Fiskifréttir - 03.02.1995, Page 5

FISKIFRÉTTIR 3. febrúar 1995
Skoðun
Húmorístar á
heimsmælikvarða
— eftir Arthur Bogason
Af fjölmörgum arfavitlausum
lagabálkum í kring um sjávarút-
veginn hika ég ekki við að skipa
lögunum um Þróunarsjóð sjávar-
útvegsins í öndvegi. Þar tókst
löggjafanum að toppa sjálfan sig
og er þá langt til jafnað. Ekki
hefur skort á að margir mætir að-
ilar hafi bent á þetta í ræðu og riti
allt frá setningu laganna — og
raunar löngu fyrir þann tíma.
Þeir hafa talað fyrir daufum eyr-
um: Rök duga ekki.
Sjóðurinn dæmalausi
Meginröksemdin fyrir setn-
ingu laganna um þennan dæma-
lausa sjóð var að „draga ætti úr
afkastagetu fiskiskipaflotans". í
beinu framhaldi er síðan fram-
kvæmd „afkastagetuminnkunar-
innar“ á þann veg að fyrirséð er
að ekkert af afkastamestu skip-
unum fara í hítina og það sem
hlægilegast er: Veiðiheimildir
þeirra skipa sem úrelt eru í gegn-
um sjóðinn fylgja ekki með í
kaupunum. Eigendur þeirra báta
og skipa sem úrelda, hafa því
ráðstöfunarrétt yfir veiðiheim-
ildunum. I framkvæmdinni þýðir
þetta að veiðiheimildirnar færast
af minni skipum flotans, sem
hafa því takmarkaðri sóknargetu
sem þau eru smærri, yfir á
verksmiðjuflotann og stórveiði-
skipin. Flotinn sem sannarlega
hefur nánast takmarkalausa
sóknargetu kemst því yfir veiði-
heimildir annarra og afkasta-
minni skipa fyrir tilstilli löggjafar
sem átti að „draga úr afkastagetu
flotans“!!!!!
Þróunarsjóðurinn er í mínum
augum ekkert annað en enn ein
atlagan að hefðbundinni báta- og
smábátaútgerð í landinu. Öllu
skal fórnað. Dellan tekur ekki
einu sinni enda eftir að sjóðurinn
hefur „keypt“ bátana. Undan-
tekningarlítið skulu bátarnir eyði-
lagðir, sama þó um ný fley sé að
ræða. Trillur skulu mélaðar og
sundursagaðar í nafni heilbrigðar
fiskveiðistefnu. Á sama tíma er
kampavínsveislum slegið upp
þegar 5000 hestafla vélum er slak-
að ofaní 2000 tonna togveiðiskip
sem nota vörpur með tugþúsund
fermetra opnun. Að fiskveiðiþjóð
„ Verksmiðjufíotinn,
sem sannarlega
hefur nánast
takmarkalausa
sóknargetu, kemst
yfír veiðiheimildir
annarra og afkasta-
minni skipa fyrir
tilstilli löggjafar,
sem átti að „draga
úr afkastagetu
flotans“!!!
skuli haga sér svona er í rauninni
mikið áhyggjuefni. Við erum á vill-
igötum, eins og einhver orðaði
það, sömu götunni og aðrar þjóðir
hafa nú þegar fundið botnlangann
á.
Kaldhæðni örlaganna
Það sem ræður ferðinni er hins-
vegar hagsmunavarsla stóreigna-
raðilanna í sjávarútveginum. Þar
eru svo gríðarlegar stærðir á ferð-
inni að smámunir eins og reynsla
annarra þjóða við samskonar að-
stæður og sýnileg samasemmerki
við þróunina hér við land skipta
engu máli.
Kaldhæðnin mun þó ekki segja
skilið við þetta flibbagengi. Þegar
verið var að troða kvótakerfinu
ofaní mannskapinn í árslok 1983
dró það Kanadamenn til vitnis
um þá himnaríkissælu sem biði
okkar á hinni eðlu kvótabraut.
Nú þegar þessir kanadísku snill-
ingar standa með allt draslið á
hælunum eru þeir svo aftur kall-
aðir til vitnis um hvers konar
endemis þvælu þeir komu sér í -
og fengnir alveg sérstaklega til að
vara okkur mörlanda við ósköp-
unum! Kvótakerfinu hef ég oft
Iíkt við trúarbrögð. Það kom mér
því lítið á óvart að Brian Tobin,
hinum kanadíska sjávarútvegs-
ráðherra, skyldi líkt við prédik-
ara.
„Eina von
þorskstofnsins..
