Morgunblaðið - 12.11.2021, Page 10

10 FRÉTTIR
Innlent
MORGUNBLAÐIÐ FÖSTUDAGUR 12. NÓVEMBER 2021
577-1515 • Ve
veVe
Traust og fa
Áætlað er að rekstrarafgangur A- og
B-hluta Hafnarfjarðarbæjar á næsta
ári verði 842 milljónir króna á næsta
ári og að rekstrarniðurstaða A-hlut-
ans verði jákvæð um 106 milljónir.
Þá er stefnt að því að afborganir
eldri lána verði umfram nýjar lán-
tökur í A-hlutanum og verður
skuldaviðmið Hafnarfjarðarbæjar
komið niður í 97% í lok næsta árs
gangi áætlanir eftir og hefur það
ekki verið lægra í áratugi.
Árangursrík varnarviðbrögð
Þetta kemur fram í tillögu að fjár-
hagsáætlun sveitarfélagsins fyrir
næsta ár, sem lögð hefur verið fyrir
bæjarstjórn.
Haft er eftir Rósu Guðbjartsdótt-
ur bæjarstjóra í frétt á vef Hafnar-
fjarðarbæjar að áætlunin beri með
sér að aðhald í rekstri og varnarvið-
brögð bæjaryfirvalda við efnahags-
legum áhrifum Covid-faraldursins
hafi skilað árangri en bæjarsjóður
Hafnarfjarðar tók engin lán á yfir-
standandi fjárhagsári.
„Fram undan er mikil uppbygging
í nýjum hverfum og þéttingarreitum.
Reikna má með umtalsverðri íbúa-
fjölgun í Hafnarfirði á næstu árum.
Við stefnum að því að fjárfesta fyrir
rúmlega 5 milljarða króna á árinu
2022, en eins og hjá öðrum sveitar-
félögum hefur aukinn launakostnað-
ur haft mikil áhrif á rekstur bæjar-
ins. Þrátt fyrir það er áætlað að
skuldaviðmið Hafnarfjarðarbæjar
fari undir 100% fyrir lok ársins 2022
og markar það tímamót í rekstri
bæjarins,“ er haft eftir Rósu.
Óbreytt útsvarsprósenta
Í rekstri bæjarfélagsins er gert
ráð fyrir að veltufé frá rekstri verði
2,5% af heildartekjum eða 886 millj-
ónir króna á næsta ári. Rekstur A-
hluta verður jákvæður fyrir afskrift-
ir og fjármagnsliði um 1,1 milljarð
kr. gangi áætlanir eftir.
Útsvarsprósentan í Hafnarfirði
verður óbreytt á árinu 2022 eða
14,48%. Fasteignaskattar á íbúðar-
húsnæði verða lækkaðir um tæplega
5% til þess að koma til móts við
hækkun fasteignamats og vatns- og
fráveitugjöld á atvinnuhúsnæði
lækka, en það er talið munu lækka
álögur á fyrirtæki um 145 milljónir
króna.
Góð afkoma og
mikil uppbygging
- Skuldaviðmið fari niður í 97% og
verði það lægsta í áratugi í Hafnarfirði
Helgi Bjarnason
helgi@mbl.is
Orkubú Vestfjarða hefur lokið við
að leggja þrífasa rafmagn úr Stein-
grímsfirði í Djúpuvík á Ströndum.
Strengurinn var spennusettur í
gær.
Verið er að hanna framhaldið,
þrífösun í Norðurfjörð, en Elías
Jónatansson orkubússtjóri segir að
tímasetning framkvæmda hafi ekki
verið ákveðin. Orkubúið hefur
gjarnan unnið að þrífösun í sam-
starfi við sveitarfélög, ekki síst í
tengslum við ljósleiðaravæðingu
dreifbýlis.
Orkubúið vinnur að þrífösun víð-
ar á Vestfjörðum og öðrum verk-
efnum til eflingar raforkukerfisins.
Þannig er unnið að þrífösun í Gufu-
dalssveit í tengslum við vegafram-
kvæmdir og er ætlunin að vinna það
í góðu samstarfi við Vegagerðina og
fylgja þar framkvæmdahraða við
lagningu nýs vegar. Þá er unnið að
þrífösun út í Örlygshöfn við Pat-
reksfjörð.
Orkubúið hefur lagt um 250 millj-
ónir í þrísfösun og styrkingu dreifi-
kerfis í dreifbýli á ári og annað eins
á síðasta ári, samtals um 500 millj-
ónir.
Styrking með jarðstrengjum
Jarðstrengur sem lagður var frá
Mjólkárvirkjun að Þingeyri hefur
nú verið tekinn í notkun og er Þing-
eyri þá tengd bæði með jarðstreng
um Dýrafjarðargöng og loftlínu um
Hrafnseyrarheiði. Þá hefur einfasa
kerfi í Önundarfirði verið endurnýj-
að með þriggja fasa jarðstreng í
Valþjófsdal og ráðgert í framhald-
inu að leggja streng út á Ingjalds-
sand til að leysa loftlínu af hólmi. Í
Súgandafirði verður lagður streng-
ur frá Suðureyri í Staðardal. Loft-
línur voru endurnýjaðar með
þriggja fasa jarðstreng í Tálkna-
firði, Gilsfirði og utan Drangsness á
Ströndum.
Meðal annarra verkefna má
nefna að Orkubúið vinnur í sam-
vinnu við fiskeldisfyrirtækin að
landtengingu fóðurpramma.
