Fiskifréttir - 29.09.2006, Page 8

8
FISKIFRÉTTIR 29. september 2006
FRÉTTIR
Breytingar á Bjarna Ólafssyni AK:
Erum að
liftima
skipsins
- segir Gísli Runólfsson skipstjóri
„Mér líst mjög vel á skipið og endurbæturnar á því. Vinnubrögðin
eru alveg fyrsta flokks. Verkið stóðst líka upp á dag og kostn-
aðurinn upp á krónu og það skiptir auðvitað miklu máli,“ sagði Gísli
Runólfsson, skipstjóri á Bjarna Olafssyni AK, í samtali við Fiskifréttir
er haft var sambandi við hann vegna endurbóta á skipinu sem unnar
voru hjá Skipapol skipasmíðastöðinni í Gdansk í Póllandi. Rætt var
við Gísla fyrr í þessari viku en skipið var þá á siglingu frá Póllandi til
Islands og er það væntanlegt til Akraness í vikunni.
Gísli sagði að skipið hefði verið
endurnýjað að innan nánast í hólf
og gólf þótt lítið hafi verið skipt
um tæki og búnað nema í brúnni.
„Við erum að lengja líftíma skips-
ins með þessum endurbótum. Við
vinnum og löndum síld til mann-
eldis og við leggjum því mikla
áherslu á að umhverfi vinnslunn-
ar, lestar og meðferð hráefnis hæfi
þeirri vinnslu eins vel og kost-
ur er. Aðstaða fyrir áhöfn hefur
einnig batnað til mikilla muna.
Síðast en ekki síst er komin ný
brú á skipið og allt fyrirkomulag
er nánast sérhannað fyrir skip-
stjórann. Stærsta breytingin í
brúnni er þó að við fáum nýjan
asdik. Ekki veitti af að fá öflugra
fiskleitartæki því það gamla var
orðið 15 ára gamalt. Mér endist
varla dagurinn til að telja upp
allar nýjungar sem komið hafa
fram í þessum tækjum á þeim
tíma,“ sagði Gísli.
Bjarni Ólafsson AK er 1.593
brúttótonna frystitogari og nóta-
skip, smíðaður í Noregi 1978 en
skipinu hefur verið breytt mikið
síðan. Gísli sagði að það hefði
verið umbyggt árið 1993 og eftir
breytingarnar nú væri skipið svo
gott sem eins og nýtt. Eftir heim-
komuna er gert ráð fyrir að Bjarni
Ólafsson AK fari að veiða síld á
heimamiðum.
Helstu endurbætur
Skipið var sandblásið, bæði
síður, þilför, yfirbygging og allar
lestar. Lestar voru málaðar með
málningarkerfi fyrir matvæli en
aðrir hlutar voru málaðir með
vistvænni málningu sem er vottuð
sem slik. Vinnsluþilfarið var málað
ásamt umbúðageymslu undir
bakka. Skipið var tekið í flotkví og
öxuldregið og botnmálað. Lestar
voru sandblásnar og málaðar
ásamt því að ristar fyrir lensikerfi
og RSW kælikerfi voru endurnýj-
aðar að hluta og zinkhúðaðar.
Skipið var málað með Hempels
Bjarni Ólafsson AK að leggja af stað frá Póllandi eftir miklar breytingar.
Allar íbúðir og vistarverur voru endurnýjaðar.
málningarkerfi. Smíðaðar voru
nýjar lunningar í stað rekkverks
sem var fyrir. Báðar ljósavélarnar
voru teknar upp.
Endurbætur á íbúðum
Eins og fram kemur hjá Gísla
var brúin endurbyggð með því að
skipt var um stálplötur og glugga
í henni. Hún var svo öll klædd
að nýju, veggir, loft og gólf. Öll
stjórnpúlt voru endurnýjuð og
fyrirkomulagi tækja breytt. Ný
tæki í brú eru Asdik Kajo Denki
KCS-2200Z Super Scanning
Sonar og Koden KGP-913/913D,
GPS móttökutæki, bæði tækin
eru frá R. Sigmundssyni ehf.
Efsta íbúðarhæðin, þar sem skip-
stjóra- og stýrimannaklefar eru,
var endurbyggð. Allar veggja- og
loftklæðningar voru endurnýjaðar
ásamt því að sett var nýtt parket á
gólf. Ný húsgögn eru í öllum klef-
um. Miklar endurbætur vom gerðar
á íbúðum. Borðsalur og setustofa
voru endurbyggð frá grunni og fyr-
irkomulagi breytt. Nýjar klæðningar
eru í lofti og veggjum ásamt parketi
á gólfi. Skipt var um innréttingu í
eldhúsi og settur gufuofn til eldunar
ásamt nýrri eldavél.
Skipasýn sf. kom að frumhönn-
un en eftirlit með verkinu var í
höndum útgerðarinnar.
Góð verkefnastaða
Skipapol skipasmíðastöðinni
í Gdansk í Póllandi er í meiri-
hlutaeigu R. Sigmundssonar ehf.
