Morgunblaðið - 24.09.2021, Blaðsíða 40

H
elga Vilmundardóttir er annar eigandi Stáss arki-
tekta. Hún er með meistaragráðu frá Den Konelige
Kunstakademiets Arkitektskole í Kaupmannahöfn.
Hún er stjórnarmaður í stjórn arkitektafélagsins og
lýsir starfinu sínu sem fjölbreyttu og skemmtilegu.
„Maður fær oftar en ekki að starfa í skapandi umhverfi en fær
jafnframt að vera í góðu samtali við alla þá sem koma nálægt
verkefnunum sem er ánægjulegt og gefur verkefnum meiri dýpt
þegar gott samtal er á milli aðila.“
Helga býr í húsi sem er byggt árið 1960.
„Við keyptum húsið árið 2015 og höfum verið að taka það hægt
og rólega í gegn. Næst á dagskrá hjá okkur heima er að taka bað-
herbergið okkar í gegn.
Við erum búin að vera í framkvæmdapásu í nokkra mánuði en
núna er ég orðin mjög spennt að tækla næsta verkefni.“
Ánægð með allt sem hún hefur gert heima
Áttu þér upphálds uppgert svæði í húsinu?
„Það er erfitt að velja en ég er mjög ánægð með flestallt sem
við höfum gert. Eldhúsið og stofan eru kannski mín uppáhalds-
svæði en líka hjónaherbergið okkar. Þar var áður þvottahús og
geymslur en við breyttum því í rúmgott herbergi með „en suite“-
baðherbergi og fataherbergi.“
Hvað heldur þú upp á sem er upprunalegt í húsinu?
„Ég er búin að halda í loftpanil í stofunni. Mér finnst hann gefa
alrýminu skemmtilegan karakter.“
Er ekki mikil kúnst að halda í það sem er gamalt, setja inn sinn
eigin stíl og að uppfæra og endurgera hús sem eru gömul?
„Hönnun og
arkitektúr
tvinnast saman“
Helga Vilmundardóttir arkitekt á fallegt hús sem var byggt árið
1960. Fjölskyldan eignaðist húsið árið 2015 og hefur verið að gera
það upp hægt og rólega á undanförnum árum.
Elínrós Líndal | elinros@mbl.is
Morgunblaðið/Unnur Karen
Fjölskyldan keypti húsið árið 2015 og
hefur verið að gera það upp hægt og
rólega á undanförnum árum.
Helga er með meistaragráðu frá Kon-
unglega list- og arkitektaskólanum í
Kaupmannahöfn (d. Den Kongelige
Kunstakademiets Arkitektskole).
Fyrri eigendur hússins gáfu fjölskyldunni
þennan sófa. Hann var búinn til fyrir rýmið á
sjöunda áratugnum og er upprunalegur og
gerður af portúgölskum húsgagnasmiði.
Þegar þurfti að endurnýja svampana í honum
var settur á hann þessi hressandi litur. Á
veggnum eru ljós frá Louis Poulsen sem
passa vel við bronskúlurnar frá Tom Dixon.
40 MORGUNBLAÐIÐ FÖSTUDAGUR 24. SEPTEMBER 2021