Morgunblaðið - 15.01.2022, Page 16

ÚR BÆJARLÍFINU
Sigurður Ægisson
Siglufirði
Alls bárust 30.042 tonn af sjávar-
fangi á land í Siglufirði á síðasta ári.
Þorskur var í stórum meirihluta, eða
20.639 tonn, og því næst komu ýsa,
2.198 tonn, ufsi, 1.834 tonn, karfi/
gullkarfi, 978 tonn, grálúða, 779 tonn,
og grásleppa, 311 tonn. Af öðrum
tegundum – blálöngu, djúpkarfa,
grásleppu, gulllaxi/stóra gulllaxi,
hvítaskötu, keilu, löngu, lúðu, skar-
kola, skjóttu skötu, skrápflúru,
skötu, sólkola/þykkvalúru, steinbít
og tindaskötu – var töluvert minna.
Af rækju bárust í land 2.629 tonn.
- - -
Í árlegri vetrarfuglatalningu
Náttúrufræðistofnunar Íslands, 9.
janúar, sáust hér 22 tegundir fugla.
Þetta voru álka, bjartmáfur, díla-
skarfur, fálki, fýll, gráþröstur, há-
vella, hrafn, húsdúfa, hvítmáfur,
sendlingur, silfurmáfur, skógar-
þröstur, snjótittlingur, stari, stokk-
önd, straumönd, svartbakur, svart-
þröstur, teista, toppönd og æðarfugl.
Talið var frá Máná á Dölum, vestan
Strákaganga, að Ráeyri í Siglufirði.
Alls voru þetta 1.320 fuglar. Auk
þess sáust fjórir landselir.
- - -
Fjallabyggð auglýsti fyrir
skemmstu eftir áhugasömum aðilum
til að þróa hugmyndir um nýtingu
flugvallarsvæðisins á Siglufirði með
það að leiðarljósi að þar geti orðið til
öflug atvinnustarfsemi til framtíðar.
Til flugvallarsvæðis telst flugbraut,
flughlað og mannvirki ásamt land-
svæði við flugvöllinn. Frestur til þess
að skila inn umbeðnum gögnum er til
og með 24. janúar næstkomandi.
- - -
Heimsfaraldur kórónuveiru
hafði mikil áhrif á rekstur og starf-
semi Síldarminjasafns Íslands árið
2021, líkt og árið á undan; árið 2020
fækkaði safngestum t.d. um rúmlega
helming. „Líðandi ár hófst með
áframhaldandi samkomutakmörk-
unum og bjuggum við okkur undir
óbreytt ástand,“ segir á heimasíðu
safnsins. „Sumarið fór hægt af stað –
en gestum fór svo verulega fjölgandi
eftir því sem á leið. Í fyrsta sinn urðu
gestir í ágústmánuði fleiri en í júlí,
sem alla jafna er stærsti mánuður
ársins. September og október komu
okkur svo algerlega í opna skjöldu og
færðu okkur á fjórða þúsund gesti!
Gestir ársins voru rétt rúmlega
20.000 talsins – sem gerir 73% aukn-
ingu milli ára! Síldarsaltanir á plan-
inu við Róaldsbrakka voru 27 og
skipulagðar leiðsagnir um safnið 359
og hafa aldrei verið fleiri. Til viðbótar
við gestamóttöku sinnti starfsfólk
safnsins skráningu og faglegum
störfum af kappi auk þess sem fram-
kvæmdum í Salthúsinu hefur miðað
vel áfram á haust- og vetrarmán-
uðum.“
- - -
Aðalheiður S. Eysteinsdóttir
myndlistarmaður er bæjarlistamað-
ur Fjallabyggðar 2022. Aðalheiður
hefur sett upp rúmlega 200 einka-
sýningar í 14 löndum og verk eftir
hana má finna í einkasöfnum víða um
heim.
- - -
Norðurljósin á laugardags-
kvöldinu fyrir viku, sem m.a. lituðu
himininn yfir Fjallabyggð, sáust alla
leið til Skotlands. Það er fátítt.
- - -
Veturinn hefur verið tiltölulega
mildur það sem af er, en fullnóg af
myrkrinu. Nú er enda löngunar-
augum horft til sólardagsins, sem er
á næsta leiti. Sólin hvarf á bak við
fjöllin í suðri 15. nóvember á síðasta
ári, en fer á ný að varpa geislum sín-
um yfir Ráðhústorgið á Siglufirði 28.
