Fréttablaðið - 09.11.2021, Blaðsíða 15

KYNN INGARBLAÐ
ALLT
ÞRIÐJUDAGUR 9. nóvember 2021
Sarah Jessica Parker og Chris Noth í
tökum á nýju þáttunum um helgina.
FRÉTTABLAÐIÐ/GETTY
thordisg@frettabladid.is
Sarah Jessica Parker geymdi upp
á sitt einsdæmi hvern einasta hlut
úr sjónvarpsþáttunum Sex and the
City, sem sýndir voru á árunum
1998 til 2004. Þetta kemur fram í
viðtali við leikkonuna í desember­
hefti bandaríska Vogue.
Í desember frumsýnir HBO nýja
framhaldsseríu af Sex and the City,
sem fengið hefur nafnið And Just
Like That… . Þar bregður leikkonan
sér aftur í hlutverk Carrie Brad­
shaw og segir aðdáendur geta átt
von á að sjá flíkur, skó og fylgihluti
úr upprunalegu þáttunum.
Bláu brúðarskórnir
„Ég geymdi hvern einasta hlut.
Húsgögn, flíkur og hvaðeina sem
ég pakkaði niður og skráði eftir
þáttaröð, þætti og atriði,“ segir
Parker í viðtalinu við Vogue.
Þar á meðal eru hvítar galla­
stuttbuxur úr 3. þáttaröð, glitrandi
Dolce & Gabbana­nærbuxur sem
hún klæddist í eftirminnilegu
atriði í þáttaröðinni á eftir og að
sjálfsögðu geymdi hún alla Manolo
Blahnik­hælaskóna sem auð­
kenndu Carrie í þáttunum.
„Ég er með Hangisi­hæla skóna
sem Mr. Big gaf Carrie þegar
hann bað hennar; sandalana
sem hundur Aidans kjamsaði á
og svörtu hælaskóna sem Carrie
klæddi sig í þegar hún komst í fata­
skáp Vogue,“ segir Sarah Jessica
en bláu brúðarskórnir fá veglegan
sess í nýju þáttunum. ■
Geymdi allt góssið
úr Sex & the City 
Hjá Rúmföt.is er boðið upp á fjölbreytt úrval af lúxus rúmfötum fyrir fólk á öllum aldri. FRÉTTABLAÐIÐ/EYÞÓR
Vönduð rúmföt í miklu úrvali
Hjá Rúmföt.is á Nýbýlavegi 28 fást vörur sem henta þeim sem vilja bara það allra besta.
Þar fást fjölbreytt rúmföt úr hinu dásamlegu silkidamaski, íslensk rúmföt eftir þrautreynda
saumakonu, úr ítölskum gæðaefnum, og annar lúxus fyrir fólk á öllum aldri. 2