Morgunblaðið - 19.03.2022, Qupperneq 31

UMRÆÐAN 31
MORGUNBLAÐIÐ LAUGARDAGUR 19. MARS 2022
S
íðustu umferðir Íslandsmóts
skákfélaga sem lauk í Eg-
ilshöll fyrir tveimur vikum
buðu upp á mikla dramatík
og eiginlega fremur óvænt úrslit
miðað við hvernig mótið hafði
þróast. Taflfélag Garðabæjar var
með örugga forystu þegar seinni
hlutinn hófst og náði að auka við
það um eitt stig strax í sjöttu um-
ferð. Staðan var óbreytt eftir sjö-
undu umferð en þá var komið að
úrslitaviðureign TG og TR. Í fyrri
hlutanum varð jafntefli, 4:4, en svo
tapaði TR fyrir Fjölni og því var
þess staða uppi. Er skemmst frá
því að segja að TR-ingar unnu
öruggan sigur, 5½:2½, og réði þar
miklu að sænsku skákmennirnir,
sem Garðbæingar fengu til liðs við
sig og höfðu staðið sig vel í fyrri
hlutanum, töpuðu allir. Eftir viður-
eignina átti TG samt eitt stig á TR
en Garðbæingar töpuðu einnig í 9.
umferð fyrir Víkingaklúbbnum og
þar réðust úrslit mótsins. Bæði liðin
unnu svo í lokaumferðinni eins og
rakið var í síðasta pistli og sveit TR
varð Íslandsmeistari.
Margeir Pétursson hefur verið
nokkuð í sviðsljósinu undanfarið
vegna starfa sinna og tengsla við
Úkraínu og hann reyndist drjúgur
fyrir TR. Eftir keppnina hafði Mar-
geir orð á því að liðin væru 48 ár
síðan hann tefldi 14 ára gamall í
fyrstu viðureign „Deildarkeppn-
innar“ en þá flaug sveit TR norður
og mætti sveit Skákfélags Akureyr-
ar, tefld var tvöföld umferð á tíu
borðum. Þrír skákmenn sem sátu
að tafli í Egilshöll tefldu einnig á
Akureyri forðum; auk Margeirs
þeir Kristján Guðmundsson og
Ólafur Kristjánsson.
Það er vart við því að búast að
skákmenn sem tefla sjaldan geri
miklar breytingar á byrjunum sín-
um. Margeir dró úr pússi sínu af-
brigði í Bogo-indverskri sem oft
sást í skákum hans fyrir 30 árum
eða svo. Hann virðist engu hafa
gleymt:
Íslandsmót skákfélaga 2022; 8.
umferð, 4. borð:
Milton Pantzar (TG) – Margeir
Pétursson (TR)
Bogo-indversk vörn
1. d4 Rf6 2. c4 e6 3. Rf3 Bb4 4.
Rbd2 b6 5. a3 Bxd2 6. Dxd2 Bb7 7.
e3 a5 8. b3 d6 9. Be2 Rbd7 10. 0-0
0-0 11. Bb2 De7 12. Dc2 Hfd8 13.
Rd2 c5 14. a4(?)
Óþarfi. Það var engin ástæða til
að hindra framrásina a5-b4 sem
alltaf má svara með b3-b4. Svartur
á eftir að notfæra sér veikleikann
sem myndast á b4-reitnum.
14. … Hac8 15. Bd3 h6 16. Hfd1
cxd4 17. exd4 Rd5!
Riddarinn leitar inngöngu á b4
eða f4. Þetta þarf ekki að hafa nein
úrslitaáhrif en viðbrögð Pantzar
benda þó til þess að honum hafi
fundist leikurinn óþægilegur.
18. Ba3 Rf4 19. Bh7+
Kannski ætlaði hann að leika 19.
Bf1 en sá 19. … Rh3+! sem vinnur
strax því að 20. gxh3 er svarað með
20. … Dg5+ og mátar.
19. … Kh8 20. Be4 Rf6 21. Bf3
Dc7 22. Dc3 R6d5 23. Db2 Re7 24.
d5?!
Reynir að opna stöðuna þótt það
kosti peð. Hann gat leikið 24. Dc3
aftur en svartur á 24. … e5! með
mun betri stöðu.
24. … exd5 25. Dd4 Re6 26. Dg4
d4 27. Bb2 d5 28. Hac1 Db8 29.
He1 dxc4 30. Rxc4 Hc5!
Þarna stendur hrókurinn vel
bæði til varnar og sóknar.
31. Bxb7 Dxb7 32. Re5 Rd5 33.
Rxf7+
Hvítur er peði undir og reynir að
jafna liðsmuninn en það er dæmt til
að mistakast. Hinn möguleikinn, 33.
Bxd4, er jafnvel enn verri því svart-
ur á 33. … Rf6! sem vinnur mann.
33. … Dxf7 34. Dxe6 Dxe6 35.
Hxe6 Rf4!
Hvítur ræður ekki við þennan
riddara.