þessa mánaðar. Þá verður henni að
venju fagnað með pönnukökum og
söng og kannski einhverju fleiru.
- - -
Siglufjarðarkirkja verður 90
ára í ágúst. Hinn 16. maí 1931 var
byrjað að grafa fyrir húsinu og 29.
júlí var steypuvinnu lokið á veggjum
og lofti og ráðist í að steypa turninn.
Hinn 15. ágúst 1931 var hornsteinn-
inn lagður með viðhöfn en þá var
kirkjan nær fokheld. Veturinn 1931-
1932 var hún fullsmíðuð og í lok júlí
1932 var altarið komið á sinn stað og
eins prédikunarstóll, skírnarfontur
(gerður af Ríkarði Jónssyni mynd-
skera) og bekkir. Þegar svo Jón
Helgason biskup vígði musterið, 28.
ágúst 1932, voru liðnir rúmir 15 mán-
uðir frá því byggingarframkvæmdir
hófust. Var þarna risin stærsta
kirkja á Íslandi í þá daga, að Krists-
kirkju í Landakoti undanskilinni,
sem hafði verið reist árið 1929. Siglu-
fjarðarkirkja er um 35 metra löng og
12 metra breið. Turninn er um 30
metra hár. Hún tekur 300-400 manns
í sæti. Hátíðarguðsþjónustu verður
útvarpað á afmælinu, með þátttöku
biskups Íslands, vígslubiskupsins á
Hólum og prófasts, auk þeirra fleiri.
- - -
Daginn eftir, 29. ágúst, verða
125 ár liðin frá fæðingu Dýrfirðings-
ins Guðmundar Ágústs Gíslasonar,
sem er landsmönnum betur þekktur
sem Gústi guðsmaður. Stefnt er að
málþingi hér í bæ vegna þeirra tíma-
móta.
Morgunblaðið/Sigurður Ægisson
Siglufjörður Styttan af Gústa guðsmanni er kennileiti í miðbænum, en í ár verða 125 ár liðin frá fæðingu Gústa, eða Guðmundar Ágústs Gíslasonar.
Horft löngunaraugum til sólardagsins
16 FRÉTTIR
Innlent
MORGUNBLAÐIÐ LAUGARDAGUR 15. JANÚAR 2022
Útsölustaðir: Apótek, heilsuverslanir og heilsuhillur stórmarkaðanna.
Vítamín í munnúðaformi skila hámarksupptöku í
gegnum slímhúð í munni sem gerir þau afar hentug í notkun.
BIRTU TIL Í SKAMMDEGINU
MEÐD-VÍTAMÍN
MUNNÚÐUNUM
Draumasetrið, áfangaheimili fyrir
fólk sem er að koma úr áfengis- og
fíkniefnameðferð, hefur fengið styrk
upp á 500 þúsund krónur úr Minn-
ingarsjóði Gunnars Thoroddsen.
Draumasetrið er við Héðinsgötu í
Reykjavík og var því komið á fót af
hjónunum Elínu Örnu Arnardóttur
og Ólafi Hauki Ólafssyni árið 2013.
Ekkert starfsfólk er á heimilinu fyr-
ir utan þau hjón. Heimilið var stofn-
að til þess að aðstoða fólk sem er að
koma úr meðferð og veita því stuðn-
ing og aðhald til að komast aftur út í
lífið, segir í fréttatilkynningu.
Minningarsjóður Gunnars Thor-
oddsen var stofnaður af hjónunum
Bentu og Valgarð Briem 29. desem-
ber 1985 þegar liðin voru 75 ár frá
fæðingu Gunnars. Tilgangur sjóðs-
ins er að veita styrk til einstaklinga
eða hópa, stofnana eða félaga, á sviði
mannúðarmála, heilbrigðismála eða
menningarmála.
Gunnar Thoroddsen var borgar-
stjóri í Reykjavík árin 1947-1959.
Eftir það var hann þingmaður, fjár-
málaráðherra, sendiherra, hæsta-
réttardómari, prófessor við Háskóla
Íslands, iðnaðar- og félagsmálaráð-
herra og loks forsætisráðherra til
ársins 1983.
Úthlutun Borgarstjóri afhendir þeim Elínu Örnu Arnardóttur og Ólafi
Hauki Ólafssyni, forstöðumönnum Draumasetursins, styrkinn.
Draumasetrið styrkt
- Úthlutað úr Minningarsjóði Gunnars
Thoroddsen - 500 þúsund krónur