Morgunblaðið - 04.02.2022, Side 12

12 FRÉTTIR
Viðskipti | Atvinnulíf
MORGUNBLAÐIÐ FÖSTUDAGUR 4. FEBRÚAR 2022
15
Ræktum og verndum geðheilsu okkar
Nýir skammtar daglega á gvitamin.is
Hrósaðu fólki
4. febrúar 2022
Gengi Kaup Sala Mið
Dollari 126.47
Sterlingspund 171.71
Kanadadalur 99.93
Dönsk króna 19.252
Norsk króna 14.431
Sænsk króna 13.789
Svissn. franki 137.71
Japanskt jen 1.1069
SDR 177.2
Evra 143.2
Meðalgengi/Viðskiptavog þröng 178.4129
Stefán E. Stefánsson
ses@mbl.is
Icelandair Group tapaði fimm millj-
örðum á síðasta fjórðungi ársins
2021. Á þeim tíma flutti fyrirtækið
545 þúsund farþega, samanborið við
52 þúsund farþega á fjórða ársfjórð-
ungi 2020.
Tapið á fjórðungnum kom til við-
bótar uppsöfnuðu tapi upp á átta
milljarða á fyrstu þremur fjórðung-
um ársins og því nam heildartap árs-
ins 13 milljörðum króna.
Tekjur félagsins á síðasta fjórð-
ungi ársins námu 24,5 milljörðum
króna og reyndust þrefalt hærri en á
fjórða ársfjórðungi 2020. Heildar-
tekjur ársins 2021 námu tæpum 75
milljörðum króna og jukust um 35%
milli ára.
Eigið fé Icelandair nam 28,2 millj-
örðum í lok síðasta árs og hafði rýrn-
að um 1,3 milljarða milli ára. Eig-
infjárhlutfallið stóð í 19% á sama
tíma. Lausafjárstaða félagsins var
sterk um áramót og var 56,9 millj-
arðar króna.
Bogi Nils Bogason fylgir ársupp-
gjörinu úr hlaði með þeim orðum að
ár uppbyggingar sé að baki.
„Eftir að hafa einbeitt okkur að
því í gegnum faraldurinn að verja
mikilvæga innviði og þekkingu, sem
og viðhalda sterkri fjárhagsstöðu,
vorum við í góðri stöðu til að bregð-
ast hratt við vaxandi eftirspurn. Með
því að nýta sveigjanleika félagsins
náðum við að laga okkur að stöðunni
á hverjum tíma og auka flugið úr
einungis 10 brottförum á viku til
fjögurra áfangastaða snemma árs í
200 brottfarir á viku til 34 áfanga-
staða yfir hásumartímann.“
Bendir hann á að félagið hafi tekið
að fjölga starfsfólki verulega á árinu,
eftir harkalegan niðurskurð á árinu
2020. Þannig hafi um 1.000 nýir
starfsmenn bæst í hóp þeirra sem
eftir stóðu.
Á nýliðnu ári lauk fyrirtækið einn-
ig við söluna á Icelandair Hotels og
Iceland Travel.
Fraktin stærri en fyrir faraldur
Athygli vekur að fraktstarfsemi
Icelandair er orðin umfangsmeiri en
fyrir heimsfaraldur kórónuveirunn-
ar. Þá jukust tekjur félagsins af
leigustarfsemi á milli ára og reynd-
ust 60% af því sem var fyrir far-
aldur.
Stefna á jafnvægi í rekstrinum
Bogi Nils segir fyrirtækið stefna á
að skila jákvæðri afkomu á yfir-
standandi ári og að EBIT-hlutfall
verði 3-5%.
„Ýmsir þættir geta þó haft áhrif á
rekstur og afkomu ársins, eins og
möguleg áframhaldandi áhrif farald-
ursins á eftirspurn og sveiflur í elds-
neytisverði.“
Tapaði 5 milljörðum
á síðasta fjórðungi
Morgunblaðið/Sigurður Bogi
Pólflug Meðal leiguverkefna félagsins á nýliðnu ári voru 13 flugferðir til
Suðurskautslandsins með vísindamenn og ferðafólk.
- Forstjóri Icelandair segir ár uppbyggingar að baki
Baldur Arnarson
baldura@mbl.is
Atvinnurekanda voru á dögunum
boðnar tíu milljónir króna ofan á
kaupverð atvinnulóðar við Vellina í
Hafnarfirði og bauðst kaupandi jafn-
framt til að greiða allan kostnað eig-
anda af lóðarkaupunum.
