Heilsuvernd - 01.03.1993, Síða 32

FEGRUNARMEÐUL UR JURTUM
HÁRSKOL
Gott er að skola hár upp úr jurtaseyði
eftir hárþvott. Best er að skola sápuna
vel úr hárinu áður en það er skolað
upp úr seyðinu og má gjarnan láta
seyðið liggja í hárinu þegar það er
þurrkað. Jurtaskolun hleypir lífi í
hárið, skerpir litinn, gerir hann tærari
og gefur hárinu fallegt yfirbragð.
Gott er að nota birkiblöð, brenni-
netlur, kamillublóm og hóffífil í skol
fyrir þurrt hár en blóðberg, hóffífil,
klóelftingu, piparmyntu og rósmarín
í skol fyrir feitt hár.
Þá er ljóst að mismunandi jurtir henta
fyrir mismunandi hárliti, allt eftir því
hvaða eiginleika jurtirnar hafa. Best
er að skola ljóst hár upp úr vallhumli
og baldursbrá, eða kamillu, en dökkt
hár upp úr blóðbergi, öðru nafni
timjan, og salvíu. Morgunfrú, erlend
jurt sem hefur verið algengt
sumarblóm hér á landi, hentar best
fyrir rautt hár en brenninetlan og
steinseljan hleypa lífi í líflaust hár og
hár sem er að ná sér eftir hárlos. Þá
er gott að skola allt nema ljóst hár
upp úr blóðbergi og brenninetlu.
Klóelfting örvar hárvöxt og er góð
fyrir alla hárliti.
Hér fylgir uppskrift að jurtaskoli:
Einum bolla af sjóðandi vatni er hellt
yfir eina teskeið af þurrkuðum jurtum.
Látið kólna. Þegar vatnið er orðið
volgt eru jurtirnar síaðar frá og hárið
skolað upp úr vatninu.
HÁRNÆRING
Birkiblöð, brenninetlur, rósmarín og
kamillublóm má gjarnan nota í
jurtaolíunæringu, sem nærir hárið,
gerir það mjúkt og gefur því fyllingu.
Einn hnefi af jurtum er látinn í einn
bolla af olíu. Olían er geymd í vel
lokaðri krukku á dimmum, svölum
stað og látin standa í eina viku.
Jurtirnar eru síaðar frá áður en olían
er notuð. Gott er að velgja olíuna
áður en hún er borin í hárið.
ANDLITSMASKI
Segja má að til séu tvær gerðir af
andlitsmaska, blautur maski og þurr.
Blautur maski frískar húðina og
verkar gegn bólum og
bólgumyndunum. Hann hefurannað
hvort herpandi áhrif eða opnar
svitaholurnar, allt eftir því hvaða
efni eru í honum. Áður en maski er
borinn á húðina verður að hreinsa
hana vandlega. Gott er að leggja
heitan bakstur á húðina áður en
maskinn er borinn á. Æskilegt er að
leggjast út af meðan maskinn er á
andlitinu.
Blauturmaskifyrirallarhúðgerðir:
Einn hnefi af ferskri steinselju er
brytjaður smátt og hrærður saman
við tvær til þrjár matskeiðar af skyri.
Maskinn er svo borinn á andlitið og
þveginn af með volgu vatni eftir 30
mínútur. Gott er að leggja fína grisju
yfir maskann. Þessi maski hefur
frískandi og róandi áhrif og er sérlega
góður fyrir ofnæmisgjarna og þreytta
húð.
Maski fyrir venjulega húð:
Þremur matskeiðum af hveitikími,
einni matskeið af hunangi og tveimur
matskeiðum af sterku maríustakkstei
er hrært vel saman. Bíðið í 20 mínútur
og hreinsið svo andlitið með volgu
vatni. Að lokum er gott að skola
andlitið upp úr köldu vatni til að loka
svitaholunum.
Maski fyrir feita húð:
Þeytið eina eggjahvítu og hrærið
saman við eina matskeið af sítrónusafa
og tvær matskeiðar af vallhumal-,
kamillu- eða maríustakkstei. Bætið
þremur matskeiðum af fínu haframjöli
út í og hrærið. Maskinn er borinn á
andlitið og látinn bíða í 15 mínútur.
Þessi maski dregur fram óhreinindi í
húðinni, auk þess sem hann styrkir
húðina og örvarblóðrásina. Maskinn
geymist í tvo daga.
Maski fyrir þurra húð:
Hrærið saman einni eggjarauðu, einni
matskeið af hveitikímsolíu, tveimur
matskeiðum af fjallagrasatei og einni
matskeið af hreinum eplasafa. Setjið
fínsaxaðar möndlur saman við og
hrærið. Maskinn örvar fitukirtla
húðarinnar.
ANDLITSBAKSTUR
Gott er að blanda saman þremur
hlutum af kamillublómum, einum
hluta af lindiblómum, rósmarín og
salvíu í bakstur fyrir hvaða húð sem
er. Blandan er sett í grisjuooka og
pokinn lagður í sjóðandi vatn. Þá er
andlitið þakið grisju og baksturinn
hafður eins heitur og hægt er. Þetta
er endurtekið. Baksturinn hefur
32