Morgunblaðið - 02.06.2021, Page 18

18 MINNINGAR
MORGUNBLAÐIÐ MIÐVIKUDAGUR 2. JÚNÍ 2021
Raðauglýsingar
Nauðungarsala
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Grundarbraut 14, Snæfellsbær, fnr. 210-3617 , þingl. eig. Mariusz
Jacek Konopka, gerðarbeiðandi Landsbankinn hf., miðvikudaginn
9. júní nk. kl. 11:00.
Sýslumaðurinn á Vesturlandi
1 júní 2021
Auglýsing um skipulagsmál í Rangárþingi eystra
Samkvæmt 1. mgr. 30. gr. skipulagslaga nr. 123/2010, er kynnt lýsing að breytingu á aðalskipulagi
Rangárþings eystra 2012-2024.
Hellishólar – Lýsing aðalskipulagsbreytingar
Lagt er til að gerð verði breyting á aðalskipulagi Rangárþings eystra 2012-2024. Breytingin felur í sér að
landnotkun á ca 6,0 ha svæði á jörðinni Hellishólar, verður breytt í frístundabyggð (F).
Ofangreind skipulagslýsing verður kynnt fyrir almenningi með opnu húsi hjá skipulags- og byggingarfulltrúa,
Austurvegi 4, Hvolsvelli, mánudaginn 7. júní 2021 kl. 10:00 – 12:00. Einnig verður tillagan aðgengileg á
heimasíðu Rangárþings eystra www.hvolsvollur.is. Hverjum þeim sem telur sig eiga hagsmuna að gæta er
gefinn kostur á að gera athugasemd við skipulagslýsinguna og er frestur til að skila inn athugasemdum til og
með 16. júní 2021.
F.h. Rangárþings eystra
Guðmundur Úlfar Gíslason
Skipulags- og byggingarfulltrúi
Félagsstarf eldri borgara
Árskógar Smíðastofa með leiðb. kl. 9-14. Opin vinnustofa kl. 9 - 12.
Bónusbíllinn, fer frá Árskógum 6-8 kl. 12.55. Hádegismatur kl. 11.40-
12.50. Kaffisala kl. 14:30-15.30. Heitt á könnunni, Allir velkomnir.
Grímuskylda og það þarf að skrá sig í viðburði eða hópa: 411-2600.
Félagsmiðstöðin Hæðargarði 31 Kaffisopi og spjall kl. 8:10-11:00.
Opin Listasmiðja kl. 9-12. Línudans kl. 10:00-11:00. Hádegismatur kl.
11:30-12:30. Opin Listasmiðja kl. 13-15:30. Síðdegiskaffi
kl. 14:30-15:30.
Garðabæ Poolhópur í Jónshúsi kl. 9:00. Gönguhópur fer frá
Jónshúsi kl. 10:00. Gönguhópur fer frá Smiðju kl. 13:00. Stólajóga í
Jónshúsi kl. 10:00 og 11:00. Bridge í Jónshúsi kl. 13:00.
Áfram skal gæta að handþvotti og smitvörnum.
Gerðuberg Opin handavinnustofa frá kl. 08:30 – 16:00, samvera og
spjall. Alltaf heitt á könnunni. Döff, Félag heyrnarlausra frá kl. 13
–16:00. Félagsvistin er á dagskrá kl. 13:00.
Munum persónulegar sóttvarnir og grímuskyldu.
Hvassaleiti 56-58 Morgunkaffi og spjall frá 8:30-10:30.
Útvarpsleikfimi kl. 9:45. Bingó kl. 13:15.
Korpúlfar Útvarpsleikfimi 9:45 í Borgum. Gönguhópar leggja af stað
kl. 10 frá Borgum þrír styrkleikahópar, síðan kaffispjall á eftir. Lagt af
stað kl. 10 frá Borgum í 2 daga ferð á Snæfellsnesið með Emil Erni
sem fararstjóra. Óskum rúmlega 40 ferðaglöðum Korpúlfum innilega
góðrar ferðar og hlökkum til að heyra ferðasöguna. Kaffi á könnunni í
Borgum og gleðileg samvera, allir velkomnir.
Seltjarnarnes Hefðbundnu vetrarstarfi lauk með opnum
vinnustofum og handverkssýningu um sl. helgi með fjölbreyttu og
fallegu handverki. Sumardagskráin verður auglýst næstu daga. Á
morgun fimmtudag verður Grillvagninn í salnum á Skólabraut og
hefst partýið kl. 18.00. Kveðjum veturinn.
