Fiskifréttir - 03.02.1995, Blaðsíða 2
2
FISKIFRÉTTIR föstudagur 3. febrúar 1995
Sóttu tæptega 100 millj. kr.
aflaverðmæt í Barentshafíð
Sverrir Kjartansson skipstjóri á Hegranesi SK
Togarinn Hegranes SK var með alls u.þ.b. 244 milljón króna
aflaverðmæti á sl. ári. Aðeins einn annar ísfisktogari, Guðbjörg
IS, var með hærra aflaverðmæti á árinu 1994. Arangur áhafnar
Hegranessins er einkar athyglisverður í ljósi þess að togarinn
sigldi aðeins tvisvar með afla og frátafir frá veiðum voru miklar
vegna langra siglinga til og frá Smugunni í Barentshafl en þang-
að fór Hegranesið í fimm veiðiferðir frá því í júní og fram í
október. Skipstjóri á Heganesi SK er Sverrir Kjartansson og er
við náðum tali af honum í byrjun vikunnar var hann með
togarann að veiðum í Grindavíkurdjúpi.
Að sögn Sverris byrjaði sl. ár
ekkert sérstaklega vel hjá áhöfn
Hegranessins. Togarinn var að
vanda að veiðum um jól og ára-
mót og hann átti bókaðan sölu-
dag í Bremerhaven um miðjan
janúar. Vegna sjómannaverk-
fallsins varð að stytta túrinn og
aflinn, sem seldur var á fiskupp-
boðinu, var mun minni en vonast
hafði verið eftir. Salan var því
frekar slök.
— Eftir verkfallið fórum við á
grálúðuveiðar fyrir austan og það
verður ekki annað sagt en að þær
hafi gengið ágætlega. Aflinn var
reyndar ekkert sérstakur en við
lönduðum grálúðunni í gáma og
hún seldist á mjög háu verði er-
lendis, segir Sverrir.
Náðum trollinu upp
á klukkutíma
Hegranesið fór í sína fyrstu
veiðiferð í Smuguna eftir sjó-
mannadaginn og að sögn Sverris
varð úthaldið styttra en reiknað
hafði verið með.
— Það kom á daginn að það
var enginn fiskur í Smugunni og
því fórum við inn á Svalbarða-
svæðið í leit að fiski. Við fengum
ágætan afla í kantinum langt fyrir
norðan Bjarnarey og á tveimur
dögum náðum við alls um 80
tonnum af þorski. Aflinn var
saltaður um borð en eftir þessa
tvo daga var friðurinn úti. Við
vorum þarna ásamt Drangey SK
og Stakfelli ÞH er norska strand-
gæslan kom á staðinn og skipaði
okkur að hífa. Við þráuðumst við
en svo fór að lokum að við hífð-
um og færðum okkur. Um þetta
leyti fjölgaði skipunum á svæðinu
og við ákváðum því að láta reyna
á rétt Norðmanna og köstuðum
að nýju. Þetta endaði með því að
það var klippt á báða togvírana
hjá okkur og Blika EA en atlaga
strandgæslunnar að Má SH mis-
tókst. A meðan strandgæslan var
að atast í hinum skipinum þá náð-
um við trollinu upp og sömuleiðis
tókst áhöfninni á Blika að ná sínu
trolli. Við vissum hvar trollið var
og því splæstum við auga á vírinn
og náðum að kraka upp trollið eftir
u.þ.b. klukkutíma tilraunir.
Strandgæslan vissi ekkert af þessu
og þeir töldu okkur hafa orðið fyrir
miklu tjóni, segir Sverrir en hann
upplýsir að vegna heimsóknar
Noregskonungs til íslands hafi
borist fyrirmæli um það frá útgerð-
inni að aðhafast ekkert sem ögrað
gæti norsku strandgæslunni.
— Eftir þjóðhátíðardaginn
reyndum við veiðar fyrir norðan
Bjarnarey en fengum engan frið.
