Morgunblaðið - 04.06.2021, Síða 29

hlutum sem flytjast ekki með okkur góðan
stað . Nú hefst nýr og spennandi kafli í lífinu
og við hlökkum til að halda áfram að njóta alls
þess sem lífið hefur upp á að bjóða,“ segir
Sigurjón.
Mikilvægt að njóta þess
að vinna í garðinum
Hver er dýrmætasta minningin úr garð-
inum ykkar?
„Þær minningar sem koma upp eru þegar
strákarnir okkar læstust úti þegar ég var upp
á fæðingardeild í desember að eignast Báru.
Þeir létu fara vel um sig í pottinum en upp-
götvuðu síðan þegar þeir ætluðu inn aftur að
þeir höfðu læst sig úti. Síðan eru dýrmætar
allar þær stundir sem við höfum átt í pott-
inum okkar undir stjörnubjörtum himni á vet-
urna og margar fallegar minningar með
barnabörnunum að leik í garðinum.
Við höfum borðað úti, leikið okkur og notið
okkar í garðinum okkar en einnig haft gaman
af því að vera að vinna í garðinum. Garðurinn
hefur aldrei verið kvöð fyrir okkur heldur
uppspretta ánægju og gleði,“ segir Þóra
Hrönn og minnir á að góður garður geti sam-
einað fjölskyldur.
Hver er uppskriftin að því að upplifa ást í
garðinum?
„Virðing fyrir skoðunum hvort annars gerir
stundirnar í garðinum góðar. Svo er alltaf
gott að vera ennþá skotin hvort í öðru eftir öll
þessir ár. Já og að gera gott kaffi fyrir þann
sem er með sláttuvélina. Það er ráð sem ég
mæli með fyrir alla. Að vera saman í garð-
inum og að njóta.“Ljósmyndir/Sigurjón Pétursson
Þessi ljósmynd var tekin af
garðinum árið 2017. Á mynd-
inni má sjá hversu vel skipu-
lagður garðurinn er.
Einu trén frá fyrri tíð
eru silfurreynirinn
fyrir framan húsið.
FÖSTUDAGUR 4. JÚNÍ 2021 MORGUNBLAÐIÐ 29