Morgunblaðið - 10.07.2021, Qupperneq 8

8 FRÉTTIR
Innlent
MORGUNBLAÐIÐ LAUGARDAGUR 10. JÚLÍ 2021
Laugavegi 178 | 105 Reykjavík | Sími 551 3366
Opið virka daga kl. 11-18, laugardaga kl.11-15
NÝIR
SUNDBOLIR
San Remo
Verð 13.850,-
Long Island
Verð 13.850,-
Fjölmiðlanefnd er nú einnig orðin
fjölmiðill og þá vaknar spurn-
ingin hver eigi að hafa eftirlit með
eftirlitinu þegar eftirlitið er farið að
stunda þá starfsemi, sem það á að
hafa eftirlit með.
- - -
Fjölmiðlanefnd er skólabókar-
dæmi um tilhneigingu stofnana
til að seilast eftir meiri mannskap og
meiri peningum og belgjast út og
stækka þvert á allar þarfir og nauð-
syn. Nefndin rekur nú hlaðvarp, sem
nefnist „Fjórða valdið“.
- - -
Fjölmiðlanefnd er þó ekki skráð á
lista nefndarinnar yfir fjölmiðla
í landinu líkt og til dæmis Alþingi,
sem er með leyfi til myndmiðlunar til
30. apríl 2023. Er því engin leið fyrir
almenning að átta sig á hvort hlað-
varp fjölmiðlanefndar fylgir ákvæð-
um laga um ritstjórnarlegt sjálf-
stæði, hvað þá hvert eignarhaldið er.
- - -
Listi Fjölmiðlanefndar yfir fjöl-
miðla er langur. Þó hljóta
áhyggjur að vakna hjá almenningi
að Reykjavíkurborg, sem líkt og Al-
þingi sendir út frá fundum, virðist
gera það án leyfis Fjölmiðlanefndar
og ugglaust mætti taka fleiri sveit-
arfélög á beinið fyrir sambærilega
vanrækslu.
- - -
Eftirlitslaus fjölmiðlun á sér
reyndar stað um allt samfélagið
án afláts. Streymt er frá jarðarförum
og íþróttakappleikjum, fundum og
ráðstefnum. Að auki reka ýmsar
stofnanir fréttavefi, allt frá Hagstofu
Íslands til Vegagerðarinnar.
- - -
Eftirlitinu er greinilega verulega
áfátt og spurning hvort ekki
þurfi að fjölga starfsmönnum. Fjöl-
miðlanefndin gæti byrjað á eftirlit-
inu með sjálfri sér áður en lengra er
haldið.
Eftirlit án eftirlits
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Enn er unnið við að ljúka frágangi
og tiltekt vegna aurskriða sem féllu
í Varmahlíð og í Tindastóli í síðustu
viku. Yfirlögregluþjónn segir að
verkefni lögreglu hverfist aðallega
um það þessa dagana en einnig að
fyrirbyggja nýjar skriður.
„Við höfum verið við hreinsunar-
störf og þau ganga raunar bara vel.
Svo snýst þetta líka um að reyna að
fyrirbyggja að þetta komi fyrir aft-
ur. Við höfum grafið holur til þess
að skoða hvort einhver vatnssöfnun
sé til staðar og eins líka verið að
veita vatni sem safnast í farveg og
koma því burt,“ segir Stefán Vagn
Stefánsson, yfirlögregluþjónn hjá
lögreglunni á Norðurlandi vestra.
Hann segir einnig að enn eigi ein
fjölskylda eftir að snúa aftur á
heimili sitt í Varmahlíð. Önnur fjöl-
skylda hafi þegar snúið heim.
Stefán segir að ráðast verði með
tíð og tíma í heildarmat á öllu svæð-
inu til þess að fá skýrari mynd. „Við
munum þurfa að grafa fleiri holur
og skoða ástandið.“
oddurth@mbl.is
Brýnt að fyrirbyggja
frekari aurskriður
Tjón Aurskriðan féll á tvö hús og voru alls níu rýmd vegna hamfaranna.
Tíu þingmenn úr fimm stjórnmála-
flokkum hafa sent sendiráði Banda-
ríkjanna á Íslandi yfirlýsingu þar
sem skorað er á bandarísk stjórn-
völd að fella niður ákæru á hendur
rannsóknarblaðamanninum og
stofnanda Wikileaks, Julian Ass-
ange. Feta þingmennirnir þar í fót-
spor hópa þingmanna frá ýmsum
þjóðþingum, sem með sambæri-
legum yfirlýsingum hafa að undan-
förnu ákallað Bandaríkjastjórn að
fella niður ákærur á hendur rann-
sóknarblaðamanninum, sem gæti,
verði hann fundinn sekur, verið
dæmdur til 175 ára fangelsisvistar.
Assange er í haldi í Bretlandi að
beiðni bandarískra stjórnvalda.
Hann hafði áður dvalið í sendiráði
Ekvador í Lundúnum frá 2012 og
naut þar verndar. Í yfirlýsingu þing-
mannanna er bent á að Assange hef-
ur síðustu tvö ár „setið í rammgirt-
asta fangelsi Bretlands, Belmarsh-
fangelsinu, þar sem eingöngu dvelja
hættulegustu einstaklingar þar í
landi; hryðjuverkamenn, morðingjar
og þeir sem framið hafa ofbeldis-
fyllstu glæpina“. Þingmennirnir
minna á að Assange hefur ekki hlot-
ið dóm, mál hans snýst um hugsan-
legt framsal til Bandaríkjanna.
Yfirlýsingin er undirrituð af
nokkrum fulltrúum frá Samfylking-
unni, Vinstri grænum, Pírötum, Við-
reisn og Flokki fólksins.
Vilja fella niður ákæru gegn Assange
- Kjörnir fulltrúar hér á landi skora nú á stjórnvöld í Bandaríkjunum
AFP
Frelsi Margir berjast fyrir Assange.