Morgunblaðið - 12.11.2021, Page 28

28 MENNING
MORGUNBLAÐIÐ FÖSTUDAGUR 12. NÓVEMBER 2021
fyrir heimilið
Sendum
um
land
allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Fallegar vörur
Stóll á snúningsfæti í ítölsku nautsleðri
75 cm á breidd
Verð frá 139.000 kr.
Loksins fáanlegir aftur,
í mörgum litum
Helgi Snær Sigurðsson
helgisnaer@mbl.is
Bandaríska tónlistarkonan Zoe
Ruth Erwin, sem gengur undir
listamannsnafninu Zöe, gefur út
sína fyrstu breiðskífu, Shook, í dag,
föstudaginn 12. nóvember og fagnar
henni með tónleikum á Húrra kl. 20.
Zoe hefur búið á Íslandi í fimm ár
og starfar hér sem tónlistarmaður
og upptökustjóri. Hún kom upp-
haflega hingað til að breyta til og
jafna sig eftir áföll sem hún varð
fyrir í heimalandi sínu Bandaríkj-
unum, í borginni Los Angeles. Segir
hún föður sinn hafa látist úr
krabbameini eftir níu ára baráttu
við meinið og nokkru síðar hafi kær-
asti hennar byrjað að drekka aftur,
yfirgefið hana og hætt í hljómsveit-
inni sem þau voru saman í.
Þetta áfall kom ofan í sorgina
sem Zoe var að glíma við og ekki
tók betra við á Íslandi, ofbeldis-
samband sem Zoe segist enn vera
að jafna sig eftir. Núverandi kær-
asti hennar hefur þar reynst henni
vel og segir Zoe hann bæði ástríkan
og veita henni mikinn stuðning.
Hún segist hafa samið mikinn fjölda
laga eftir að hún kom hingað til
lands, um 60 talsins, og því hafi hún
í raun átt lög fyrir nokkrar breið-
skífur. Úrval þessara laga má nú
finna á plötunni nýútkomnu.
Kunnuglegur sársauki
Zoe er spurð að því hvort hún
hyggist búa á Íslandi til frambúðar
og er hún snögg til svara. „Ég held
að ég muni búa hérna það sem eftir
er,“ segir hún létt í bragði.
Hún hafi upphaflega komið hing-
að til lands að græða sárin og segir
hún plötuna snúast að miklu leyti
um sambandið sem hún var í fyrstu
þrjú árin á Íslandi þar sem hún varð
fyrir miklu andlegu ofbeldi og kúg-
un. „Þetta var kunnuglegur sárs-
auki,“ segir Zoe um það samband
og að á endanum hafi hún fengið
taugaáfall og verið lögð inn á geð-
deild. Hún hafi svo í framhaldi feng-
ið aðstoð á Bjarkarhlíð og und-
anfarin tvö ár eða svo verið í
meðferð við áfallastreituröskun. Allt
er því nú á réttri leið.
Spurð hvort það hafi verið henni
léttir að fjalla um þessi mál í tónlist
sinni og textum segir Zoe létti ekki
rétta orðið. „Þetta var meira líkt því
þegar maður fer í teiti, drekkur of
mikið og verður hreinlega að kasta
upp til að líða betur, þó það sé
hryllilegt,“ útskýrir Zoe. Því sé rétt-
ara að tala um nauðsyn.
Aðgengilegri tónlist
Zoe var í hljómsveit í sex ár í
Bandaríkjunum sem hún segir hafa
verið á sífelldum tónleikaferðalög-
um. Sveitin nefndist Little Red
Lung og Zoe er spurð hvort hennar
tónlist sé svipuð þeirri sem hljóm-
sveitin flutti. Jú, söngurinn er það,
segir hún, enda hafi hún verið söng-
kona sveitarinnar en lagasmíðarnar
hins vegar ólíkar. Tónlist Little Red
Lung hafi verið öllu furðulegri og
villtari en sú sem hún hafi sent frá
sér eftir að hún flutti til Íslands.
„Tónlistin mín er mun aðgengi-
legri,“ segir hún.
Zoe tók plötuna upp sjálf, öll
hljóðfæri nema trommur sem tekn-
ar voru upp í öðru stúdíói. Á kjuð-
unum hélt Gunnlaugur Briem sem
Zoe segir einn sinn allra besta ís-
lenska vin. Af öðrum tónlistarmönn-
um sem leika á plötunni má nefna
Guðmund Óskar sem lék á bassa,
Helga Reyni Jónsson sem lék á gít-
ar og bassa og Unni Birnu Björns-
dóttur sem lék á fiðlu.
Zoe er spurð að því hvort hún
hafi átt auðvelt með að komast inn í
íslenska tónlistarbransann fyrir
fimm árum og segist hún einfald-
lega hafa beðið tónlistarmenn um að
hitta sig í kaffi. „Ég er sannarlega
forvitin um hvað drífur fólk áfram
og hvernig það vinnur hlutina og ég
held ég sé búin að hitta tvö til þrjú
hundruð tónlistarmenn og aðra á
kaffistefnumótum frá því ég flutti
hingað. Það er afar mikilvægt að
rækta skapandi sambönd við annað
fólk, ekki bara hringja í það þegar
maður þarf á því að halda. Maður
þarf að mynda raunveruleg tengsl
við fólk,“ útskýrir Zoe.
