Fréttablaðið - 14.01.2022, Blaðsíða 28

Birkir Blær Óðinsson er 21 árs
gamall Akureyringur sem fór
með sigur af hólmi í sænska
Idolinu á TV4-sjónvarps-
stöðinni í desember. Sigurinn
hefur opnað á ýmis tækifæri
fyrir þennan fjölhæfa tónlist-
armann sem hljóðritar plötu
undir samningi Universal á
næstu vikum.
ninarichter@frettabladid.is
Ariana Grande, Billie Eilish, The
Weeknd. Þetta eru meðal stærstu
nafna í popptónlistarheiminum
og eru þau öll á mála hjá Universal-
útgáfufyrirtækinu. Núna er Birkir
Blær Óðinsson, rúmlega tvítugur
söngvari og lagahöfundur frá Akur-
eyri, með samning hjá sama fyrir-
tæki, eftir sigur í sænska Idolinu.
Feimni og kurteisi á Akureyri
„Ég er ekki enn þá kominn með
þetta allt á hreint,“ svarar Birkir
Blær, jarðbundinn og hógvær að
vanda, þegar blaðamaður innir
hann eftir verðlaunum. „Maður
vinnur ekki einhverja verðlauna-
upphæð heldur er þetta svolítið
f lókið. Universal gat garanterað
ákveðnar tekjur undir tímabilinu
sem ég myndi vera á samningi hjá
þeim.“
Samningstímabilið er fyrst um
sinn níu mánuðir og felur í sér upp-
töku og dreifingu á nýju efni.
Birkir Blær, sem búsettur er í
Svíþjóð, var um jól og áramót á
Íslandi. Hann segist hafa verið
ánægður með að fá að verja tíma
með fjölskyldunni og hvíldinni
feginn þegar hann kom til Akur-
eyrar, þar sem enginn truf lar
hann á meðan hann er úti að sinna
erindum. „Akureyringar eru svona
feimnir, hálfpartinn. Fólk var ekk-
ert að truf la mann of mikið.“ Þó
hafi fólk vissulega óskað honum til
hamingju. „Þetta var kurteislegt allt
saman. Það var ekki verið að stoppa
mann þegar maður er að borða.“
Lögin sem hann vildi hafa samið
Nú er Birkir Blær þó kominn aftur
til Svíþjóðar eftir verðskuldað jóla-
frí. „Nú er ég búinn að vera að spila
gigg, í einhverju sjónvarpsdóti og
svoleiðis. Svo er ég að fara að byrja
í stúdíóinu að búa til nýja tónlist.“
Svíar eru frægir fyrir popptón-
list, og stórt hlutfall af vinsælasta
bandaríska poppi heims er til að
mynda samið af sænskum pródú-
serum. Það má jafnvel segja að
Svíar séu eins konar ókrýndir
heimsmeistarar í poppi. Því kunna
fulltrúar Universal í Svíþjóð vel til
verka og eru þessa dagana að raða
saman svokölluðu draumateymi
fyrir Birki Blæ, teymi sem á að gera
honum kleift að semja þá tónlist
sem hann sér fyrir sér. „Ég er að skila
af mér lista af lögum sem ég vildi að
ég hefði samið sjálfur. Þau eru þann-
ig að leita að rétta fólkinu fyrir mig
til að vinna með. Ég er að ákveða
hvað ég vil gera, en ég hlusta á svo
mismunandi tónlist. Ég er að skoða
hvaða stefnu ég vil taka.“
Vill myrkt popp
Aðspurður hvaða stílar komi til
greina, segist Birkir Blær vera að
horfa til dekkri blæbrigða poppsins.
„Ég er mikið fyrir Billie Eilish, til
dæmis,“ svarar hann. „En ég vil líka
að það sé mikill söngur. Mér fyndist
mjög næs að geta samið lög sem eru
svolítið krefjandi, sönglega séð. Eins
og Adele. Þannig að ég er að reyna að
blanda þessu saman.“
En hvaða sænska fagfólki vill
Birkir Blær helst af öllu fá að vinna
með?
„Ef ég mætti velja hvern sem er
væri það Max Martin,“ svarar hann.
