Morgunblaðið - 14.08.2021, Síða 48

Þorleifur Örn Arnarsson leikstjóri vinnur nú að vinna að
uppsetningu á nýju verki sem sett verður á svið í Kass-
anum í Þjóðleikhúsinu. Mun Þorleifur þróa þá sýningu
með leikhópnum og er þetta í fyrsta sinn sem leikstjór-
inn setur upp leikverk á litlu sviði frá því hann sýndi út-
skriftarverk sitt, Phycosis 4.48 eftir Söru Kane, í Karls-
ruhe í Þýskalandi árið 2009.
Í tilkynningu frá Þjóðleikhúsinu segir að persónu-
legar sögur þátttakenda séu lagðar til grundvallar í
hinu nýja verki og að þátttakendur komi úr ólíkum átt-
um og séu með fjölbreyttan bakgrunn.
„Við heyrum sögur úr fortíð og nútíð
sem hafa sett mark sitt á samtímann.
Sögur um fólk á flótta, ofsóknir og
áföll, átök menningarheima, kynþátta-
hyggju, útskúfun og aðferðir til að lifa
af, en líka um fótboltamót á
KR-vellinum og grillkvöld í
Hafnarfirðinum,“ segir þar og
að verkið sé að einhverju leyti
byggt á bók Viktors Frankl,
Leitinni að tilgangi lífsins.
Þorleifur leitar að tilganginum
LAUGARDAGUR 14. ÁGÚST 226. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Valur er með sjö stiga forskot á toppnum eftir sigur á
Breiðabliki í Pepsi Max-deild kvenna í knattspyrnu eftir
viðureign liðanna á Kópavogsvellinum í gærkvöld.
Breiðablik þurfti á sigri að halda til að hleypa spennu í
kapphlaupið um titilinn en Valur vann hins vegar 1:0.
Þetta markaskor var heldur betur breyting frá fyrri
leikjum liðanna í sumar. Einungis þrjár umferðir eru
eftir af Íslandsmótinu og sé mið tekið af stöðugri
frammistöðu Valsliðsins að undanförnu má segja að
hálfgert formsatriði sé fyrir þær að landa sigri. »41
Nánast formsatriði fyrir Val að
vinna mótið úr því sem komið er
ÍÞRÓTTIR MENNING
Sigurður Bogi Sævarsson
sbs@mbl.is
„Gönguferðirnar gera mér gott og
eru fyrir löngu orðinn ómissandi
hluti af tilverunni,“ segir Helga Þor-
bergsdóttir, hjúkrunarfræðingur í
Vík í Mýrdal. Tæpast fellur úr dagur
í þeirri venju Helgu að ganga á
Reynisfjall, sem er vestan við
byggðina í vík og gnæfir þar yfir.
Frá efstu húsunum í bænum liggur
vegur í sneiðingum upp á brún fjalls-
ins sem er 240 metra hátt. Vegurinn
er snarbrattur og aðeins fær jepp-
um, en þess utan frábær göngustíg-
ur eins og margir nýta sér; heima-
fólk og ferðamenn.
Brattasti vegur landsins
Þau Helga Þorbergsdóttir og Sig-
urgeir Jensson læknir, eiginmaður
hennar, fluttu í Víkina fyrir 36 árum
og festu þar rætur. Helga segist
fljótt hafa gert sér grein fyrir frá-
bærum útivistarmöguleikum á
staðnum; því að ganga í svartri fjöru
við svarrandi brim eða á Reynisfjall.
„Í sandfjörunni er notaleg að vera
berfætt, en í fjallgöngu þarf góða
skó enda er vegurinn grýttur og
sagður vera sá brattasti á landinu,“
segir Helga.
Ferðirnar á fjallið, það er neðan
úr byggð, upp á fjallsbrún og til
baka aftur, segir Helga taka um það
bil klukkustund. Stundum taki hún
þó lengri útgáfur og fari þá fram á
syðstu brún fjallsins; hvar er þver-
hnípi í sjó fram og Reynisdrangar
fyrir fótum fólks. Á þeim slóðum
stendur enn hús lóranstöðvarinnar
sem þarna var starfrækt forðum
daga, en tækjabúnaður hennar var
meðal annars notaður til þess að
fylgjast með flugumferð á Atlants-
hafinu.
Hugurinn tæmist
„Gönguferðir og príl upp um fjöll
og firnindi eru eitt það besta sem ég
veit. Nóg súrefni og mér finnst þetta
frábær núvitund. Í fjallgöngum fæð-
ast oft góðar hugmyndir og stundum
tæmist hugurinn líka algjörlega sem
er frábært. Fyrir fólk sem er í
streitustörfum er nauðsynlegt að
geta stundum kúplað sig út og
gleymt sér. Í þessum göngum finnst
mér líka alveg stórkostlegt að geta
horft hér yfir byggðina í Vík og sjá
Hjörleifshöfða í fjarska. Á vestan-
verðu Reynisfjalli er síðan stórkost-
legt að sjá Dyrhólaey, Eyjafjalla-
jökul, Vestmannaeyjar og fjöruna
sem beint strik jafn langt og augað
eygir,“ segir Helga.
Sem hjúkrunarfræðingur segist
Helga oft hvetja fólk til að stunda
hreyfingu, svo mikið geti slíkt gert
fyrir heilsu fólks. Í Mýrdalnum hafi
einnig verið bryddað upp á ýmsum
verkefnum til eflingar lýðheilsu og
hafi þau mælst vel fyrir. „Eins og
margir byrja ég daginn alltaf gjarn-
an á sundi og fer svo síðar á deginum
á fjallið, gjarnan með stafi í höndum
svo allur líkaminn fái þjálfun. Þetta
er alveg ómissandi; endalaus æv-
intýri á gönguför,“ segir Helga Þor-
bergsdóttir fjallagapur að síðustu.
Morgunblaðið/Sigurður Bogi
Útsýni Þetta er alveg ómissandi; endalaus ævintýri á gönguför,“ segir Helga Þorbergsdóttir. Víkurþorp í baksýn.
Fjallgöngurnar finnast
mér frábær núvitund
- Gengur flesta daga upp á Reynisfjall við Vík í Mýrdal