Morgunblaðið/Helgi Bjarnason
Djúpavík Búið er að spennusetja strenginn til Djúpuvíkur. Haldið verður
áfram norður Strandir en framkvæmdatíminn hefur ekki verið ákveðinn.
Þrífasa raf-
magn í dreifbýli
- Strengur að Djúpuvík spennusettur
Guðni Einarsson
gudni@mbl.is
Engin dýr mega ganga laus í þéttbýli
víðast hvar hér á landi nema kettir,
að sögn Snævars Arnar Georgsson-
ar, umhverfisverkfræðings á Ak-
ureyri. Hann bendir á að hvorki
hundar, hestar, kýr né kindur njóti
sama frelsis og kettir í þéttbýli. Hon-
um finnst að kattareigendur eigi að
lúta sömu reglum og aðrir dýraeig-
endur, þ.e. að sinna dýrum sínum og
að gæta þess að þau valdi öðrum
hvorki skaða né ónæði.
Margir hafa sömu reynslu
Snævarr skrifaði grein um lausa-
göngu katta í Vikublaðið á Akureyri
sem birtist 2. júní síðastliðinn.
„Greinin fór á flug og ég fékk al-
mennt jákvæð viðbrögð. Mér bárust
stuðningskveðjur víða að af landinu,“
segir Snævarr. Margir hafi haft sam-
band og haft svipaða sögu að segja af
samskiptum við kattareigendur.
Vogi fólk sér að gera athugasemdir
við lausagöngu katta eða biðja katt-
areigendur að hafa gætur á gæludýr-
um sínum þá sé því oft mætt með yf-
irgangi, persónuárásum og jafnvel
fúkyrðum.
„Menn vilja ekki missa þau for-
réttindi að geta látið ketti sína valsa
um allt eftirlitslaust. Kattareigendur
segja að það sé svo vont fyrir ketti að
takmarka frelsi þeirra og að það sé í
eðli þeirra að vera frjálsir! En ef það
er svona hræðilegt fyrir kettina að
setja þeim takmörk þá henta þeir
bara alls ekki sem gæludýr í þétt-
býli,“ segir Snævarr.
Hann segir kannanir hafa leitt í
ljós að meirihluti fólks vilji banna
lausagöngu katta. „Það kemur betur
og betur í ljós hvað það er hávær
minnihluti sem vill ekki bera ábyrgð
á gæludýrunum sínum,“ segir Snæv-
arr.
„Ég hef tvisvar vaknað við að það
var köttur kominn upp í rúm til mín.
Í báðum tilvikum voru kettirnir ólar-
lausir og ómerktir, sem er bannað
hér á Akureyri. Það var kattarskítur
fyrir utan dyrnar hjá mér um
helgina. Ég hef horft upp á ketti
skíta í sandkassa í leikskólum og hef
ekki tölu á öllum þeim fuglum sem ég
veit að kettir hafa drepið. Ég hef
nokkrum sinnum vaknað við katta-
breim á nóttunni. Ef hundur héldi
vöku fyrir fólki með gelti þá væri tek-
ið snarlega fyrir það,“ segir Snævarr
en hann hefur rætt lausagöngu katta
við bæjarfulltrúa á Akureyri.
Honum finnst undarlegt að heyra
menn, sem í orði kveðnu styðja nátt-
úruvernd, vilja leyfa köttum að
ganga lausir fuglalífinu til ómælds
skaða. „Það er líka skondið að heyra
talsmann jafnaðarstefnunnar segja
að einn lítill hópur, kattareigendur,
eigi að njóta forréttinda umfram alla
aðra dýraeigendur og almenning,“
segir Snævarr.
Misjöfn afstaða dýralækna
Hann furðar sig á ályktun Dýra-
læknafélags Íslands um bann við
lausagöngu katta á Akureyri. Banda-
ríska dýralæknafélagið (American
Veterinary Medical Association) sem
í eru um 97.000 dýralæknar hvetji
hins vegar félagsmenn sína til að
fræða skjólstæðinga sína og almenn-
ing um þær hættur sem fylgja lausa-
göngu katta. Félagið segir að sé kött-
um haldið heima eða á afgirtum
svæðum og þeir vandir á að gengið sé
með þá í taumi geti það dregið úr
ýmsum hættum fyrir kettina, villt
dýralíf, fólk og umhverfið.
„Að mati bandarísku dýralækna-
samtakanna eru lífslíkur lausa-
göngukatta minni en katta sem hafð-
ir eru í haldi og viðraðir í taumi.
Kettir verða fyrir bílum, villast og
týnast. Hér skríða þeir upp í heitar
bílvélar á köldum vetrardögum.
Kettir slást líka mikið. Ég veit um
kött sem hefur þurft að tjasla saman
þrisvar eftir slík slagsmál með til-
heyrandi sýklalyfjagjöf. Það gerist
líka að kettir lokist inni í geymslum
og skúrum og jafnvel drepist þar.
Hvaða velferð er fólgin í því?“ spurði
Snævarr.
Aðrar reglur um ketti
en önnur dýr í þéttbýli
- Verkfræðingur vill að sömu reglur gildi um allt dýrahald
Morgunblaðið/Golli
Veiðiköttur Það er í eðli katta að veiða, m.a. fugla. Hér hefur einn náð sér í
skógarþröst. Bjöllur koma ekki í veg fyrir að kettir veiði hálffleyga unga.