„Ég held samt að hann sé á aðeins of
háu leveli,“ segir hann og hlær við.
Risi í poppheiminum í salnum
Þó er það ekki endilega of langsótt
þar sem sænski lagahöfundurinn
og pródúserinn Max Martin var
í salnum á úrslitakvöldi Idolsins
og horfði á Birki Blæ landa sigr-
inum í eigin persónu. Max Martin
er maðurinn á bak við marga af
stærstu smellum poppheimsins
síðustu áratugi. Má þar nefna risa-
smelli með Taylor Swift, Ariönu
Grande, The Weeknd, Katy Perry,
Ed Sheeran, Backstreet Boys og
Britney Spears. Svona mætti lengi
telja.
Eitt er þó víst og það er að afurð-
in úr stúdíótímum Birkis Blæs
næstu vikur verður algjörlega nýtt
efni. „Það er rosalega mikilvægt
fyrir mig að geta meint það sem
ég er að syngja. Þannig vil ég gera
það, að semja texta sjálfur og vera
eins mikill þátttakandi og ég get í
að semja og pródúsera. En auðvitað
með hjálp, svo að hvert lag taki
ekki marga mánuði,“ segir hann og
skellihlær. „En ég vil ekki fá tilbúið
lag og syngja það bara og gefa það
út. Ég vil semja lögin mín sjálfur.“ n
Setur saman draumateymi
sænskra pródúsera
toti@frettabladid.is
Leikarinn Ævar Þór Benediktsson,
sem er hvað þekktastur fyrir að
leika nafna sinn, vísindamanninn,
lét hressilega að sér kveða í fjórða
þætti sakamálaseríunnar Svörtu
sandar á Stöð 2 þar sem hann leikur
rannsóknarlögreglumanninn Gústa
sem lét ekki síður að sér kveða í kyn-
lífssenum en morðrannsókninni
sem þættirnir hverfast um.
Viðbrögðin við þessari nýju hlið
á leikaranum létu ekki á sér standa
á samfélagsmiðlum þar sem ein-
hverjum fannst þau þarna hafa séð
fullmikið af Ævari vísindamanni og
að sá yrði vart samur í þeirra huga.
Sjálfur segist Ævar þó ekki hafa
nokkrar áhyggjur af því að innkoma
hans í Svörtu söndum muni sverta
æru vísindamannsins. „Af því að
þetta er ekkert Ævar vísindamaður.
Það er nefnilega munurinn. Þú getur
borið saman myndir af þessum
tveimur persónum og farið í leikinn
finndu fimm villur og fundið fleiri
vegna þess að þetta er bara alveg sitt
hvor týpan,“ segir Ævar og bendir á
hið augljósa. Að þarna sé ekki sena
úr Ævari vísindamanni heldur úr
Svörtum söndum. „Sem er bannað
innan sextán og sýnt á kvöldin. Í því
liggur munurinn.
Hins vegar skil ég alveg viðbrögð-
in og finnst þau bara afar skemmti-
leg og segi bíðiði bara!“ segir Ævar
og hlær áður en hann bendir á að
vissulega sé ekki hægt að horfa fram
hjá því að hann hafi verið Ævar vís-
indamaður í mörg ár.
„Þannig að ég skil þetta alveg,
að ég tali nú ekki um þegar per-
sónan sem maður er kannski
þekktastur fyrir heitir í höf-
uðið á manni sjálfum. Þegar
maður er ekki frumlegri en
það,“ segir hann hlæjandi.
„Þá getur stundum verið dálítið
erfitt að skilja á milli en það er þá
bara skemmtileg áskorun fyrir mig
sem leikara og listamann að koma
með nýjar persónur sem vonandi
eru nógu ólíkar til þess að einhver
munur sé á.“
Ævar segist hafa skemmt sér
afskaplega vel við gerð Svörtu
sanda, enda „brjálæðislega gaman
að fá að gera eitthvað svona allt
annað og fá tækifæri til að búa til
persónu sem er ólík öllu öðru sem
ég hef gert hingað til og ég held það
sé líka gaman fyrir áhorfendur að fá
einhverja svona allt öðruvísi hlið.“ n
Ævar vísindamaður er ekki lausgyrt lögga
Finndu fimm villur. Eða fleiri. Ævar Þór eða Gústi eða Ævar vísindamaður?