Atvinnurekandinn vildi ekki láta
nafns síns getið en fyrirtæki hans
gerði Hafnarfjarðarbæ tilboð í um-
rædda lóð árið 2019. Það fékk svo
lóðina úthlutaða í fyrra.
Það var svo í fyrrahaust sem
áhugasamur kaupandi fór að falast
eftir lóðinni og bjóða verð sem var
tugum prósenta yfir söluverðinu.
Tilboðið var svo ítrekað en atvinnu-
rekandinn kaus að halda lóðinni.
Hlýtur að birtast í verðinu
„Þetta bendir til lóðaskorts og er
vísbending um hækkandi verð á at-
vinnuhúsnæði. Ef það skortir lóðir
hlýtur það að segja til sín í verðinu,“
sagði atvinnurekandinn um markað-
inn fyrir atvinnuhúsnæði.
Ólafur Ingi Tómasson, formaður
skipulags- og byggingarráðs Hafn-
arfjarðar, segir mörg ár síðan út-
hlutun atvinnulóða hófst í Hellna-
hrauni suðvestur af Vallahverfinu.
Eitthvað gerðist í fyrra
„Lóðir í þessu iðnaðarhverfi hafa
verið tilbúnar með götum og öðrum
innviðum síðan fyrir hrun en lítið
gerst í mörg ár. Það gerðist síðan
eitthvað þegar við úthlutuðum 47
lóðum í fyrra, eða álíka mörgum og
árin fjögur þar á undan. Við finnum
að það er gríðarleg eftirspurn. Meðal
annars sækja fyrirtæki á Höfðanum
og í Vogunum í Reykjavík mikið í
Hellnahraun,“ segir Ólafur Ingi.
Morgunblaðið/Eggert
Hellnahraun Atvinnulóðirnar eru
suðvestur af Vallahverfinu.
Bauð 10 milljónir
ofan á kaupverð
- Atvinnurekandi
í Hafnarfirði fékk
tilboð í atvinnulóð
Þóroddur Bjarnason
tobj@mbl.is
Landsbankinn hagnaðist um tæpa
30 milljarða króna á síðasta ári
samanborið við 10,5 milljarða króna
árið á undan. Þetta kemur fram í
tilkynningu frá bankanum.
Heildareignir bankans jukust um
165,6 milljarða króna á milli ára,
eða 11%, og námu í árslok 2021 alls
1.730 milljörðum króna. Árið á und-
an voru eignirnar 1.564 milljarðar
króna.
Eigið fé Landsbankans er nú 283
milljarðar króna og jókst það um
9,5% milli ára. Það var 258 millj-
arðar í árslok 2020. Eiginfjárhlut-
fall bankans er 26,6%
Arðsemi eiginfjár 10,8%
Eins og fram kemur í tilkynn-
ingu bankans var arðsemi eiginfjár
á síðasta ári 10,8% eftir skatta en
markmið bankans er að arðsemi
eiginfjár verði að lágmarki 10%.
Rekstrartekjur bankans á árinu
2021 námu 62,3 milljörðum króna
en voru 38,3 milljarðar króna árið
áður. Hreinar vaxtatekjur voru 39
milljarðar samanborið við 38,1
milljarð króna ári fyrr. Hreinar
þjónustutekjur voru 9,5 milljarðar
samanborið við 7,6 milljarða króna
á árinu 2020. Aðrar rekstrartekjur
voru 13,9 milljarðar króna saman-
borið við neikvæðar rekstrartekjur
upp á 7,5 milljarða króna á árinu
2020.
Umskipti í virðisbreytingu
Umskipti urðu í virðisbreytingum
útlána milli ára samkvæmt tilkynn-
ingu bankans og voru þær jákvæð-
ar um sjö milljarða króna á árinu
2021 en höfðu verið neikvæðar upp
á 12 milljarða króna árið 2020.
Í fréttatilkynningunni segir einn-
ig að bankaráð muni leggja til við
aðalfund að greiddur verði 14,4
milljarða króna arður til hluthafa
vegna ársins 2021.
Hagnaður LB
nær þrefaldast
- Greiðir 14,4 milljarða í arð
Morgunblaðið/Kristinn
Rekstur Hreinar vaxtatekjur Landsbankans voru 39 milljarðar króna.