Strandapósturinn - 01.06.2018, Blaðsíða 183

181
vinnukona á prestsetrinu í Árnesi hjá séra Eyjólfi Jónssyni en
Finnbogi var áfram hjá Ólafi og Soffíu í Norðurfirði.
Jónína var fermd 1896. Þá skráir klerkur í kirkjubókina
umsögn um hana: les dável, kann dável, skrifar vel+, reiknar
vel?, hegðun ágæt. Þar er og þess getið að hún hafi verið bólusett
við kúabólu 1. apríl 1894. Finnbogi var fermdur 1903. Um hann
segir prestur: les vel-, kann vel+, skrifar laklega, reikna óhæfur,
hegðun ágæt. Kúabólusettur 4. júlí 1898.
Þau systkinin voru svo vinnuhjú hjá Ólafi og Soffíu frá fardög-
um 1906 til 1915. Jónína hverfur á braut árið 1915 en Finnbogi
var áfram vinnumaður hjá Ólafi og Soffíu til ársins 1923. Það ár
deyr Ólafur Ólafsson og Finnbogi varð ráðsmaður hjá Soffíu.
Jónína lærði klæðskerasaum á Ísafirði þrjá vetur hjá Þorsteini
Guðmundssyni klæðskera. Fyrri tveir veturnir 1909-11 og sá
þriðji var 1913-14. Síðasta veturinn var hún í húsi sem nú er
Brunngata 10. Eitt sumarið var Jónína vinnukona hjá Guðrúnu
systur sinni á Atlastöðum. Jónína fór austur í Húnavatnssýslur
og var skráð innkomin í Auðkúlusókn árið 1915 frá Norðurfirði.
Hún var lausakona á Eiðsstöðum í Blöndudal 1915 til 1918 en
þá flyst hún út á Blönduós og var þar eitt ár (1918-19). Um
þær mundir kynntist hún Gísla Þorleifssyni28 manni sínum. Þau
voru þá búsett í Þorleifshúsi. Þau fluttu í fardögum 1919 frá
Blönduósi og fram að Þröm í Blöndudal og bjuggu þar eitt ár
(1919-1920). Þau voru gefin saman í hjónaband hjá sýslumanni
12. nóvember 1919 en gjörningurinn var færður inn í kirkjubók
Auðkúlusóknar og þar segir að skýrsla sýslumanns hafi borist 20.
janúar 1920. Gísli er þar sagður húsmaður á Þröm og Jónína hús-
kona á sama stað. Svaramenn voru Bjarni Bjarnason og Þorleifur
Kristmundsson báðir á Blönduósi. Steinvör Ingibjörg einkabarn
þeirra hjóna fæddist á Blönduósi 14. júlí 1920 og var skírð þar
12. september. Hún var fædd í Þorleifshúsi. Þá voru foreldrarnir
sagðir hjú á Blönduósi. Skírnarvottar voru Anna Þorsteinsdóttir
yfirsetukona, Jón Kristófersson og Þorleifur Kristmundsson – öll
búsett á Blönduósi. Þau Gísli og Jónína voru á Höllustöðum
að því er virðist 1920 til 1921. Fardagaárið 1921-22 var Gísli
þurrabúðarmaður á Höllustöðum í Blöndudal en Jónína var
28 Gísli fæddist á Syðri-Þverá í Vestur-Húnavatnssýslu 14. nóvember 1894 en dó á
Ísafirði 4. júlí 1968.