Fréttablaðið - 08.04.2022, Blaðsíða 2

Það var ekki ætlun
löggjafans að slaka
neitt á kröfunum
heldur þvert á móti að
auka þær.
Karl Gauti Hjaltason,
fyrrverandi alþingismaður
Hugsað í Hörpu
Þjóðskrá Íslands staðfestir gerð
kjörskrár fyrir komandi
sveitarstjórnarkosningar sem
haldnar verða þann 14.maí 2022.
Kjósendur geta kannað hvar þeir eru á kjörskrá
með innslætti á kennitölu á vef Þjóðskrár skra.is
og vef landskjörstjórnar kosning.is.
Í uppflettingunni birtast sömu upplýsingar og er
að finna í kjörskrám sem liggja fyrir hjá
sveitarstjórnum.
Kjósendur eru á kjörskrá í því sveitarfélagi sem
þeir eiga skráð lögheimili 38 dögum fyrir kjördag
eða þann 6. apríl 2022.
Fundurinn fór
fram í Vatíkan-
inu.
FRÉTTABLAÐIÐ/EPA
adalheidur@frettabladid.is
MANNRÉTTINDI Frans Páfi bauð
Róbert Spanó, forseta Mann­
réttindadómstóls Evrópu, á sinn
fund í Vatíkaninu í gær til að ræða
almennt um stöðu mannréttinda í
Evrópu. Ræddu þeir um mikilvægi
starfs dómstólsins nú þegar ófriður
ríkir og ógnir steðja að lýðræðinu,
réttarríkinu og vernd grundvallar­
réttinda.
Aðspurður kvaðst Róbert hafa á
fundinum lagt áherslu á uppruna­
legan tilgang mannréttindasátt­
mála Evrópu og Evrópuráðsins, að
gæta friðar í samskiptum aðildar­
ríkja og auka á gagnkvæman skiln­
ing og umburðarlyndi þvert á landa­
mæri. ■
Róbert Spanó þáði heimboð páfans
Karl Gauti Hjaltason, fyrr­
verandi alþingismaður, segir
ákvörðun lögreglustjórans á
Vesturlandi um að fella niður
rannsókn á talningu atkvæða
þar ekki standast. Það sé
hlutverk dómstóla að skera úr
um refsinæmi meintra brota í
kosningum.
gar@frettabladid.is
LÖGREGLUMÁL „Umf jöllun um
svona mikilvæg mál eins og þetta
eigi að heyra undir dómstóka,“ segir
Karl Gauti Hjaltason, fyrrverandi
alþingismaður, sem kært hefur
lögreglustjórann á Vesturlandi til
ríkissaksóknara fyrir að fella niður
rannsókn á talningarmálinu frá því
í alþingiskosningunum í október.
Karl Gauti náði ekki kjöri í
kosningum til Alþingis í október
síðastliðnum. Hann var einn þeirra
frambjóðenda sem á kosninganótt
virtust hafa náð þingsæti en misstu
það síðan eftir endurtalningu yfir­
kjörstjórnar á Vesturlandi.
Lögregla rannsakaði meint lög­
brot við framkvæmd talningarinnar
og lagði sektir á meðlimi yfirkjör­
stjórnar sem töldu sig ekkert ólög­
mætt hafa gert og neituðu að borga.
Að lokum felldi lögreglustjóri málið
niður með vísan í breytingar á kosn­
ingalögum sem Alþingi samþykkti í
millitíðinni.
Karl Gauti segist kæra þá ákvörð­
un lögreglustjórans að fella niður
málið á hendur yfirkjörstjórninni.
„Í fyrsta lagi þá rökstyður lög­
reglustjórinn sína niðurfellingu
með því að lögin hafi breyst eftir
atvikið. Í raun og veru var engin
meining með því þegar kosninga­
lögum var breytt að slaka á kröfum
um öryggi og vönduð vinnubrögð
kjörstjórna, innsiglun kjörgagna og
öllu verklagi við kosningar. Það var
ekki ætlun löggjafans að slaka neitt
á kröfunum heldur þvert á móti að
auka þær,“ segir Karl Gauti.
Að sögn Karls Gauta er mælt fyrir
um það í hegningarlögum að þegar
lagaákvæði breytist en ætlun lög­
gjafans sé augljós eigi að notast við
eldri lög. Það eigi einmitt við í þessu
tilviki.
„Það kemur bara skýrt fram í
greinargerðinni með lögunum að
hugmyndin er að auka til dæmis
vægi innsiglunar, auka öryggi við
alla framkvæmd kosninga og taln­
ingar,“ bendir þingmaðurinn fyrr­
verandi á.
Þá gagnrýnir Karl Gauti að lög­
reglustjórinn á Vesturlandi hafi
beint rannsókn sinni eingöngu að
innsiglum kjörgagna. „En í kæru
minni nefni ég fjölmörg önnur
atriði sem ég taldi að lögreglan ætti
að rannsaka en hún virðist ekki
hafa gert. Og ég beini því til ríkis­
saksóknara að láta rannsaka alla
þá þætti – eins og til dæmis um
umboðsmenn, fundargerðir og
viðveru innan um kjörgögn,“ segir
hann.
Sem fyrr segir telur Karl Gauti að
talningarmálið í Borgarnesi þurfi að
bera undir dómstóla. „Það er þeirra
að skera úr um refsinæmi brota sem
hugsanlega eru framin í kosningum
– eins og í þessu tilfelli.“ ■
Kærir lögreglustjóra fyrir að
hætta rannsókn á talningu
„Í kæru minni nefni ég fjölmörg önnur atriði sem ég taldi að lögreglan ætti
að rannsaka en hún virðist ekki hafa gert,“ segir Karl Gauti Hjaltason.
FRÉTTABLAÐIÐ/SIGTRYGGUR ARI
Reykjavíkurskákmótið stendur nú yfir í húsakynnum Hörpu og lýkur á sunnudaginn. Mótið var síðast haldið í raunheimi árið 2019. 245 keppendur frá 39
löndum eru mættir til leiks og búast má við æsispennandi keppni á næstu dögum. Dagur B. Eggertsson, borgarstjóri Reykjavíkur, opnaði mótið með því að
leika fyrsta leikinn gegn íranska stórmeistaranum Idani Pouya. FRÉTTABLAÐIÐ/SIGTRYGGUR ARI
kristinnhaukur@frettabladid.is
TÓNLIST Tónlistarmaðurinn Ólafur
Arnalds er annar þeirra sem valdir
voru til að endurhljóðblanda nýj­
ustu smáskífu þýsku þungarokks­
sveitarinnar Rammstein. Lagið
heitir Zeit, eða Tími á íslensku, og
var gefið út í síðasta mánuði. Hinn
er þýski raftónlistarmaðurinn
Robot Koch.
Rammstein hefur haldið þrenna
tónleika á Íslandi, tvenna í Laugar­
dalshöll árið 2001 og eina í Kórnum
í Kópavogi árið 2017. Zeit er fyrsta
smáskífan af áttundu plötu sveitar­
innar, sem kemur út 29. apríl.
Þetta er ekki fyrsta samstarf
Ólafs í þýsku rokki, en áður hafði
hann unnið með sveitinni Heaven
Shall Burn á plötunni Antigone
árið 2004. ■
Ólafur Arnalds
blandaði
Rammstein-lag
Till Lindemann í Kórnum 2017.
FRÉTTABLAÐIÐ/ANDRI
2 Fréttir 8. apríl 2022 FÖSTUDAGURFRÉTTABLAÐIÐ