn Bernd Wiesberger sem
eru fyrstu kylfingarnir sem leika
fyrir hönd þjóða sinna í Ryder bik­
arnum.
Ljósmyndarar Getty­
mynda hafa verið á Whist­
ling Straits­vellinum að
fanga stemninguna og eru hér
birtar nokkrar myndanna. ■
Þjóðarstoltið áberandi við Michiganvatn
22 Íþróttir 25. september 2021 LAUGARDAGUR