Morgunblaðið - 12.11.2021, Side 5

Opið bréf til Svandísar Svavarsdóttur heilbrigðisráðherra
Grein heilbrigðisráðherra, „Mikilvægi bólusetninga“, sem birt var í Morgunblaðinu
9. nóvember sl. vekur upp margar spurningar sem nauðsynlegt er að ráðherra svari. Um er að
ræða málefni sem snýr ekki aðeins að lýðheilsu heldur einnig að borgaralegu frelsi og almennum
mannréttindum. Stjórnvöldum ber að leggja heildarmat á þær aðgerðir sem þau standa fyrir,
þ.m.t. áhættu, kostnað og ábata. Á þessum forsendum er þess óskað að heilbrigðisráðherra veiti
skilmerkileg svör við eftirfarandi spurningum:
1. Hvaða vísindalegu og lýðheilsufræðilegu rök styðja þá ákvörðun að heilbrigð börn
og ungmenni, sem ekki eru í áhættuhópi vegna kórónuveirunnar, séu sprautuð með lyfjum
sem engar langtímarannsóknir eru til um?
2. Hve langt er það tímabil sem menn teljast „bólusettir“ eftir 2. sprautu og
„örvunarskammt“? (Spurningin byggir á þeirri forsendu að menn teljist „hálfbólusettir“ eftir
1. sprautu og „fullbólusettir“ 14 dögum eftir 2. sprautu og örvunarskammt).
M.ö.o. hve lengi teljast 2. sprauta og síðari sprautur gilda sem vörn að áliti heilbrigðisyfirvalda?
3. Hvað skýrir margra mánaða athafnaleysi landlæknis og annarra embættismanna sem
VIÐVILJUM SVÖR
var kunnugt um 2.000 tilkynningar um grunaðar aukaverkanir vegna sprautuherferðar
gegn SARS-COV 2?
4. Hvaða vísindalegu gögn liggja að baki því að setja „óbólusetta” einstaklinga í sóttkví
í 5 daga við komuna til landsins þrátt fyrir neikvætt PCR-próf á meðan „bólusettir”
þurfa þess ekki?
5. Hvers vegna eru barnshafandi konur sprautaðar gegn SARS-COV 2 þrátt fyrir að
rannsóknir bendi til að lyfin kunni að valda auknum líkum á fósturskaða
á fyrsta þriðjungi meðgöngu?
6. Viðurkenna heilbrigðisyfirvöld að náttúrulegt ónæmi veitir sterkustu vörn sem völ er á
gegn SARS-COV 2? Ef svo er, hvers vegna er þá verið að sprauta fólk sem sannanlega hefur
fengið náttúrulegt ónæmi?
7. Ef „fullbólusettur” einstaklingur getur enn þá smitast af SARS-COV 2 OG getur enn þá
smitað aðra OG getur enn þá veikst OGmælst með jafnvel minna magn mótefna en þeir sem kusu
að þiggja ekki SARS-COV 2-sprauturnar – af hverju á viðkomandi þá að þiggja fleiri sprautur?
8. Hvaða vísindalegu rök liggja að baki því að mótefnamælingar eru ekki gerðar áður
en fólk er sprautað gegn SARS-COV 2?
Með hliðsjón af þeim miklu almannahagsmunum sem í húfi eru, væntum við þess að
ráðherra víki sér ekki undan því að bregðast skjótt við með skýrum svörum. Við væntum þess
að sjálfsögðu að svör ráðherra verði studd tilvísunum í vísindalegar rannsóknir og gögn.
Virðingarfyllst,
SAMTÖKIN FRELSI OG ÁBYRGÐ