Morgunblaðið - 14.08.2021, Blaðsíða 14

14 FRÉTTIR
Innlent
MORGUNBLAÐIÐ LAUGARDAGUR 14. ÁGÚST 2021
Helgi Bjarnason
helgi@mbl.is
Byggingu landnámsskála sem
kenndur er við landnámsmanninn
Hallvarð súganda hefur miðað vel í
sumar. Stefnt er að því að ljúka
smíði skálans næsta sumar en þá
verður eftir að ganga frá honum að
innan. Hugmyndin er að skálinn
verði notaður sem sagnahús og fólk
geti komið þangað til að hlusta á
upplestur á sögum og ævintýrum.
Fornminjafélag Súgandafjarðar
stendur fyrir byggingu skálans í
botni Súgandafjarðar. Skálinn er til-
gátuhús, byggt á fornleifauppgreftri
á Grélutófum í Arnarfirði.
Þetta er þriðja árið sem fram-
kvæmdir standa yfir. Eyþór Eð-
varðsson, formaður Fornminja-
félagsins, segir að félagið sé fámennt
og hafi yfir litlum fjármunum að
ráða. Þess vegna byggist framvinda
verksins mikið á eigin vinnu fé-
lagsmanna. Einnig á vinnu nemenda
á námskeiðum um gömlu bygging-
arlistina sem félagið hefur staðið
fyrir.
Rekaviðardrumbar af Skaga
Í sumar náðust þrír áfangar. Í maí
voru valdir voldugir rekaviðar-
drumbar að Hrauni á Skaga til að
nota í grind skálans og þeir fluttir til
Súgandafjarðar. Í júní var haldið
áfram að hlaða úr klömbru. Tókst að
ljúka því verki sem er erfiðasti hluti
byggingarvinnunnar. Í ágúst var
síðan burðargrindin reist.
Eyþór vonast til að hægt verði að
leggja þakið á næsta ári og ljúka
smíði hússins að mestu. Þá verði eft-
ir að smíða rúm og fleira innan-
stokks. Einnig að hlaða garð í kring-
um skálann. Hann hefur áhuga á að
byggja smiðju við skálann og ef til
vill jarðhýsi. Það fari þó eftir efnum
og ástæðum félagsins.
Sagðar sögur
Ekki hefur verið ákveðið hvernig
húsið verður notað. Það verður alla-
vega tákn um byggingaraðferðina
og umgjörð um sögu og menningu
þjóðarinnar. Þær hugmyndir hafa
verið ræddar að skálinn verði sagna-
hús, byggt á sagnahefð Íslendinga. Í
stað þess að sögumenn fari á milli
bæja til að segja sögur myndu gestir
koma í skálann, sitja við langeld og
hlusta á sögur og ævintýri.
Skálinn er kenndur við landnáms-
mann Súgandafjarðar, Hallvarð súg-
anda. Ekki eru miklar upplýsingar
um hann í Landnámu en í staðinn
stuðst við landnámssögur úr Arnar-
firði og víðar. Eyþór segir að þetta
verði alla vega vestfirskur skáli,
endurgerður eftir bestu fyrirliggj-
andi upplýsingum.
Sérstaklega er litið til Grélutófta í
Arnarfirði, skála landnámsmann-
anna Grélu Bjartmarsdóttur og Ánn
Rauðfeld, en þar voru fornleifarann-
sóknir á síðari hluta áttunda áratug-
ar síðustu aldar.
Skáli Hallvarðs súg-
anda verði sagnahús
- Byggingu skálans lýkur væntanlega á næstu tveimur árum
Ljósmynd/Ingrid Kuhlman
Landnámsskáli Burðargrind skálans er úr rekaviðardrumbum af Skaga.
Efniviður Þátttakendur í verkefninu afla sér efnis í skála Hallvarðs.
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Sími 4 80 80 80
25 ára reynsla
INNFLUTNINGUR AF NÝJUM
OG NOTUÐUM BÍLUM
VERKSTÆÐI
VARAHLUTIR
Hægindastóll
model 7227
Leður – Stærðir XS-XL
Verð frá 389.000,-
NJÓTTU
ÞESS AÐ SLAKA Á
Skeifunni 8 | Sími 588 0640 | casa.is
CASA býður upp á vaxtalausar raðgreiðslur (með Visa / Euro) í allt að 6 mánuði.
LEIÐRÉTT
Þrjú þúsund kíló
Útflutningur dúns frá Íslandi nemur þrjú þúsund kílóum á ári, ekki þrjú
þúsund tonnum eins og misritaðist í frétt á blaðsíðu 10 í blaðinu í gær. Sömu-
leiðis er heildarmarkaður á dúni í heiminum fjögur þúsund kíló. Beðist er vel-
virðingar á mistökunum.
Fyrrverandi formaður
Í frétt í Morgunblaðinu í gær var ranglega sagt að Kristín Á. Guðmunds-
dóttir væri formaður Sjúkraliðafélags Íslands. Hið rétta er að Kristín er
fyrrverandi formaður félagsins. Beðist er velvirðingar á mistökunum.
Fiskeldisfyrirtæki á Íslandi ætla að
skerpa á verklagsreglum sínum um
eftirlit með velferð fiska í kvíum
þeirra. Enginn vafi megi leika á vilja
þessara fyrirtækja til að huga vel að
þessum þætti starfsemi þeirra. Þetta
gerist í kjölfar birtingar í fjölmiðlum
og á félagsmiðlum á dögunum á
myndum af særðum eldislaxi.
Við eldi á dýrum geta óhöpp og
meiðsli átt sér stað, segir í frétt frá
Samtökum fyrirtækja í sjávarútvegi.
Þar er tiltekið að erfitt sé að komast
alfarið hjá óhöppum, jafnvel þótt
fiskeldisfyrirtæki, hvort sem eldið sé
á sjó eða landi, geri allt sem þau geta
til að vernda fiskinn sem fram-
leiðsluvöru sína. Þær myndir sem
birst hafa að undanförnu í fréttum
og samfélagsmiðlum eru sem betur
fer ekki lýsandi fyrir ástand fiska í
kvíum við Ísland. Úr því skuli þó
ekki dregið að myndirnar sýni hvað
gerist þegar fiskur slasast.
„Öllum eldisfyrirtækjum á Íslandi
er skylt að gera Matvælastofnun
reglulega grein fyrir afföllum sem
verða í kvíum og er það gert með
reglubundnum hætti. Þessar tölur
eru aðgengilegar á heimasíðu
MAST. Starfsfólk í fiskeldi fylgist
daglega með fiskum og seiðum í kví-
um til að gæta að því að allt sé í lagi.
Ætla má að enginn atvinnurekstur á
Íslandi búi við jafn stranga eftirlits-
umgjörð og fiskeldi,“ segir SFS.
Skerpt á verklags-
reglum í fiskeldinu
- Velferð fiska - Eftirlitið er strangt