Morgunblaðið - 03.07.2021, Blaðsíða 23

FRÉTTIR 23Erlent
MORGUNBLAÐIÐ LAUGARDAGUR 3. JÚLÍ 2021
Ýmsar gerðir af heyrnar-
tækjum í mismunandi
litum og stærðum.
Allar helstu rekstrarvörur og
aukahlutir fyrir heyrnartæki fást
í vefverslun heyrn.is
HEYRNARÞJÓNUSTA
2007
HLÍÐASMÁRI 19, 2. HÆÐ • 201 KÓPAVOGI • SÍMI 534 9600
HEYRN@HEYRN.IS • HEYRN.IS
Heyrðu
umskiptin,
fáðu heyrnartæki
til reynslu
Vöruflutningaþota af gerðinni Bo-
eing 737 nauðlenti á hafi undan
borginni Honolulu á Havaí í gær.
Um borð voru tveir flugmenn sem
tókst að komast út úr flugvélinni og
bjargast.
Flugmennirnir ákváðu að nauð-
lenda á sjónum vegna hreyfilbilunar
skömmu eftir flugtak, að sögn
bandarísku flugmálastjórnarinnar
(FAA). Þotan var sérlega búin til
vöruflugs og af gerðinni Boeing 737-
275C, smíðuð 1975 og því 46 ára
gömul. Hún var á leið frá Honolulu
til eyjarinnar Maui en hafnaði í sjón-
um fljótlega eftir flugtak, eina þrjá
kílómetra frá Kalaeloa-flugvellinum.
Transair flug 810 var „að reyna að
snúa aftur við til Honolulu er flug-
mennirnir urðu að nauðlenda flug-
vélinni á sjónum klukkan 2:30 að
staðartíma í dag,“ sagði í tilkynn-
ingu frá talsmanni FAA í gær, eða
klukkan 11:30 að íslenskum tíma.
„Samkvæmt okkar fyrstu upplýs-
ingum sem við fengum frá banda-
rísku strandgæslunni bjargaði hún
báðum flugmönnunum úr sjónum.
FAA og Samgönguöryggisráðið
(NTSB) munu rannsaka atvik
þetta,“ sagði þar ennfremur.
Talsmaður strandgæslunnar,
Matthew West, sagði við sjónvarps-
stöðina CNN að þyrla gæslunnar
hefði híft annan flugmanninn upp úr
sjónum og þyrla sjóslökkvistöðvar
hinn. Þá hefði varðskip strandgæsl-
unnar verið sent á vettvang og tekið
þátt í björguninni.
West sagði að þyrlurnar tvær
hefðu flutt flugmennina tvo undir
læknishendur á sjúkrahúsi í Hono-
lulu. Hann bjó ekki yfir frekari upp-
lýsingum um heilsu þeirra.
Graf/Flightradar24
Kort Flugmennirnir reyndu að snúa
aftur til lendingar en það tókst ekki.
Boeing 737
nauðlenti á sjó
- Flugmönnunum tókst að bjarga sér
Síðustu fimm árin hefur verið til-
kynnt um 33 manns sem týnst hafa
á og við Grænland. Í fyrra féllu
fleiri smábátasjómenn í sjóinn en
nokkru sinni áður. Í blaðinu AG
segir að hættur leynist við hvert
fótmál á Grænlandi; sjórinn ískald-
ur, ótraustur lagnaðarís og skyndi-
leg þoka og svo fárviðri með snjó-
komu sem geri ekki boð á undan
sér. Þótt björgunarsveitir séu á
vakt allan sólarhringinn til að
bjarga mannslífum grípi þær oft í
tómt; fólk fellur fyrir borð og
drukknar eða hrapar ofan í jökul-
sprungur. agas@mbl.is
GRÆNLAND
33 hafa týnst á
aðeins fimm árum
Qaqortoq Fagurt er um að litast á
Grænlandi en þar er þó harðbýlt
Ríkisstjórn
Emmanuels Mac-
rons Frakklands-
forseta er að
undirbúa frum-
varp til laga sem
gera starfsfólki
heilbrigðisþjón-
ustunnar skylt að
láta bólusetja sig
gegn kórónu-
veirunni en á því
hefur verið mikill misbrestur.
Í fyrstu andrá er starfsfólk elli-
heimila og sjúkrahúsa skotmarkið
en aðeins um 70% þeirra hafa enn
sem komið er tekið við einum
skammti bólusetningar að minnsta
kosti. Það segja sérfræðingar langt
frá því að vera nóg vörn gegn veir-
unni. Verði frumvarpið samþykkt
kemur það til framkvæmda í byrjun
september. Þingið mun einnig
skoða hvort útfæra ætti ákvæðið
um skyldubólusetningu þannig að
það nái til allrar þjóðarinnar.