Skráning í síma 8939800. Verð kr. 5.000.-
með
morgun-
!$#"nu
Vantar þig
fagmann?
FINNA.is
Smáauglýsingar
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
✝
Olga Óla
Bjarnadóttir
fæddist 11. ágúst
1942 í Görðum á
Grímsstaðaholti í
Reykjavík. Hún lést
á hjúkrunarheim-
ilinu Hömrum í
Mosfellsbæ 20. maí
2021.
Foreldrar Olgu
voru Bjarni Bene-
diktsson sjómaður
og bryti frá Patreksfirði, f. 16.
október 1897, d. 17. júní 1944,
og Jóhanna Helga Ákadóttir
verkakona frá Djúpavogi, f. 9.
mars 1915, d. 4. nóvember 1986
í Reykjavík.
Systur Olgu eru Guðrún Elín
Bjarnadóttir, f. 28. júní 1941, og
Áslaug Bjarney Jónsdóttir, f.
10. desember 1948.
Móðir þeirra systra dvaldi
um lengri tíma á heilsustofn-
unum vegna berklasjúkdóms og
af þeim sökum ólust þær systur
Olga og Guðrún Elín upp hjá
ömmu sinni og afa í Brekku á
Djúpavogi, en þau voru Áslaug
Jónsdóttir og Áki Kristjánsson.
Áttu þau 14 börn og ólu auk
þess upp þrjú barnabörn að
þeim systrum meðtöldum.
Olga gekk í Húsmæðraskól-
ann á Laugum veturinn 1959-
1960 og kynntist þar Sigurði
Eymundssyni frá Höfn í Horna-
firði, sem stundaði nám við hér-
aðsskólann. Þau gengu í hjóna-
band 11. ágúst 1962. Sigurður
lést 27. júní 2016.
Börn þeirra eru: 1) Eymund-
ur, f. 22.3. 1962, maki Ragn-
heiður Bragadóttir, f. 1963.
Börn þeirra eru Bragi Steinn, f.
1994, Sigurður, f. 1996, og
Halla, f. 2001. 2) Hanna Birna, f.
2.12. 1973, maki Jesper Rønn-
ing Dalby, f. 1975. Börn þeirra
eru Sif, f. 2004, Lív, f. 2006, og
Nanna, f. 2012. 3) Bjarni Gauk-
ur, f. 18.5. 1975, maki Elísabet
Jónsdóttir, f. 1975. Börn þeirra
eru Bríet, f. 2003, Þór Óli, f.
2006, og Olga Elísa, f. 2012.
Olga var mjög námfús og
nýtti sér vel það stutta nám sem
hún hafði kost á að stunda en
einnig sótti hún í gegnum árin
margs konar námskeið, m.a. í
Myndlista- og handíðaskól-
anum.
Olga og Sigurður bjuggu sín
fyrstu búskaparár á Höfn í
Hornafirði en bjuggu einnig
okkur misseri í Reykjavík á
meðan Sigurður
stundaði þar nám í
rafvirkjun og
tæknifræði. Á þeim
árum starfaði Olga
hjá Kaupfélagi
Austur-Skaft-
fellinga á Höfn og
einnig í Brauðbæ
og Heildverslun
Ásbjörns Ólafs-
sonar í Reykjavík.
Árið 1970 fluttu
þau til Árósa í Danmörku þar
sem Sigurður stundaði nám í
rafmagnstæknifræði um
þriggja ára skeið. Á meðan sá
Olga um að afla heimilinu tekna
með vinnu við þrif og í text-
ílverksmiðju. Þau fluttu aftur
heim til Íslands í desember 1973
og bjuggu fyrst í Reykjavík og
síðar í Holtsbúð 61 í Garðabæ
þar sem þau byggðu sér ein-
býlishús. Á þessum árum stóð
Olga fyrir vinsælum lampa-
skermanámskeiðum og í
tengslum við þau stofnaði hún
síðar verslunina Uppsetn-
ingabúðina á Hverfisgötu. Árið
1978 fluttu þau hjón á Blönduós
þar sem Sigurður tók við starfi
umdæmisstjóra Rarik. Þar sett
hún á laggirnar blómabúð sem
hún rak um árabil. Þau Olga og
Sigurður fluttu til Egilsstaða
1990 þar sem Sigurður varð
umdæmisstjóri Rarik á Austur-
landi. Á árinu 1995 keyptu þau
hjónin eitt elsta húsið á Egils-
stöðum, svokallað Nielsenshús,
gerðu það upp og hófu þar
rekstur veitingahússins Café
Nielsen. Eftir um áratug seldu
þau kaffihúsið, festu kaup á
öðru húsi á Egilsstöðum og opn-
uðu þar gistihús, Gistihús Olgu,
sem þau ráku til ársins 2013 er
þau fluttu til Reykjavíkur. Sam-
hliða rekstri gistihússins stund-
uðu þau skógrækt á Eyrarteigi í
Skriðdal.
