Morgunblaðið - 04.02.2022, Side 11

FRÉTTIR 11Innlent
MORGUNBLAÐIÐ FÖSTUDAGUR 4. FEBRÚAR 2022
larehf.is| 0 re olareh
NÝJUM
ÞJÓNUSTU-
AÐILUM
fylgja ferskir vindar og
ný vinnubrögð
Faglegar heildarlausnir og
samkeppnishæf verð.
Allt á einum stað.
Bæjarráð Sveitarfélagsins Voga tel-
ur að flutningsmenn frumvarps til
laga um framkvæmdaleyfi fyrir
lagningu Suðurnesjalínu 2 vegi að
þeirri vald- og ábyrgðarskiptingu
sem gildir á milli ríkis og sveitar-
félaga í skipulagsmálum og stríði
með því gegn vilja löggjafans sem
fram kom við setningu skipulags-
laga árið 2010. Þá vegi frumvarpið
að sjálfsákvörðunarrétti sveitar-
félaganna í landinu.
Frumvarp Ásmundar Friðriks-
sonar og níu annarra þingmanna um
að Landsnet hafi framkvæmdaleyfi
fyrir lagningu Suðurnesjalínu 2,
burtséð frá afstöðu einstakra
sveitarfélaga til framkvæmdarinn-
ar, er til umfjöllunar í umhverfis- og
samgöngunefnd þingsins.
Hafnarfjörður, Grindavík og
Reykjanesbær veittu á sínum tíma
Landsneti framkvæmdaleyfi fyrir
nýrri háspennulínu á milli höfuð-
borgarsvæðisins og Reykjanesbæjar
en Sveitarfélagið Vogar hafnaði á
þeim forsendum að hún vildi fá lín-
una í jarðstreng. Úrskurðarnefnd
umhverfis- og auðlindamála felldi úr
gildi ákvarðanir Voga og Hafnar-
fjarðar og sótti Landsnet um leyfi að
nýju.
Bæjarráð Voga upplýsir í umsögn
sinni að umsókn Landsnets sé nú til
umfjöllunar að nýju hjá sveitar-
stjórn. „Bæjarráð ítrekar mikilvægi
þess að sveitarstjórn fái ráðrúm til
að fjalla efnislega um málið og kom-
ist að niðurstöðu,“ segir þar.
helgi@mbl.is
Tölvuteikning/Landsnet
Háspenna Áform eru uppi um að Suðurnesjalína 2 verði loftlína sem á að
liggja að mestu samsíða eldri línu, á stórum köflum nálægt Reykjanesbraut.
Vegur að sjálfs-
ákvörðunarrétti
- Bæjarráð Voga mótmælir frumvarpi
Rauði krossinn styður eindregið
þingmannafrumvarp á Alþingi sem
felur í sér að bann við vörslu neyslu-
skammta vímuefna verði afnumið.
Talað er um „afglæpavæðingu“ í því
sambandi. Frumvarpið hefur komið
fram á síðustu tveimur þingum en
ekki hlotið afgreiðslu. Meðal þeirra
sem lýst hafa andstöðu við frumvarp-
ið við fyrri umfjöllun eru lögreglan og
Læknafélag Íslands.
Í umsögn Rauða krossins segir að
hann styðji þá stefnu að meðhöndla
eigi vanda vímuefnanotenda í ís-
lensku samfélagi í heilbrigðiskerfinu
fremur en dómskerfinu. Góð reynsla
sé af skaðaminnkunarverkefninu
Frú Ragnheiði í Reykjavík, Akureyri
og á Suðurnesjum. Með því að gera
kaup og sölu neysluskammta vímu-
efna refsilausa taki íslenska ríkið
„skref í átt að gagnreyndri og mann-
úðlegri nálgun við vímuefnanotkun
og vímuefnavanda með skaðaminnk-
andi hugmyndafræði að leiðarljósi“.
Verði frumvarpið að lögum muni
aðgengi jaðarsettra einstaklinga,
sérstaklega þeirra sem glíma við erf-
iðan vímuefnavanda, að heilbrigðis-
þjónustu, félagslegri þjónustu og við-
bragðsþjónustu aukast til muna.
Mikilvægt sé að notendur vímuefna
hafi greiðan aðgang að heilbrigðis- og
velferðarþjónustu, án fordóma og
jaðarsetningar.
Í umsögninni er þáttur lögreglu
gagnrýndur með þeim orðum að
dæmi séu um að einstaklingar sem
glími við vímuefnavanda veigri sér
við að hringja eftir bráðaaðstoð eða
leita sér aðstoðar af ótta við að lög-
regla geri neysluskammta þeirra
upptæka og/eða að vera handtekin
vegna annars ólögmæts athæfis. Geti
það jafnvel átt við í bráðatilfelllum
eins og við ofskömmtun á vímuefn-
um, heimilisofbeldi eða annars konar
ofbeldi. Segir Rauði krossinn að bæði
notendur vímuefna og það starfsfólk
heilbrigðis- og velferðarþjónustunn-
ar sem starfar með þeim þurfi að
geta rætt opinskátt um mál sín án
þess að eiga á hættu að nauðsynleg
velferðarmál geti jafnframt talist
refsivert athæfi, þ.e.a.s. mál tengd
neyslu vímuefna og vitneskja um
neysluskammta. Það að tryggja að
ekki verði hægt að fjarlægja neyslu-
skammta af fólki sé mikilvægt örygg-
ismál fyrir jaðarsetta einstaklinga og
auðveldi einnig starfsfólki á vett-
vangi að þjónusta og styðja við ein-
staklinga sem glíma við vímuefna-
vanda út frá þeirra þörfum.
Veigra sér við að leita
aðstoðar vegna ótta
- Rauði krossinn vill afglæpavæða neysluskammta vímuefna
„Afglæpavæðing“
» Frumvarp um að gera vörslu
neysluskammta vímuefna
refsilausa í þriðja sinn til um-
fjöllunar á Alþingi
» Rauði krossinn vill með-
höndla vímuefnavanda fólks í
heilbrigðiskerfinu fremur en
dómskerfinu
Morgunblaðið/Ófeigur
Vímuefni Rauði krossinn segir góða reynslu af verkefninu Frú Ragnheiði.