Morgunblaðið - 17.11.2021, Side 2

2 FRÉTTIR
Innlent
MORGUNBLAÐIÐ MIÐVIKUDAGUR 17. NÓVEMBER 2021
Klukkur Skálholtsdómkirkju voru í
gær teknar úr festingum sínum sem
ásamt ýmsum stjórnbúnaði þessa
mikla spilverks verða endurnýjaðar
á næstunni.
Alls eru klukkurnar fimm, en að-
eins tvær í lagi. Aðrar tvær klukkur
eru bilaðar og hin fimmta liggur
brotin á gólfi turns kirkjunnar. Sú
losnaði þegar hringt var inn til
helgra tíða fyrir um tuttugu árum,
en nú er hafin söfnun fyrir kaupum
á nýrri í hennar stað.
Viðgerðir þessar á klukkubún-
aðinum taka nokkra mánuði. Því
verður ómurinn daufari fram til
vors. Hringt verður til helgiathafna
á staðnum, til dæmis um jólin, með
lítilli klukku sem talin er vera frá
12. öld, segir sr. Kristján Björnsson
víglubiskup. Kostnaður við endur-
bætur þessar verður um 10 millj-
ónir króna og er greiddur af
Verndarsjóði Skálholtskirkju. Mikl-
ar endurbætur aðrar á kirkjunni
standa nú yfir, en hún var reist fyr-
ir um 60 árum. sbs@mbl.is
Klukkubúnaður Skálholtskirkju tekinn til viðgerða
Ómurinn
daufur á
næstunni
Ljósmynd/Kristján Björnsson
Ágúst Ingi Jónsson
aij@mbl.is
Samhliða innleiðingu á nýju raf-
rænu greiðslukerfi Strætó,
KLAPP, í gær voru einnig gerðar
breytingar á gjaldskrá Strætó, sem
skipt er í nokkra
flokka. Meðal
breytinga má
nefna að árskort
fyrir aldraða
hækkaði úr 25
þúsund krónum í
40 þúsund krónur,
eða um 60%.
Helgi Pétursson,
formaður Lands-
sambands eldri
borgara, segist sannfærður um að
hækkun sem þessi verði ekki til
þess að auka nýtingu eldra fólks á
strætisvögnum.
Helgi segist hafa saknað þess að
ekki væri í boði árskort fyrir eldra
fólk á viðráðanlegu verði. „Ég
þekki vel til í Danmörku og þar sem
ég bjó var eldra fólki boðið að
kaupa árskort á 365 krónur eða fyr-
ir krónu á dag. Alls staðar í kring-
um okkur er verið að stefna eldra
fólki úr bílum í almenningssam-
göngur, að minnsta kosti er verið að
búa þannig um hnútana að þetta sé
raunhæfur valkostur. Hugsunin er
allt önnur og þar er ekki verið að
íþyngja fólki á þennan hátt.
Mér finnst þetta mjög sérkenni-
leg ráðstöfun og sem gamall for-
maður Strætó finnst mér þetta al-
veg út úr kú. Ég hefði aldrei
samþykkt þetta,“ segir Helgi Pét-
ursson.
Stakt fargjald á 490 krónur
Árskort án afsláttar kostar 80
þúsund krónur, en aldraðir eiga
rétt á 50% afslætti. Samkvæmt
eldri gjaldskrá hefur afsláttur til 67
ára og eldri minnkað verulega sam-
kvæmt framansögðu.
Sama á við um árskort fyrir ung-
menni 12-17 ára, en þau hækkuðu
við gjaldskrárbreytinguna úr 25
þúsund krónum í 40 þúsund eins og
hjá öldruðum. Nemar 18 ára og
eldri greiða 40 þúsund krónur fyrir
árskort, en það kostaði áður 54 þús-
und krónur. Árskort fyrir öryrkja
lækkar úr 25 þúsundum í 24 þúsund
krónur.
Stakt fargjald með Strætó, án af-
sláttar, er nú 490 krónur og breytt-
ist það ekki.
„Þetta er alveg út úr kú“
Morgunblaðið/Sigurður Bogi
Breytingar Strætó hefur breytt gjaldskrá sinni og gagnrýnir formaður
LEB hækkun á árskortum aldraðra, en þau kosta nú 40 þúsund krónur.
- 60% hækkun árskorta aldraðra sérkennileg ráðstöfun, segir formaður Lands-
sambands eldri borgara - Hefði ekki samþykkt þetta sem formaður Strætó
Helgi Pétursson
Karítas Ríkharðsdóttir
karitas@mbl.is
Ragnhildur Alda María Vilhjálms-
dóttir mælti á fundi borgarstjórnar í
gær fyrir tillögu sinni og annarra
borgarfulltrúa Sjálfstæðisflokksins
um að sett yrði á fót nýtt neyðarat-
hvarf fyrir heimilislausar konur á
vegum Reykjavíkurborgar.
Kveður tillagan á um að neyðarat-
hvarf verði starfrækt með skaða-
minnkandi nálgun í formi herbergja-
gistingar fyrir konur í virkri fíkn og
eru í greinargerð tillögunnar færð
rök fyrir því að vöntun sé á slíku úr-
ræði í borginni.