Kristján Jónsson, sviðsstjóri sjáv-
arútvegssviðs R. Sigmundssonar,
sagði í samtali við Fiskifréttir að
verkefnastaða Skipapol væri með
ágætum um þessarmundir. „Börkur
NK frá Neskaupstað kom nýlega til
Gdansk þar sem fram fara smá-
vægilegar breytingar og lagfæring-
ar á skipinu ásamt vélampptekt.
Einnig er Skipapol að smíða skrokk
af fiskibáti fyrir skipasmíðastöð í
Danmörku og verður hann tilbúinn
um áramótin. Nú nýverið var einnig
gerður samningur við útgerðarfyr-
irtæki í Hamborg um að fullgera
smíði á 3.000 tonna flutningaskipi
sem var í smíðum í Rússlandi,“
sagði Kristján.
Rækjuveióar:
60% iðnaðarrækjunnar koma frá Noregi
- en samdráttur í veióum á Flæmingjagrunni gæti haft veruleg áhrif á rækjuiónaó á íslandi
Fiskifréttir greindu frá því í síðasta tölublaði að verulega hefði
dregið úr veiðum á rækju á Flæmingjagrunni. Þegar síðast fréttist
voru þrjú skip á veiðum og eitt á leið til hafnar innan tíðar. Blikur
eru einnig á lofti um samdrátt í rækjuveiðum í Barentshafi. Gunnar
Kristófersson hjá GK Seafood, sem flytur inn verulegan hluta af iðn-
aðarrækju sem unnin er hér á landi, sagði í samtali við Fiskifréttir
að ef veiðarnar drægjust enn meira saman kæmi það til með að hafa
mikil áhrif á rækjuvinnslu hér á landi.
„ Allt bendir til að veiðar á rækju
á Flæmingjagrunni muni drag-
ast verulega saman á næstunni,”
segir Gunnar Kristófersson. „Eg
á samt erfitt með að trúa að menn
hætti alveg. Dragi aftur á móti
mikið úr veiðunum mun það verða
þess valdandi að Islendingar þurfi
í ríkari mæli að kaupa iðnaðar-
rækju úr Barentshafi eða sækja
til Kanada og Grænlands eftir
hráefni og kaupa þar með þriðja
lands vöru sem er tolluð. Mér sýn-
ast reyndar blikur á lofti um að það
eigi líka eftir að draga úr veiðum
í Barentshafi þannig að við eigum
líklega ekki margra kosta völ þegar
upp er staðið. A meðan olíuverð er
hátt og afurðaverð lágt ræður vinnsl-
an einfaldlega ekki við að borga það
verð sem þarf til að standa undir
rekstri skipanna á Flæmingjagrunni
og í Barentshafi. Hráefnisverð á
rækju úr Barentshafi hefur reyndar
verið að mjakast upp á við. Miðað
við gengið í dag var verðið í sumar
í kringum 108 krónur fyrir kílóið en
nú er það rúmar 130 krónur. Það
er þó ekkert sem segir að það mun
haldast,” segir Gunnar.
Þrjú skip að veiðum
„Landslag rækjuvinnslunnar
hefur breyst mikið síðastliðið ár.
í dag eru ekki nema sjö rækju-
vinnslur starfræktar í landinu.
Nokkrar hættu rekstri í fyrra.
Heildarinnflutningur á rækju er
á bilinu 45 til 50 þúsund tonn
á ári. Fyrir fáum árum voru 10
til 12 skip á Flæmingjagrunni að
veiða það magn. Síðast þegar ég
vissu voru einungis þrjú skip á
veiðum þar Lómur, Borg og skip
frá Færeyjum sem heitir Friðborg.
Skipin hafa aðallega haldið sig
á svæði sem kallast 3L því veið-
in á Flæmingjagrunni hefur verið
freka slök undanfarið. Mér skilst
að Færeyingar ætli að halda úti
einu ef ekki tveimur skipum á
Flæmingjagrunni frá og með mán-
aðamótum október og nóvember
og það kæmi mér ekkert á óvart ef
það yrðu þrjú til íjögur skip þar í
vetur. Hvernig sem það kemur svo
til með að ganga,“ segir Gunnar.
Vinnslunum gæti fækkað
„Síðastliðið ár höfum við
íslendingar flutt inn tæplega
60% af allri rækju til vinnslu
frá Noregi og ég reikna með
að hlutfallið verði svipað áfram
ef ekkert breytist. Markaðurinn
í Noregi er okkur því mjög
mikilvægur en ef botninn
dettur úr honum eigum við
ekki annarra kosta völ en að
kaupa af Grænlendingum og
Kanadamönnum, ellegar draga
stórlega úr vinnslunni. Ef rækju-
veiðar dragast enn meira saman
tel ég óhjákvæmilegt annað
en að vinnslunum eigi eftir að
fækka enn frekar. Afurðaverð
verður einfaldlega að hækka til
að vinnslan geti staðið undir því
verði sem þarf til að gera skipin
út,” segir Gunnar að lokum.