Fiskifréttir - 02.05.1986, Blaðsíða 5

föstudagur 2. maí
5
Fréttir
Hirsthals vod- og trawlbinderia/s:
Kynningarfundur meö
íslenskum rækjukörlum
A milli 30 og 40 útgeröarmenn
og skipstjórnarmenn á rækjuskip-
um voru samankomnir á kynning-
arfundi sem Hirtshals vod- og
trawlbinderi a/s. hélt í síðustu
viku um borð í grænlenska rækju-
togaranum Tasiilaq. Fundarstað-
urinn var vel við hæfi því Tasiilaq
var þá nýkominn til Hafnarfjarðar
með rækju að verðmæti um 120
milljónir króna, eftir um 50 daga
veiðiferð. Aflaverðmæti togarans
frá áramótum er um 50 millj.
Dkr. eða um 250 millj. ísl. kr. Er
haft fyrir satt að togarinn, sem
kostaði um 450 millj. kr. hafi
aflað fyrir sambærilega upphæð
síðan í október í fyrra.
Danska fyrirtækið Hirtshals
vod- og trawlbinderi a/s boðaði til
umrædds fundar til þess að kynna
íslenskum rækjukörlum, hið fjöl-
breytta úrval af trollum sem fyrir-
tækið framleiðir. Sýndar voru
myndir af hinum mismunandi
gerðum við eðlilegar aðstæður í
tilraunatankinum í Hirtshals. Á
eftir var farið í skoðunarferð um
hinn risastóra grænlenska togara
og voru Islendingarnir mjög
ánægðir með þennan kynningar-
fund.
Þess má geta að Hirtshals vod-
og trawlbinderi hefur haft mjög
mikil samskipti við íslendinga á
undanförnum árum og fyrirtækið
kaupir mest allt hráefnið í veiðar-
færin hjá Hampiðjunni í Reykja-
vík.
Hm borð í grænlenska
rækjutogaranum í
Hafnarfjarðarhöfn. Efst
eru veiðarfærin á dekki,
þá mynd af nokkrum
íslensku gestanna að
skoða búnaðinn um borð
og á neðstu mynd
stígvélaþurrkari, hið
mesta þarfaþing (Ljósm.
Jens).
Holl-
vinir
hring•
ormsins
Eftir Einar K. Guöfinnsson
Málæði einstakra þingmanna
kom rétt enn einu sínni í veg fyr-
ir að stjórnarfrumvarp um sel-
veiðar við ísland næði fram að
ganga á síðasta þingi. Stjórnar-
frumvarp þetta var orðið all-
útþynnt, er það kom til umræðu
nú á vordögum. Engu að síður
fól það í sér skynsamlegar
breytingar á fyrri iögum og hefði
því verið hagur af samþykkt
þess.
En vegna endalaus blaðurs og
að frumvarpið var seint lagt
fram lyktaði málum svo að það
sofnaði svefninum langa og guð
má vita hvort einhvern tímann
verður hægt að vekja það af
þeirn blundi.
Þetta frumvarp var tilraun til
þess að setja fram í heildstæðum
lögum ákvæði er varði selveiðar
við ísland og stjómun á þeim
stofni. Geta allir séð hversu
mikilvægt er að slík almenn og
heildstæð lögséutil.
Það hefur verið áætlað að
skaði sem hringormavandamál-
ið hefur í för með sér fyrir þjóð-
arbú okkar nemi um það bil
hálfum milljarði króna. — Til
samanburðar má þess geta að
ríkið mun veita á þessu ári um
200 milljónum til Hafrann-
sóknastofnunar og Rannsókna-
stofnunar fiskiðnaðarins. Hér er
þó ekki meðtalið, að samkvæmt
vísbendingum sem hafa fengist
við athuganir í Hraðfrystihús-
inu Hjálmi hf. á l 'latcyri. bendir
allt til þess að eftir að hringorm-
ar hafa náð því að verða fjórir í
kílói af roðlausum flökum, virð-
ist nýtingin minnka um 1 prós-
ent við hvern orm sem bætist
við í hvert kíló. Þegar orma-
fjöldinn hefur náð tíu er fiskur-
inn í raun orðinn gúanómatur.
Samhengið er sannað
Því er á þetta minnst hér, að
sýnt hefúr verið fram á að sam-
hengi er á milli fjölda og út-
breiðslu sela og hringormasýk-
ingar í fiski. Þessi sannleikur var
mönnum orðinn ljós í Kanada
fyrir um aldarfjórðungi, en
bögglast enn fyrir brjóstum
einhverra einstaklinga á Al-
þingi.
Samkvæmt „þingmanna-vís-
indunum“ er ekkert ljóst um
þetta samhengi. Þeir telja allt
eins víst að skarfar og aðrir sjó-
fuglar séu sökudólgar og því beri
að gjaida varhug við því að setja
heildstæð lög um selviðar við ís-
land, amk. lög er heimili sjávar-
útvegsráðuneytinu að fara með
stjóm þeirra mála.
Erlingur Hauksson sjávarlíf-
fræðingur sem manna mest hef-
ur hérlendis skoðað þessi mál
segir í Ægi 4. tbl. 1984:
„Tilraunir hafa leitt í ljós að
landselir og útselir eru lokahýsl-
ar fyrir þennan orm og virðist
þetta gilda um selategundir í
Norður-Atlantshafi almennt því
að í meltingarvegi þeirra er
ávallt að finna kynþroska sel-
orma. Kynþroska selormar hafa
ekki fundist i meltingarvegi
máva, skarfa, svartfugla og
lóms. Tilraunir með skarfa
sýndu að þeir eru ekki lokahýsl-
ar fyrir selorminn. Þ.e.a.s. P.
decipiens lirfur (selorms-Iirfur,
innsk. mitt EKG) gátu ekki
■ þroskast í kynþroska orma í
meltingarvegi þeirra".
Þrátt fýrír þetta þrjóskast
menn við. Við glímum á meðan
við hringormavanda í fiskflök-
um og kostum til á ári sem svar-
ar verðmætum tveggja til þriggja
skuttogarar af nýjustu og full-
komnustu gerð.
Einar K. Guðfinnsson er
útgerðarstjóri í Bolunga-
vík.