Að undanförnu hafa nokkrir
af forystumönnum stórútgerðar-
innar hafið á nýjan leik að hamra
á nauðsyn þess að ganga í skrokk
á krókaveiðiflotanum. Verð-
launaframsetning þessarar her-
ferðar birtist fyrir stuttu hér í
þessum skoðunardálki, en þar
stóð:
„Eina von þorskstofnsins er að
banndagakerfið virki með þeim
hætti sem til er ætlast.“ (lbr.
höf.).
Þetta má hiklaust flokka sem
húmor á heimsmælikvarða.
Þessum mönnum blöskrar
sumsé alfarið og endalaust hið
gríðarlega frjálsræði minnstu
handfæra og línubátanna innan
íslensku lögsögunnar. Þetta eru
sömu mennirnir og hælast um af
því að hafa tekið utan allra kvóta
tugþúsundir tonna úr þorskstofni
annarra þjóða. Skyldi einhver
láta það hvarfla að sér að taka þá
alvarlega?
Höfundur er formaður Lands-
sambands smábátaeigenda.
5
Fréttir
Smábátaeigandi á Raufarhöfn:
Dæmdur fyrir að tvö-
falda netafjölda í sjó
— með því að nota sömu áhöfn á
tvo báta sína
Þorgeir H jaltason smábátaeigandi
á Raufarhöfn hefur verið dæmdur
í héraðsdómi Norðurlands eystra
fyrir að tvöfalda netafjölda í sjó
með því að nota sömu áhöfn á tvo
báta sína, Brimrúnu ÞH 231 og
Sigrúnu ÞH 39.
I reglugerð um þorskfisknet seg-
ir að leyfilegur hámarksfjöldi neta,
sem skip megi hafa í sjó, skuli tak-
markaður við það hversu margir
séu í áhöfn skips. Þorgeir rær við
þriðja mann og samkvæmt því er
honum heimilt að hafa 54 þorska-
net í sjó. Hann lagði leyfilegan
netafjölda með öðrum bátnum en
síðan fór sama áhöfn yfir á hinn
bátinn og lagði annað eins af net-
um með honum. Dómurinn taldi
að ákvæðið um netafjöldann yrði
ekki skilið svo að hægt væri að tvö-
falda eða margfalda fjölda neta í
sjó með því að halda mörgum bát-
um til róðra með sömu áhöfn og
dæmi háttarlag Þorgeirs ólöglegt.
Þorgeir kvaðst í samtali við
Fiskifréttir vera afar ósáttur við
þessa niðurstöðu. Lögfræðingur
hans hefði farið rækilega í gegnum
lög og reglur um þessi mál og þar
væri hvergi að finna ákvæði sem
styddu þennan dómsúrskurð. Þor-
geir sagðist hafa haft þennan hátt á
í nokkur ár og sér hefði ekki flogið
í hug að neitt væri við það að at-
huga. Hann benti á að algengt væri
að smábátaeigendur héldu úti
tveimur bátum þannig að annar
væri t.d. á krókaveiðum en hinn á
grásleppuveiðum og enginn segði
neitt við því. „Fiskiríið í netin hér á
þessu landshorni er miklu lakara
en t.d. á vertíðum á Suðurlandi.
Algengt er að maður fái lítið sem
ekkert í netin og því ástæðulaust
að amast við því þótt sama áhöfnin
sé á tveimur bátum,“ sagði Þor-
geir. Hann bætti því við að til stæði
að áfrýja undirréttardómnum til
Hæstaréttar.
Haldið Fiskifréttum til haga!
I hverri viku
birtast í Fiskifrétt-
um margvíslegar
upplýsingar sem
gagnlegt er að geta
fTett upp síðar.
Möppur, sem
rúma a.m.k. einn
árgang blaðsins
hver, eru fáanlegar
hjá Fróða hf.,
Ármúla 18,
Reykjavík. Nánari
upplýsingar í síma
91-812300.
Fiskmarkaðir
Allir markaðir
Vikan 8.-14. janúar 1995
Hám. Lágm. Mcðal-
verð verð verð magn
Tegund (kr/kg) (kr/kg) (kr/kg) (kg)
Annar
afli 330,00 18,00 72,37 189.820
Grálúða 164,00 140,00 155,68 23.414
Karfi 156,00 5,00 113,80 17.526
Keila 85,00 20,00 66,43 71.953
Langa 105,00 40,00 89,75 18.794
Lúða 695,00 100,00 415,73 4.025
Skarkoli 172,00 50,00 137,66 30.716
Steinb. 150,00 40,001066,30 11.919
Ufsi 94,00 29,00 63,89 200.291
Ýsa 185,00 40,00 125,44 190.020
Þorskur 155,00 60,00 113,10 779.942
102,61 1938.320