Vísað er í fyrirmynd athvarfs sem
starfrækt var sem neyðarúrræði
vegna heimsfaraldurs Covid-19 fyrir
konur í Skipholti, og er sagt hafa gef-
ið góða raun en var lokað í sumar.
Tillögu borgarstjórnarflokks
Sjálfstæðisflokksins var vísað til vel-
ferðarráðs þrátt fyrir ákall flutn-
ingsmanns um að það yrði ekki gert,
enda tillagan fullunnin og þörfin vel
skilgreind.
„Ég fagna því auðvitað að meiri-
hlutinn í borgarstjórn hafi ekki fellt
málið heldur vísað því til meðferðar
velferðarráðs, hvar ég á sæti.
Þó að ekki sé um fullnaðarsigur að
ræða þá er fyrsta orrustan unnin og
ég mun fylgja málinu fast eftir í vel-
ferðarráði, enda þolir það enga bið
eðli málsins samkvæmt,“ segir
Ragnhildur sem er fyrsti varaborg-
arfulltrúi Sjálfstæðisflokksins og
flutti sem fyrr segir tillöguna.
Reykjavíkurborg rekur í dag tvö
neyðarskýli fyrir heimilislausa karl-
menn í borginni en ekkert fyrir kon-
ur.
Konukot, sem löngum hefur verið
eina athvarf heimilislausra kvenna í
borginni, er með þjónustusamning
við borgina, en er að mestu rekið á
sjálfboðaliðavinnu í óviðunandi hús-
næði.
Neyðarathvarf í nefnd
- Segir nýtt at-
hvarf fyrir konur
ekki þola neina bið
Borgarstjórn Ragnhildur Alda M.
flutti tillöguna í borgarstjórn í gær.
Margrét Rósa
Grímsdóttir stíg-
ur fram í að-
sendri grein í
Morgunblaðinu í
dag og segir sögu
sína af Kristni E.
Andréssyni, fyrr-
verandi þing-
manni og rit-
stjóra Máls og
menningar. Mar-
grét segist ekki síst gera það til
stuðnings Guðnýju Bjarnadóttur
sem greindi frá því í Morgunblaðinu
11. nóvember að Kristinn hefði beitt
hana kynferðislegu ofbeldi í tvígang
þegar hún var níu ára gömul.
Margrét segir að Kristinn hafi
verið tíður gestur heimili hennar á
Akranesi.
„Mér fannst hann skemmtilegur,
hann gaf sig að mér, tók mig gjarn-
an á lær og hossaði mér. Ég var sex
ára. Svo kom að því að hann vildi
snúa mér að sér og fór að kyssa
mig.“ Þá lýsir Margrét því hvernig
Kristinn hafi kysst hana á munninn
og rekið tunguna upp í hana. Hún
hafi náð að losa sig úr fangi hans og
látið foreldra sína vita. » 14
Kristinn E.
Andrésson
Annað fórnarlamb
Kristins stígur fram
Hádegisfundum
SES frestað!
Hádegisfundum Samtaka eldri
sjálfstæðismanna á miðvikudögum er
frestað vegna heimsfaraldurs
um óákveðinn tíma.
Stjórnin
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Setning staðgengils í ráðherraemb-
ætti var á dagskrá ríkisstjórnar-
fundar í gær. Við nánari eftir-
grennslan Morgunblaðsins kom í
ljós að skipa þurfti staðgengil í stað
Lilju D. Alfreðsdóttur, mennta- og
menningarmálaráðherra, vegna
skipunar í embætti skólameistara
Flensborgarskóla.
Lilja hefur kosið að segja sig frá
ákvarðanatöku um skipan skóla-
meistara ef Ágústa Elín Ingþórs-
dóttir, fyrrverandi skólameistari
Fjölbrautaskóla Vesturlands, er á
meðal umsækjenda. Fellur það Sig-
urði Inga Jóhannssyni, flokksbróður
Lilju, í skaut.
Forsaga málsins er sú að Lilja
ákvað að auglýsa starf skólameistara
við Fjölbrautaskóla Vesturlands eft-
ir að skipunartími Ágústu rann út á
síðasta ári. Ágústa taldi ákvörðunina
um auglýsingu á starfi sínu ólöglega
og kærði hana.
Var mennta- og menningarmála-
ráðherra sýknaður af kröfu Ágústu í
tvígang, í héraði og í Landsrétti.
Snerust deilur um lögmæti uppsagn-
arinnar um hvort Ágústu hefði verið
tilkynnt með fullnægjandi hætti og
innan tilskilins tímaramma að til
stæði að auglýsa starfið.
Tilkynnti Lilja Ágústu ákvörð-
unina símleiðis 30. júní það ár og
hafði bílstjóri ráðherra þá sömuleiðis
komið boðsendu bréfi þess efnis inn
um bréfalúgu á heimili Ágústu.
Þar sem Ágústa hefur lögsótt ráð-
herra á tveimur dómstigum mun
Lilja telja að ekki sé rétt að taka þátt
í ráðningarferli þar sem Ágústa er
annars vegar. Mun þetta ekki vera í
fyrsta skipti sem hún segir sig frá
skipun skólameistara þar sem
Ágústa er á meðal umsækjenda.
Víkur við skipun
nýs skólastjóra
- Ráðherra tvisvar verið sýknaður
Lilja Dögg
Alfreðsdóttir
Ágústa Elín
Ingþórsdóttir