MYNDIR/AÐSENDAR
toti@frettabladid.is
Norrænar sjónvarpsstöðvar frum-
sýndu sænsku sjónvarpsþáttaröð-
ina En kunglig affär – berättelsen
om Kurt Haijby um jólin við góðar
viðtökur þar sem íslenski leikarinn
Sverrir Guðnason hefur ekki síst
verið ausinn lofi fyrir frammistöðu
sína í öðru aðalhlutverkinu sem
veitingahúsaeigandinn Kurt Haijby
sem átti í leynilegu ástarsambandi
við Gústaf V. Svíakon-
ung.
L e i k h ú s s -
r ý n i r i n n
eina rði Jón
Viða r Jóns-
son er einn
þeirra sem bíða
spenntir eftir
að sjá þættina í
íslensku sjónvarpi og eftir að hafa
beint fyrirspurn á Facebook til
Skarphéðins Guðmundssonar, dag-
skrárstjóra RÚV, komst hann að því
að biðin verður ekki mikið lengri.
„Við höfum fengið nokkuð af fyr-
irspurnum umfram skiljanlegt og
kærkomið ákall Jóns Viðars,“ segir
Skarphéðinn í samtali við Frétta-
blaðið. „Þáttaröðin verður aðgengi-
leg í heilu lagi í spilara RÚV á næstu
dögum eða vikum. Eða um leið og
þýðingin er klár,“
heldur Skar p-
héðinn áfram
og bendir á að
þættirnir fari
inn í spilarann
í heilu lagi eins
og aðrar nor-
ræna r þát t a-
raðir sem RÚV
er meðframleiðandi að.
Þetta mun gefa þeim áköfustu
tækifæri til að taka forskot á sæluna
og horfa á þættina fjóra í beit áður
en þeir verða frumsýndir í línu-
legri dagskrá RÚV sunnudaginn
20. febrúar.
Ástmögur konungs
Jón Viðar lét nokkur vel valin orð
falla á Facebook þegar hann upp-
lýsti að óðum styttist í að Íslending-
ar fengju almennilegan aðgang að
þáttaröðinni sem hefði hlotið mjög
góðar viðtökur og þá þætti ekki
síst „landi vor“, Sverrir Guðnason,
„standa sig afburða-
vel. Þetta er eitt
af því sem fer
á minn lista
y f i r n æ s t u
tilhlökkunar-
efni.“
En k u ng lig
a f f ä r byg g ja
á s ö n n u m
atburðum frá
1932 þegar forboðin og eldheit ást
kviknaði milli Gústafs V. og fyrr-
verandi svikahrappsins og veit-
ingahúsaeigandans Kurts Haijby.
Ráðgjafar konungs svífast einskis
til þess að binda enda á sambandið
og Kurt mætir ofuref li sem vílar
ekki fyrir sér að rústa hjónabandi
hans, koma honum á hæli og senda
til Þýskalands nasismans.
Staffan Göthe leikur konunginn
og gamall Íslandskunningi, Reine
Brynolfsson, úr Í skugga hrafnsins
1988, kemur einnig í við sögu. n
Kóngaást Sverris
kviknar fljótlega
Sverrir Guðnason
Jón Viðar Jónsson
Skarphéðinn
Guðmundsson
Staffan Göthe og Sverrir Guðnason í
hlutverki forboðnu elskendanna.
Nú er ég búinn að vera
að spila gigg, í ein-
hverju sjónvarpsdóti
og svoleiðis. Svo er ég
að fara að byrja í stúd-
íóinu að búa til nýja
tónlist
Að sögn Birkis Blæs eru Akureyringar kurteisir. MYND/EYÞÓR INGI JÓNSSON
20 Lífið 14. janúar 2022 FÖSTUDAGURFRÉTTABLAÐIÐLÍFIÐ FRÉTTABLAÐIÐ 14. janúar 2022 FÖSTUDAGUR