Morgunblaðið - 24.09.2021, Side 4

4 MORGUNBLAÐIÐ FÖSTUDAGUR 24. SEPTEMBER 2021
Á
stralski arkitektinn Lisa Breeze fékk það verkefni
að endurhanna hús sem byggt var í kringum 1940.
Hún ákvað að halda í gamla stílinn en útfæra hann á
nútímalegan hátt.
Eitt skemmtilegasta rýmið í húsinu er eldhúsið en
það skartar myntugrænni innréttingu þar sem bogadregnar
línur fá að njóta sín. Eldhúsinnréttingin minnir á árin í kringum
1940 en þó með nútímalegu yfirbragði. Á innréttingunni eru all-
ar höldur miðjustilltar og því ekkert höldufyllerí í gangi.
Til þess að fegra eldhúsið enn þá meira er marmaraborðplata
og marmari upp á vegg.
Breeze sótti innblásturinn í innréttingahönnunina í upp-
runalegu innréttinguna sem var í eldhúsinu áður. Á gólfinu eru
Terrazzo-flísar sem tóna vel við myntugræna litinn og marm-
arann. Í eldhúsinu er heildarmyndin falleg og hressandi til-
breyting frá svörtum og hvítum kassalega eldhúsum.
Síðastliðinn áratug hafa kassalaga naum-
hyggjuleg eldhús verið vinsæl. Það á ekki bara
við um Ísland heldur heiminn í heild sinni. Þegar
við sjáum mikið það sama þá er alltaf hressandi
að uppgötva nýja arkitekta sem hugsa öðruvísi.
MartaMaría | mm@mbl.is
Myntugræni liturinn
fer vel við marmarann
á borðplötunni og á
veggjunum.
Í eldhúsinu er gott skápapláss á þessum skápavegg.
SMEG-ísskápurinn passar vel við þemað í eldhúsinu.
Myntugræn eldhúsparadís
Takið eftir bogalínunni á
marmaranum á veggnum.
Bogadregnar línur
fá að njóta sín.