Olga tók virkan þátt í fé-
lagsstarfi, bæði á Blönduósi og
Egilsstöðum, m.a. í JC-
hreyfingunni, kórastarfi og
starfi hóps áhugakvenna um
vefnað á Blönduósi.
Eftir að þau hjón fluttu til
Reykjavíkur bjuggu þau í Mörk-
inni á Suðurlandsbraut. Síðasta
árið dvaldi Olga á hjúkrunar-
heimilinu Hömrum í Mos-
fellsbæ.
Útför Olgu Ólu fer fram frá
Háteigskirkju í dag, 2. júní
2021, klukkan 15.
Í minningunni var Olga mág-
kona okkar einstök manneskja.
Hún var stórhuga og fór ekki
troðnar slóðir.
Það þóttu nokkur tíðindi þeg-
ar Siggi bróðir kom heim eftir
skólavist á Laugum og sagðist
eiga kærustu frá Djúpavogi. Við
vissum að hann hefði vandað val-
ið og væntingar okkar rættust.
Okkur er minnisstætt þegar
Olga kom í Vallanes og daginn
eftir, á fertugsafmæli mömmu,
setti kærustuparið upp trúlofun-
arhringana. Þá var kátt í höll-
inni. Eflaust höfðu einhverjir
áhyggjur af hvernig tengdadótt-
urinni litist á heimilisbraginn.
Það var ástæðulaust því Olga
átti einmitt heima í þessum fé-
lagsskap. Sjálf ólst hún upp við
svipaðar aðstæður þar sem fólk
þurfti snemma að læra að bjarga
sér og að hafa fyrir hlutunum.
Fljótlega fóru þau Siggi að
búa á Höfn og stofna fjölskyldu
ung að árum. Fjölskyldan
stækkaði og bera börnin foreldr-
um sínum gott vitni um að hafa
fengið notadrjúgt veganesti að
heiman. Voru þau stolt af börn-
um sínum og fjölskyldum þeirra
og máttu vera það.
Þegar við hugsum til baka átt-
um við okkur betur á hversu já-
kvæður áhrifavaldur Olga var í
fjölskyldunni sem við erum öll
þakklát fyrir. Leiðsögn hennar
og sannfæringarkraftur varð til
þess að auðvelt var að hrífast
með henni. Þá gilti einu hvort
það voru leiðbeiningar um að
brjóta saman borðtusku eða
undirbúningur stórfram-
kvæmda.
Það var aldrei lognmolla í
kringum mágkonu okkar og
dugnaður hennar og áræðni
aðdáunarverð, sem kom sér sér-
staklega vel á meðan Siggi var í
námi. Minnisvarðar um fram-
takssemi Olgu eru margir, m.a.
endurbygging Cafe Nielsen og
Gistihús Olgu. Eftirtektarvert
var hvað þau Siggi voru samtaka
í öllu sem þau tóku sér fyrir
hendur.
Heimili Olgu og Sigga bar
vitni um dugnað þeirra og
smekkvísi. Þau voru höfðingjar
heim að sækja og gestrisni
þeirra við brugðið og ætíð var
gleðin þá við völd. Alls þessa nut-
um við systkinin og makar í rík-
um mæli. Svo var alltaf eitthvað
notalegt við þær stundir þegar
þau hjón léku saman, Siggi á
nikkuna og Olga gítarinn og hún
söng uppáhaldslögin sín. Oft var
kátt á hjalla þegar stórfjölskylda
okkar kom saman og létu þau
hjón ekki sitt eftir liggja til að
gera þær samkomur skemmti-
legar og eftirminnilegar.
Það var mikið áfall fyrir mág-
konu okkar að missa Sigga sinn
sem hún treysti ávallt á. Það var
henni sjálfsagt þungbært að
geta ekki búið ein og haldið reisn
sinni og sjálfstæði sem var svo
ríkt í fari hennar.
