Morgunblaðið - 14.08.2021, Page 20

20 FRÉTTIR
Innlent
MORGUNBLAÐIÐ LAUGARDAGUR 14. ÁGÚST 2021
Unnur Freyja Víðisdóttir
unnurfreyja@mbl.is
„Miðað við síðasta laugardag má búast við því
að það verði ansi þéttsetið hérna inni í dag,“
segir lögreglumaður í Flugstöð Leifs Eiríks-
sonar, sem ekki vill láta nafn síns getið, í sam-
tali við Morgunblaðið.
Mikil örtröð hefur mynd-
ast á álagstímum í töskusal
flugstöðvarinnar þar sem
fara þarf handvirkt yfir
bólusetningarvottorð allra
ferðamanna sem hingað
koma til lands. Biðraðirnar
sem myndast í töskusalnum
séu þó ekki skoðun vottorð-
anna að kenna enda gangi
hún vel fyrir sig, að sögn
lögreglu.
„Skoðun þessara pappíra hefur ekki verið
vandamálið. Það var fullmannað í gær en það
er bara ekki pláss fyrir fleiri borð til að geta
skoðað fleiri í einu.“ Grettir Gautason, fram-
kvæmdastjóri Isavia, segir framgang mála í
flugstöðinni ganga vel fyrir sig og að flestir
sýni aðstæðum skilning.
„Almennt gengur þetta smurt fyrir sig,“
segir hann. „Það koma þó álagstímar sem hafa
aðallega verið að lenda á laugardagseft-
irmiðdögum, þegar margar flugvélar eru að
lenda á sama tíma. Flestir farþegar hafa bara
mætt því með skilningi, stóískri ró og þolin-
mæði“. Þá segir hann rekstraraðila flugvall-
arins sem og flugfélögin hafa reynt að bregð-
ast við ástandinu með ýmsum hætti.
„Við höfum hvatt fólk til að mæta snemma
til að innrita sig í flug og opnum öryggisleitina
fyrr svo að fólk geti gert það. Þá veit ég að Ice-
landair hefur boðið upp á kvöldinnritanir
þannig að fólk sem á flug að morgni til getur
mætt kvöldið áður til að innrita sig í flugið.“
Hann tekur undir með lögreglu flugstöðv-
arinnar og segir plássleysi ekki hluta af vanda-
málinu sem örtröðin á vellinum er.
„Á venjulegum ágústdegi 2019 tókum við á
móti u.þ.b. 27.000 manns en núna erum við að
taka á móti 11.000 manns, þannig byggingin
rúmar í sjálfu sér miklu fleiri farþega.“
Þá segir Grettir vel hafa gengið að manna
stöður á flugvellinum eftir stórtækar upp-
sagnir í upphafi faraldursins.
„Í lok sumars 2019 vorum við með rúmlega
1.600 manns í starfi. Það fór lægst í rúmlega
970 í lok árs 2020.
Núna erum við með rúmlega 1.200 starfs-
menn og hefur okkur tekist að hækka starfs-
hlutfall flestra þeirra sem var lækkað í fyrra“.
Morgunblaðið/Kristinn Magnússon
Leifsstöð Allir farþegar sem koma hingað til lands þurfa að fara í gegnum sérstakt eftirlit vegna Covid-19 í Flugstöð Leifs Eiríkssonar þar sem farið er yfir bólusetningarvottorð þeirra.
Innritun Ekki er lengur hægt að innrita sig í flug rafrænt og því mikið álag á starfsfólki sem innritar alla handvirkt.
Farþegar Um 11.000 manns fara í gegnum flugstöðina á degi hverjum.Örtröð Á álagstímum hafa myndast raðir í töskusalnum þar sem skoðun bólusetningarvottorða fer fram.
„Almennt gengur þetta smurt fyrir sig“
- Laugardagar mesti
álagstíminn - Flestir
sýni aðstæðum skilning
Grettir
Gautason