Strandapósturinn - 01.06.2018, Qupperneq 133

131
skipti í nokkur ár. Síðan var farið að heyja fyrir beitarhúsin á
Trogaströnd og seinna í Sandvík. Þar var sami háttur hafður á og
oftast þurfti að nota hesta við búreksturinn á Kambi. Þeim var
sleppt lausum á hverju kvöldi eftir erfiði dagsins. Að morgni varð
að leita þeirra og koma þeim heim í hlað. Að sækja hestana gat
stundum útheimt mikið pjakk. Þeir áttu það til að fela sig, að
manni fannst. Stundum gekk ég inn í Veiðileysu að morgni til að
vita hvort sést hefði til þeirra, oftast án árangurs. Ég fann þá í
bakaleiðinni í laut sem ég hafði gengið fram hjá. Oft fékk maður
skammir fyrir að koma svo seint með hestana. Þá var dagurinn
eftir. Þannig gekk þetta nú.
Heyskap lauk oftast í ágústlok en stundum var komið fram í
september ef vel viðraði.
Haustið
Fyrir réttir og sláturtíð þurfti að koma mónum heim en það var
mikið verk og frekar leiðinlegt. Mórinn var settur í stóra poka og
fluttur á hestum en á báti ef gaf. Oftast var þetta flutt á hestum og
varð þá að fara með, fótgangandi klukkutíma lestarferð frá món-
Mjölkistill Kristínar frá Kambi.