Við systkinin höfum alla tíð
verið stolt af mágkonu okkar og
erum þakklát fyrir að hafa átt
þessa kjarnakonu sem vinkonu
og fyrirmynd.
Við biðjum Eymundi, Hönnu
Birnu, Bjarna Gauki og fjöl-
skyldum þeirra guðsblessunar
og megi góðar og fallegar minn-
ingar verða þeim huggun í sorg-
inni.
Anna Margrét,
Agnes, Eygló, Albert,
Ragnar Hilmar, Brynjar,
Benedikt Þór, Halldóra
og Óðinn.
Hún Olga frænka verður bor-
in til grafar í dag. Þrátt fyrir að
vita vel hvert leið okkar liggur
kemur það alltaf flatt upp á
mann þegar fólki sem hefur
varla á sinni lífsleið slegið feilp-
úst er kippt frá okkur fullt af
krafti og lífsorku. Hún Olga
frænka, eins og við kölluðum
hana ávallt systkinin frá Hátúni
á Djúpavogi, var okkur meira en
frænka. Hún varði töluverðu af
sínum yngri árum í Hátúni þar
sem hún hjálpaði við heimilis-
haldið og dekraði við okkur
börnin. Mín fyrsta minning af
Olgu er í Hátúni, þar sem hún er
með hvíta svuntu á ferð um hús-
ið, að hjálpa mömmu með heim-
ilishaldið og sinna okkur krökk-
unum. Það geislaði af henni
gleðin sem smitaði inn á heim-
ilið, sem í minningunni var bland
af væntumþykju og umhyggju
fyrir okkur öllum. Olga sinnti
okkur vel, tók að sér ýmis mál
svo sem að halda mér undir skírn
í fermingarathöfninni sinni.
Minningin um hana er okkur
systkinunum frá Hátúni afar
kær.
Þegar leiðir skildi og hún hitti
sinn lífsförunaut Sigurð Ey-
mundsson, sem lést árið 2016,
hélst þó sambandið milli okkar
alla tíð, samband sem byggðist á
vináttu og virðingu. Olga var
ótrúlega dugleg og fjölhæf
manneskja. Ég man ekki eftir
henni öðruvísi en vinnandi. Hún
var hugmyndarík, listræn og af-
ar dugleg. Það vafðist ekkert
fyrir henni og hún velti sér ekki
upp úr hlutunum heldur hjólaði í
verkin af krafti. Sama hvort það
var að reka skermabúð á Hverf-
isgötu, þar sem hún saumaði
nánast alla skerma sjálf, blóma-
búð á Blönduósi eða byggja upp
eitt elsta hús á Egilsstöðum og
reka þar kaffihús með mikilli
reisn.
Það var yndislegt að fylgjast
með þeim hjónum Sigga og Olgu.
Samband þeirra var náið og
byggðist á vináttu og kærleika.
Þau virkuðu á mann sem nýtrú-
lofuð hvenær sem maður hitti á
þau. Siggi var einstakt ljúf-
menni, sem gott var að leita til
með hvers kyns vandamál. Þeg-
ar þau bjuggu í Reykjavík á ára-
tugnum 1970-1980 stundaði ég
nám í Vélskóla Íslands. Eitthvað
gekk mér ekki vel að ná
tengslum við eðlisfræðikennar-
ann og hafði því miklar áhyggjur
af prófum sem fram undan voru.
Ég leitaði til Sigga um aðstoð og
var það auðfengið. Þau voru á
þessum tíma að byggja sér hús í
Holtsbúð í Garðabæ. Til þess að
launa hjálpina við eðlisfræðina
aðstoðaði ég við að rífa móta-
timbur utan af grunninum og
hreinsa timbrið. Þetta gekk allt
vel, mér gekk vel í prófinu og
húsið reis í Holtsbúðinni.
Elsku Olga takk fyrir allt, Guð
blessi minningu þína. Kæra fjöl-
skylda innilegar samúðarkveðj-
ur.
Ólafur Áki Ragnarsson.
Olga Óla
Bjarnadóttir
Morgunblaðið birtir minningargreinar endurgjaldslaust alla
útgáfudaga.
Óheimilt er að taka efni úr minningargreinum til birtingar í
öðrum miðlum nema að fengnu samþykki.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Minningargreinar