Morgunblaðið - 22.04.2021, Qupperneq 28

28 MENNING
MORGUNBLAÐIÐ FIMMTUDAGUR 22. APRÍL 2021
Sími 557 8866 | www.kjotsmidjan.is | Fossháls 27, 110 Reykjavík
Opnunartími
8:00-16:30
Við óskum
lesendum
gleðilegs
sumars
Með ósk um gott grillveður
í allt sumar..
Helgi Snær Sigurðsson
helgisnaer@mbl.is
Útvarpsmaðurinn Þórður Helgi
Þórðarson, sem hóf fyrir margt
löngu að kalla sig Dodda litla, gaf út
sína fyrstu og síðustu breiðskífu 16.
apríl og nefnist sú Last. Doddi hefur
áður spreytt sig sem tónlistarmaður
og þá kallað sig Love Guru, gefið út
mjaðmadillandi og oftar en ekki
óþolandi lög. Á Last má finna 12 lög
sem Doddi segir að flokka megi sem
hljóðgervlapopp í anda níunda ára-
tugarins með aðeins ferskari krydd-
blöndum, eins og hann orðar það
sjálfur. Plötuna segist hann hafa
unnið að miklu leyti með 24 ára upp-
tökustjóra frá Marokkó, N3dek (bor-
ið fram „Nedek“) sem var níu ára
þegar Doddi samdi elsta lagið á plöt-
unni. N3dek þennan segir Doddi
vera harðan EDM-tónlistarmann
(skammstöfun fyrir Electronic
Dance Music eða rafmagnaða dans-
tónlist) og hafa endurhljóðblandað
eitt lag með Love Guru.
Nokkrir gestir koma við sögu á
Last, þau Una Stef, Karitas Harpa,
Lísa Einarsdóttir, Aldís, Rachel
Wish, Íris Ey, Inger, Weekendson
og breski rapparinn Gimson. Allar
söngupptökur fóru fram hjá Jóni Þór
Helgasyni í Weekendson studios.
Æskudraumur rætist
Doddi segir að hugmyndin að plöt-
unni fæðst þegar hann gerði síðustu
plötu Love Guru, Dansaðu fíflið þitt,
dansaðu, þar sem hann fékk takt frá
Bigga Veiru úr GusGus svo úr varð
lagið „Wastelands“, yfir átta mín-
útna ópus þar sem Una Stef syngur
viðlagið og útvarpsmaðurinn Eiríkur
Guðmundsson les upp ljóð. Þótti
Dodda þetta svo gott að hann gerði
lagið aftur og gaf út sem „Last
Dance (Wastelands)“. Níu lög á plöt-
unni eru eftir Dodda, eitt eftir eðal-
sveitina Depeche Mode, eitt eftir
hljómsveitina CTV og enn eitt eftir
Gunnar Hilmarsson.
Doddi er spurður að því hvers
vegna hann hafi ákveðið að þetta
yrði bæði fyrsta og síðasta plata
Dodda. „Ég er bara að uppfylla ein-
hvern æskudraum, þetta er bara x í
boxið. Ég sé alveg að ég kem ekki til
með að ná miklum frama sem
tónlistarmaður,“ segir Doddi. Metn-
aðurinn sé vissulega til staðar en
heimsbyggðin ekki að átta sig á
snilldinni.
Taugaáfall á FM957
Tónlistarmennirnir Love Guru og
Doddi eru mjög ólíkir náungar og
segir Þórður Helgi að Doddi endur-
spegli þá tónlist sem hann hafi gaman
af en Love Guru það sem hann hafi
ekki gaman af. „Love Guru er búinn
að vera, frá því hann fæddist, svona
anti-ego ég. Ég var að vinna á FM957
þegar hann varð til og ég fékk örugg-
lega taugaáfall af því að þurfa að
hlusta á tónlistina þar daginn út og
inn og fór bara að framleiða það sem
mér fannst vera drasl. Þetta var til að
byrja með einn útvarps-sketch í Ding
Dong hjá okkur Pétri (Jóhanni Sig-
fússyni) og svo sló lagið í gegn og fólk
vildi meira. Þá hélt ég bara áfram að
gera það sem mér fannst ógeðslega
leiðinlegt, gerði heila plötu með
leiðinlegri tónlist,“ útskýrir Doddi.
„Ég held ég hafi náð sjö lögum inn á
topp 20 á íslenska listanum af einni
plötu sem mér fannst í heild ógeðs-
lega leiðinleg,“ segir Doddi sposkur.
–Líklega hafa þá margir ekki fatt-
að brandarann?
„Það voru rosalega margir sem
föttuðu ekki brandarann,“ segir
Doddi og hlær. Hann hafi hent gam-
an af ýmsum tónlistarstílum, til dæm-
is teknói og R&B en á seinni árum
gert öllu skárri lög þannig að hann
þyrfti ekki að skammast sín fyrir þau.
Á sama tíma döluðu vinsældir Love
Guru til muna, eins og við var að
búast.
Þolir ekki 50%
Við snúum okkur að því sem Doddi
kann að meta, ólíkt Love Guru.
„Tónlistin sem kom upp úr 1980: ný-
bylgjan, nýrómantíkin, synthapoppið
og allt þetta dót er það sem ég fíla og
út frá því kemur house og teknó sem
ég fíla líka. En það er náttúrlega til
skrítið Scooter-teknó sem mér finnst
fyndið en ekki skemmtilegt. Mér
finnst mörg sánd hjá Scooter frábær
en tónlistin vond,“ útskýrir Doddi.