Óþolandi spurning
–Nú kemur spurning sem ég held
að flestir ef ekki allir tónlistarmenn
hafi andstyggð á: Hvernig myndir
þú lýsa tónlistinni þinni?
„Guð minn góður, ég þoli ekki
þessa spurningu!“ svarar Zoe og
hlær innilega, greinilega ekki djúpt
á því óþoli. „Henni er oftast lýst
sem myrku poppi eða „alternative“
poppi, drungapoppi, eitthvað í þá
veru. Hún er þungt og myrkara
popp af einhverju tagi.“
–Það er alltaf betra að hlusta á
tónlist en lýsa henni með orðum. En
nú kemur önnur óþolandi spurning:
Hvaða tónlistarmenn veita þér inn-
blástur?
„Tja, báðir foreldrar mínir voru
hippar, mamma fór á Woodstock
þannig að ég ólst upp við tónlist frá
sjöunda og áttunda áratugnum og
lærði líka mikið af Carol King hvað
lagasmíðar varðar en uppáhaldstón-
listarmaðurinn minn, fyrr og síðar,
er David Bowie. Hann var allt í
senn frábær persónuleiki, lagasmið-
ur, tískufyrirmynd og síbreytilegur.
Mér þykir hann stórmerkilegur og
líka Bítlarnir, Led Zeppelin og allt
þetta sígilda rokk. Ég er líka mikill
aðdáandi St. Vincent, hún var
brautryðjandi í gítarvinnu, er mjög
óhefðbundinn lagasmiður og fer
óhefðbundnar leiðir þegar kemur að
samsetningu hljóðfæra,“ svarar
Zoe.
Og listinn lengist enn því Zoe
nefnir líka Nirvana, Alice in Chains,
Metallica, Tori Amos og PJ Harvey.
„Ég er næntís-barn,“ segir hún
kímin og bætir við að hún sé í raun
alæta á tónlist. Reyndar sé henni
frekar illa við popp og rapp sem bú-
ið er að misþyrma með Auto-Tune.
Forvitin „Ég er sannarlega forvitin um hvað drífur fólk áfram og hvernig það vinnur hlutina og ég held ég sé búin
að hitta tvö til þrjú hundruð tónlistarmenn og aðra á kaffistefnumótum frá því ég flutti hingað,“ segir Zoe.
Nauðsyn frekar en léttir
- Tónlistarkonan Zöe gefur út sína fyrstu breiðskífu - Gerir upp ofbeldissamband sem stóð yfir
í þrjú ár - Mikilvægt að rækta skapandi sambönd við annað fólk - Myrkt popp eða drungapopp
Listahátíðin Humar Saman fer
fram í menningarhúsinu Mengi við
Óðinsgötu í kvöld og annað kvöld,
föstudags- og laugardagskvöld, og
lýkur síðan með tónleikum Elvars
Braga Quintets á Skuggabaldri á
sunnudagskvöld kl. 20.30.
Á hátíðinni kemur fram í Mengi
hópur tónlistarmanna og ljóð-
skálda. Í tilkynningu segir að tón-
listarfólkið eigi sameiginlegt að
„hafa vakið mikla eftirtekt fyrir sín
verk, mörg hafa þau unnið til verð-
launa og sum hver sent frá sér
brakandi nýjar plötur á árinu.
Á milli tónleika lesa ljóðskáld úr
verkum sínum. Öll hafa þau nýverið
gefið út spennandi bækur sem hafa
vakið talsverða athygli.“
Í kvöld hefja Tumi Árnason og
Magnús Trygvason Eliassen leik kl.
19.30 og síðan koma fram Þórdís
Helgadóttir, Ingibjörg Elsa Turchi,
Tómas Ævar Ólafsson og Kristofer
Rodriguez Svönuson. Á laugardag
hefur sveitin Hist og leik kl. 19.30
og svo koma fram Brynja Hjálms-
dóttir, Magnús Jóhann, Brynjar Jó-
hannesson og Hróðmar Sigurðsson.
Listahátíðin Humar Saman í Mengi
Tríóið Hist og er meðal þeirra listamanna
sem koma fram í Mengi um helgina.
Listbókamessan Reykjavík Art
Book Fair verður í Ásmundarsal
um helgina. Opið verður frá kl. 18
til 21 í kvöld, föstudag, og kl. 11 til
17 á laugardag og sunnudag. Ýmsir
útgefendur taka þátt ásamt fjölda
sjálfstæðra myndlistarmanna og
hönnuða.
Viðburðurinn byggist á vinsælu
alþjóðlegu sýningarsniði list-
bókamessunnar. Þar mætast lista-
menn og hönnuðir sem nota bók-
verkamiðilinn sem listform, lítil
listbókaforlög, gallerí og söfn sem
stunda útgáfu á prentuðu efni. Litið
er á bókahönnun,
útgáfu og prent
sem listform í
stöðugri þróun.
Þátttakendur
sjá um sölu á eig-
in efni. Meðal
þeirra eru Ný-
listasafnið, Kling
& Bang, Prent &
vinir, Lóa Hjálm-
týsdóttir, Reykjavík Dance Festi-
val, Bókverkafélagið ARKIR, Gra-
zie Press, I8, Þrjár hendur,
Angustúra og LÓFÍ.
Listbókamessa í Ásmundarsal
Á listbókamessu.