36. Hxc5 bxc5 37. He1 Hb8! 38.
Ba3 Hxb3 39. Bxc5 Rd3
- og hvítur gafst upp.
Skák
Helgi Ólafsson
helol@simnet.is
Jafndægri’ að vori er vonanna dagur,
veturinn hopar og kraftur hans dvín.
Bjartsýni glæðist því batnandi hagur
blasir við, framundan vordýrðin skín.
Röðullinn þráði á himninum hækkar,
hlýnar þá jörðin og grænkar um ból.
Lygnir og þornar er lægðunum fækkar,
lífríkið fagnandi brosir mót sól.
Veturinn óhemju erfiður reyndist,
ótíð með hvassviðri, frosti og snjó.
Kórónuveiran í kófinu leyndist,
kaldrifjuð skörðin í raðirnar hjó.
Víða í heiminum helkaldur garri
haturs og ofbeldis bítur og slær.
Stríðsógnin virtist þó vera svo fjarri,
víst okkur brá þegar færðist hún nær.
Grimmdin er mikil í sturluðum stríðum,
stórbokkahátturinn tekur öll völd.
Mennskunni’ er fórnað í manngerðum hríðum,
myrkrið því ræður og sérhyggjan köld.
Saklausir borgarar bugast af ótta,
búa við ógnanir, kúgun og nauð.
Konur og börn eru farin á flótta
frá sínum heimkynnum, döpur og snauð.
Eiga samt vonina, viljann og trúna.
Vesturlönd álengdar fylgjast með því.
Aðgerðarleysið er nístandi núna,
neyðarlegt hlutleysið stríðinu í.
Lífið er oft í senn gleði og grátur,
gæfa og tjón eru samferða þar,
rétt eins og tvíburar harmur og hlátur,
heilindi’ og fals mynda ógnvænlegt par.
Þjóðunum eystra við óskum Guðs friðar,
yfir þeim himneska vorbirtan sé,
leggi þær bræði og beiskju til hliðar,
berjist ei lengur en semji um hlé.
Lífið og gróandinn, vonin og vorið,
vitna um birtunnar farsælu leið.
Til hennar sækjum við þróttinn og þorið,
þrá eftir jöfnuði, úthald í neyð.
Áfram mót birtunni leið okkar liggur,
læknast þá meinin og þorna öll tár.
Myrkrið burt hörfar ef mannkynið þiggur
mildi og kærleik sem bindur um sár.
Þá munu friður og réttlæti ríkja,
réna þau átök sem nú eru hörð,
samhugur eflast en síngirni víkja,
sættir og velvilji blómgast á jörð.
Vorjafndægur 2022
Eftir Ólaf Jóhannsson
Höfundur er hagyrðingur.
olafurjohannsson59@gmail.com
Eiríkur Jónsson fæddist 18. mars 1822
á Hoffelli í Nesjum, A-Skaft. Foreldrar
hans voru Jón Bergsson, f. 1795, d.1852,
og fyrri kona hans, Sigríður Eiríksdóttir
eldri, f. 1800, d. 1847. Árið 1828 tók Jón
prestsvígslu og fékk Einholt á Mýrum.
Eiríkur lauk prófi frá Bessastaðaskóla
1846, sigldi síðan til Kaupmannahafnar og
settist þar að. Hann las guðfræði og síðar
málfræði við háskólann en lauk ekki loka-
prófi. Eiríkur var ritstjóri Skírnis, sem
var helsta fréttaritið á sínum tíma, árin
1863-1872, 1875 og 1877-1887. Eftir að
hann lét af því starfi, sendi hann Ísafold
erlendar fréttir.
Eiríkur átti þátt í að gefa út Reykjabók
og Hauksbók. Hann samdi Oldnordisk
Ordbog fyrir tilstuðlan Hins konunglega
norræna fornfræðafélags. Hún var ís-
lensk-dönsk orðabók yfir fornmálið, kom
út 1863 og var lengi eina bókin til að létta
lestur fornsagnanna hjá Dönum.
Eiríkur var styrkþegi hjá Árnasafni og
varaprófastur á Garði 1873-1899. Eiríkur
missti ungur sjón á öðru auga af slysi í
smiðju. Hann var hagmæltur.
Kona Eiríks var Jensine Petrine Jen-
sen, f. 1836, d. 1900. Þau voru barnlaus.
Eiríkur lést 30. apríl 1899.
Merkir Íslendingar
Eiríkur
Jónsson
Morgunblaðið/SÍ
Tvöfaldur sigur Skáksveit Vatnsendaskóla í Kópavogi varð Íslandsmeistari
grunnskóla í keppni 4.-7. bekkjar og 8.-10. bekkjar. Flestir í sveitinni höfðu
aldur til að tefla í báðum flokkum. F.v.: Einar Ólafsson skákkennari og liðs-
stjóri, Guðmundur Orri Sveinbjörnsson, Jóhann Helgi Hreinsson, Mikhael
Bjarki Heiðarsson, Tómas Möller og Arnar Logi Kjartansson.
Úrslitaviður-
eignin í Egilshöll
Allt um sjávarútveg