Á Last má því finna nokkuð ein-
lægan Dodda þó alltaf sé stutt í grín-
ið. „Þetta er eins mikið ég og hægt
er,“ segir Doddi, „það er smá house
og deep house inni í þessu líka en
grunnurinn er svolítið early 80’s
synthapopp með 2021 kryddi.“
Doddi er fæddur 1969 og var tíu
ára þegar þessi tónlist var að bresta á
og drakk hana í sig. Hann segist tals-
maður tónlistar frá níunda áratugn-
um hér á landi þó hann þoli ekki um
50% af henni. „En það sem ég fíla
finnst mér bara best í heimi.“
Óteljandi sendingar milli landa
Talið berst að N3dek, marokk-
óskum upptökustjóra Dodda. N3dek
og Doddi hafa aldrei hist, þrátt fyrir
að hafa klárað heila plötu saman og
segir hann samstarfið hafa gengið
prýðilega þrátt fyrir nær endalausum
sendingar á tónlist og skilaboðum
milli landa. „Þetta var orðið pínu ves-
en þegar við vorum komnir í smá-
atriðin,“ segir Doddi kíminn.
Hinn útlendingurinn sem tók þátt í
plötugerðinni er breskur rappari,
Gimson, sem Doddi segist hafa fylgst
með á Instagram. Gimson þessi setur
daglega inn eitthvert tónlistarefni og
segist Doddi hafa sett sig í samband
við hann og beðið hann um að semja
texta fyrir sig og rappa í lagi á plöt-
unni. Gimson lét vaða og samdi fínan
texta inn í dramatíska og persónu-
lega upplifun Dodda af æskunni, eins
og hann orðar það sjálfur. „Hann
bara steinnegldi það,“ segir Doddi.
Sami textinn í 17 ár
Hvað textasmíðina snertir segir
Doddi að það hafi verið mikil áskorun
fyrir hann að semja venjulega texta.
„Ég er búinn að semja djammtexta
fyrir Love Guru í 17 ár sem eru allir
um það sama, að fara út og dansa, án
þess að minnast á áfengi, eiturlyf og
kynlíf. Ég er búinn að vera að semja
sama textann í 17 ár þannig að þetta
var áskorun,“ segir hann. Á plötunni
sé einn mjög persónulegur texti og
annar mjög listrænn sem hann skilji
varla sjálfur. „Það eru tvö lög þarna
með pínu Love Guru-texta sem eru
bara grín en ég hef aldrei samið al-
vöru texta áður,“ útskýrir hann.
–Þetta er þá einlægni og húmor í
bland?
„Þetta er hrein einlægni fyrir utan
tvö lög, „Electro Love“ og „Desire“
sem eru bara grínlög. Ef þú sérð
myndböndin við þau þá skilurðu
það,“ svarar Doddi. „Þetta er ég, ekki
ég að leika eitthvað anti-ego.“
Hann sjálfur „Þetta er eins mikið ég og hægt er,“ segir Doddi um tónlistina á sinni fyrstu og síðustu plötu, Last.
Æskudraumur uppfylltur
- Doddi litli hefur gefið út sína fyrstu og síðustu breiðskífu - Hljóðgervlapopp í anda níunda
áratugarins með kryddblöndum - Doddi gerir skemmtilega tónlist en Love Guru leiðinlega
Streymisveitan Netflix mun verja 17
milljörðum dollara, jafnvirði um tvö
þúsund milljarða króna, í gerð efnis
fyrir veituna á þessu ári, að því er
fram kemur í frétt á vef Variety.
Vegna tafa í framleiðslu í fyrra
vegna Covid-19 verður kostnaðurinn
sérstaklega mikill. Í tilkynningu frá
Netflix til hluthafa segir að öllum
varúðarráðstöfunum sé fylgt vegna
farsóttarinnar og framleitt á öllum
stærstu markaðssvæðum veitunnar,
að Brasilíu og Indlandi undan-
skildum. Miðað við gang mála sé
reiknað með að kostnaður við gerð
efnis nemi fyrrgreindri upphæð.
Í fyrra var kostnaðurinn 11,8
milljarðar dollara og því mun lægri
en í ár vegna Covid. Árið 2019 var
hann 13,9 milljarðar dollara. Upp-
hæðirnar eru vissulega himinháar
en áskrifendur veitunnar líka marg-
ir, um 203 milljónir talsins. Er þá átt
við áskriftir en áhorfendur eru
miklu fleiri þar sem margir geta
verið um eina áskrift á heimili.
Áhorfið endurspeglar þennan fjölda
og má sem dæmi nefna að 66 millj-
ónir áskrifenda hafa horft á kvik-
myndina Outside the Wire, 63 millj-
ónir á Yes Day og 56 milljónir á I
Care a Lot. Netflix hefur undanfarin
misseri aukið umsvif sín í fram-
leiðslu efnis í ýmsum löndum og á
ólíkum tungumálum, t.d. í Mexíkó,
og hafa vinsældir margra þáttaraða
og kvikmynda verið miklar. Mexí-
kóska þáttaröðin ¿Quién Mató a
Sara?, eða Hver myrti Söru?, er ein
þeirra og hafa 55 milljónir áskrif-
enda horft á hana, svo dæmi sé tek-
ið. Er það vinsælasta þáttaröð Net-
flix í Bandaríkjunum á öðru
tungumáli en ensku frá því veitan
hóf starfsemi. Annað dæmi er
franska þáttaröðin Lupin, sem 76
milljónir horfðu á fyrsta mánuðinn
eftir að hún varð aðgengileg.
AFP
Risi Netflix sækir í sig veðrið með ári hverju og er nú með 203 milljónir áskrifenda.
17 milljarðar dollara í efni fyrir Netflix