FRAKKLAND
Bólusetning verði
gerð að skyldu
Emmanuel
Macron
Ágúst Ásgeirsson
agas@mbl.is
Allar hersveitir Bandaríkjanna og
Atlantshafsbandalagsins (NATO)
hafa yfirgefið stærstu herstöð Afg-
anistans að sögn embættismanna.
Joe Biden Bandaríkjaforseti var þó
ekki á því að sveitirnar yrðu með öllu
á brott í bráð, eftir tuttugu ára veru.
„Nei, málið stendur nákvæmlega
þar sem við bjuggumst við,“ sagði
Biden við blaðamenn í Hvíta húsinu
eftir að fregnir hermdu að banda-
rískar sveitir væru farnar frá Bag-
ram, stærstu herstöð Afganistans,
og nokkrir dagar væru í að sveitirn-
ar færu allar. Biden hefur sett sér
það sem markmið að heimkvaðningu
sveitanna frá Afganistan verði lokið
fyrir 11. september nk.
Bagram-stöðin hefur verið bæki-
stöð aðgerða bandarísku og evr-
ópsku hersveitanna í hrjóstrugu
landinu og þar hófst styrjöldin við
sveitir talibana og al-Qaeda í fram-
haldi af hryðjuverkunum í Banda-
ríkjunum sem kennd eru við 11.
september.
„Sveitir Bandaríkjamanna og
ríkjabandalagsins eru allar á brott
úr herstöðinni og því munu hersveit-
ir Afganistans taka þar við og vernda
flugherstöðina og brúka hana til bar-
áttunnar gegn hryðjuverkum,“ sagði
Fawad Aman, talsmaður varnar-
málaráðuneytisins í Kabúl. Banda-
rískur embættismaður staðfesti um-
rædda brottför og talibanar fögnuðu
þessum nýja áfanga.
„Heimkvaðningin mun greiða göt-
una fyrir því að Afganir útkljái sjálf-
ir framtíð sína,“ sagði talsmaðurinn,
Zabihullah Mujahid.
Sveitir talibana hafa haldið uppi
vægðarlausum árásum víða um land
undanfarna tvo mánuði og lagt undir
sig tugi svæða. Sveitir afganska
hersins freistuðu þess á sama tíma
að tryggja stöðu sína og völd í helstu
þéttbýlishéruðum landsins. Haldi
stjórnarherinn stöðu sinni í Bagram-
flugherstöðinni er það talið munu
ráða miklu um hvort hann geti
tryggt öryggi í Kabúl og þjarmað að
talibönum.
„Burtför útlendu hersveitanna frá
Bagram er til tákns um það að Afg-
anir standa nú einir og yfirgefnir og
er sagt að verja sig sjálfir gegn hol-
skeflum áhlaupa talibana,“ sagði
Nishank Motwani, sérfræðingur um
málefni Afganistans. „Komnir heim
munu Bandaríkjamenn og samherj-
ar þeirra horfa upp á það brenna til
grunna sem þeir börðust svo hart
fyrir að koma í kring á 20 árum. Þeir
vita og að afganskir menn og konur
sem þeir börðust fyrir í tvo áratugi
eiga á hættu að tapa öllu sínu.“
Í Hvíta húsinu í gær brást Biden
forseti við áhyggjum sem þessum og
að afganska stjórnin muni óðar
molna og greiða talibönum leið til
valda.
Heimildir herma að bandaríska
varnarmálaráðuneytið muni skilja
eftir um 600 hermenn til að verja
hina miklu lóð bandaríska sendiráðs-
ins í Kabúl.
Yfirgefa herstöðina í Bagram
- Heimkvaðning herja frá Afganistan greiðir götuna fyrir því að Afganir útkljái
sjálfir framtíð sína - Bandarísk stjórnvöld muni skilja 600 hermenn eftir í landinu
AFP
Her Afganskur stjórnarhermaður
stendur vörð í Bagram-stöðinni.
Gróðureldar geisuðu í gær í vest-
urhluta Kanada og Kaliforníu og
kemur það í kjölfar gríðarlegs loft-
hita. Íbúar fá því litla hvíld frá
neyðarástandinu en víða hefur
hvert hitametið fallið af öðru.
Um þúsund manns voru flutt á
brott úr bænum Lytton í Bresku-
Kólumbíu í gær en þar hefur verið
heitast. Gróðureldar lögðu um 90%
bæjarins í rúst í fyrradag.
Sérfræðingar tala um veðurfarið
sem hitabylgju á sterum sem rekja
megi til loftslagsbreytinga. Hefur
hún geisað í viku og kostað mörg
hundruð mannslíf í Kanada og
Bandaríkjunum. Á myndinni teygja
gróðureldar sig til lofts við vatnið
Shasta í Lakehead í Kaliforníu í
gær. Þar hefur gróður brunnið á
8.000 hekturum á einni viku.
Lítið lát á
hita og gróð-
ureldum
AFP