Þegar norsku herskipin voru næst-
um búin að sigla Drangey niður,
eins og frægt er orðið, þá gáfumst
við upp á þessu og flotinn hélt
heimleiðis.
Úr 200 kílóum í 25 tonn
Að sögn Sverris var ferðinni
heitið norður í Smuguna í byrjun
júlí og Hegranesið var komið á
miðin 8. júlí. Þann dag fékkst eng-
inn afli og þann 10. júlí fengust 76
þorskar, samtals um 200 kíló, í
einu holi.
— Við höfðum orðið varir við
lóðningar inni á Svalbarðasvæðinu
en það var algjör dauði í Smug-
unni. Færeyingarnir, sem þarna
voru, tóku þessu með þolinmæði
og létu reka en það var meiri óeirð
í okkur og við sigldum því um og
leituðum að fiski. Ekki þýddi að
fara til veiða inn á Svalbarðasvæð-
ið vegna strandgæsluskipanna og
útlitið var því allt annað en gott.
En að morgni 11. júlí þegar ég kom
upp í brú var verið að hífa 25 tonna
hol og í hönd fór ævintýralegt fisk-
erí. Þorskurinn var á norðurleið og
við náðum um 300 tonnum upp úr
sjó, eða sem svarar um 110 tonnum
af saltfiski, á skömmum tíma.
Tveir næstu túrar, sem hvor um sig
stóð í þrjár vikur, voru eins. Við
vorum með um 110 tonn af saltfiski
í túr að verðmæti um 25 milljóni
króna, segir Sverrir en hann upp-
lýsir að Hegranesið hafi verið að
veiðum í Smugunni fram í október
en þá hafi aflinn alveg verið dott-
inn niður.
— Síðasti túrinn var hræðilegur.
Það var engan fisk að hafa og flest
skipin voru orðin olíulítil og vatns-
laus. Þeir, sem voru heppnir, voru
„náðaðir" eins og við kölluðum
það en „náðunin" var fólgin í því
að skilaboð komu frá útgerðunum
um að skipin mættu sigla heim.
Birgðamálin voru í algjörum
ólestri á þessum tíma og þarna var
aðeins eitt olíuskip, sem kom viku-
lega á svæðið, en birgðir þess voru
ekki meiri en svo að hvert skip gat
fengið olíu sem dugði til eins dags
brennslu. Þetta þarf að laga fyrir
næsta sumar og þá þarf að gera
ráðstafanir til þess að flotinn geti
fengið næga olíu og vistir, segir
Sverrir en hann segir engan vafa
leika á því að íslensku togararnir
muni sækja stíft í Smuguna á næsta
sumri. Þarna virðist vera hægt að
ganga að aflanum nokkuð vísum
frá því um miðjan júlí og fram í
september en tíminn þess utan sé
mjög óviss.
Línudans á
landhelgislínunni
Alls sótti Hegranesið um 90 til
100 milljón króna aflaverðmæti í
Barentshafið á sl. ári og það munar
um minna. Sverrir segir þægilegt
að stunda veiðar í Smugunni og á
Svalbarðasvæðinu og þessir túrar
séu ekki lengri en hefðbundnir
siglingartúrar íslenskra togara
þegar siglt er með aflann til Þýska-
lands.
— Þorskurinn, sem við fengum
þarna norður frá, var yfirleitt mjög
góður. Við fengum mjög góðan
fisk í fyrstu tveimur túrunum en
aflinn í þriðja túrnum, þegar við
veiddum í flottrollið, var aðeins
blandaðari, segir Sverrir en hann
segir að þriðji túrinn hafi verið
sannkallaðurlínudans. Þorskurinn
var þá mest allur inni á Svalbarða-
svæðinu en íslensku togararnir og
hentifánaskipin á svæðinu gátu
fengið þokkalegan afla með því að
toga alveg á landhelgislínunni.
Sverrir segir skipin hafa raðað sér í
röð og síðan hafi verið togað eftir
línunni.
— Þetta gekk mjög vel hjá ís-
lensku skipunum en færeysku
hentifánaskipin þvældust fyrir
okkur. Þeir áttu í einhverjum erf-
iðleikum með að skilja skipulag-
ið en það kom þó aldrei til veru-
legra árekstra á miðunum, segir
Sverrir en hann segir að þrátt
fyrir að Hegranesið sé útbúið til
flottrollsveiða þá hafi hann ekki
mikla trú á því að togarinn eigi
erindi á úthafskarfaveiðarnar.
— Ég held að við myndum
aldrei ná mjög góðum árangri á
úthafskarfaveiðunum. Við gæt-
um ekki verið með eins stórt flot-
troll og öflugustu skipin og ég
held að togkrafturinn hjá okkur
sé ekki nógu mikill. Þá er lestar-
rýmið hjá okkur í það minnsta til
þess að þessar veiðar borgi sig.
Það er a.m.k. mín skoðun, segir
Sverrir.
Ufsinn sést ekki
Nú í byrjun ársins átti Hegran-
esið mjög góða sölu í Þýskalandi
en eftir hana hafa Sverrir og hans
menn leitað að grálúðu og ýms-
um öðrum fisktegundum, öðrum
en þorski, með allri austur- og
suðurströndinni.
— Það var mjög dauft á grá-
lúðuveiðunum fyrir austan að
þessu sinni og þeim veiðum var
því sjálfhætt. Við reyndum því
næst við karfa suður í Rósagarð-
inum en þar var lítið um að vera.
Við fengum þó nægilegt magn til
þess að við gátum landað í tvo
gáma í Vestmannaeyjum og nú
síðustu dagana höfum við verið
fyrir sunnan Surtinn og í Grinda-
víkurdjúpi. Við höfum verið að
svipast um eftir ufsa og ýsu en
árangurinn er ekkert sérstakur,
Ufsinn sést ekki og það er ekki
mikið um ýsu. Við heyrðum þó
að ýsuaflinn væri að glæðast á
Látragrunni og í Víkurálnum og
ætli ferðinni verði ekki heitið
þangað eftir tilskilið frí núna í
vikulokin. Ég reikna með því að
við verðum í Reykjavík á
fimmtudag. Það tekur því ekki
að sigla skipinu norður með
þennan afla. Ég geri ráð fyrir að
við löndum karfanum í gáma í
Reykjavík og spörum okkur með
því 40 tíma siglingu til og frá
Sauðárkróki, segir Sverrir Kjart-
ansson.
Landað úr togaranum Hegranesi á Sauðárkróki Mynd ESE
Ritstjóri og ábyrgðarmaður:
Guðjón Einarsson
Ritstjómarfuiltrúi:
Eiríkur St. Eiríksson
FIÉ 1? WW VB Ljósmyndarar:
A Al Gunnar Gunnarsson
Hreinn Hreinsson
Útgefanói: Fróði tit, Reykjavík Kristján E. Eínarsson
Ritstjórn og augiýsingar: Áskrift og innheimta:
Bildshöfða 18, sími 91-875380 Ármula 18, simi 812300
Telefax: 91-879982 Pósthólf 8820
Augiýsingastjórar: 128 ReVkiavík
Hjördís Árnadóttir Stjórnarformaður:
Steinar J. Lúðvíksson
Framkyæmdastjóri; ,
Halldóra Viktorsdóttir
Prentvinnsla:
G. Ben.-Edda prentstofa hf,
Áskriftarverð: 3.664 kr. m.vsk.
sept.-desember innanlands
Hvert tclublað í áskrift 229 kr. m.vsk.
Þeír sem greiða áskrift með greiðslu-
kortí fá 10% afslátt, þánnig að áskrift-
arverð verður3.292 kr. fyrirofangreínt
timabii og hVert tölubiað þá 206 kr.
Lausasöluverð 289 kr. Allt verð m.vsk.
Handbókin SJÁVARFRÉTTIR fylgjr
áskrift að Fiskifréttum, en hún kemur
út í byrjun september ár hvert.
ISSN 1017-3609