Fréttablaðið - 22.04.2022, Side 18

Suðurlandsbraut 32
108 Reykjavík
tri.is
VISTVÆNAR
SAMGÖNGUR
ÚR OG Í VINNU
Þér eru allir vegir
færir á CUBE rafhjóli
Elín Auður Ólafsdóttir er
einn stofnenda hópsins
KvEnduro en í honum eru
konur sem elska að hjóla
utan malbiks. Hún segir fátt
skemmtilegra en að fara út
að hjóla í góðra vina hópi,
uppgötva nýjar leiðir og ögra
sjálfum sér.
starri@frettabladid.is
Hjólreiðar taka yfir sumarið hjá
Elínu Auði Ólafsdóttur sem nýtir
frekar veturinn fyrir gönguskíði,
snjóbretti og almenna líkams­
rækt innandyra. „Ég hef alltaf haft
áhuga á hjólreiðum og hjólaði
mikið sem barn. Helsta mark­
miðið þá var að ná að hjóla sem
lengst án þess að halda í stýrið. Þar
sem ég átti heima í sveit þá fór ég
mikið um á hjólinu og við vinirnir
stofnuðum meira að segja hjóla­
gengi sem við kölluðum vegamóta­
gengið. Þá hittumst við á gatna­
mótum og lékum okkur að skransa
og fá misgáfulegar hugmyndir
eins og að setja Bleikt og blátt blað
í póstkassann hjá prestinum og
fyrrverandi skólastjóranum.“
Í dag býr Elín á Akureyri ásamt
eiginmanni og þremur börnum
og starfar sem umsjónarkennari í
7. bekk í Brekkuskóla.
Þarf hjól við hvert tækifæri
Elín er yngst í systkinahópnum
og segir foreldra sína fljótlega
hafa hætt að tíma að kaupa ný
hjól og hvað þá handa örverpinu.
„Því fékk ég alltaf hjólin frá eldri
bræðrum mínum þegar þeir
fengu ný og það var ekki fyrr en
ég varð tvítug sem ég fékk fyrsta
nýja hjólið. Maðurinn minn hefur
einnig mikinn áhuga á hjólreiðum
og það var í raun þegar hann fékk
fyrsta fulldempaða hjólið sitt árið
2013 sem áhugi minn á fjallahjól­
reiðum kviknaði fyrir alvöru og þá
var ekki aftur snúið. Í bílskúrnum
okkar má finna 18 hjól enda þarf
hjól við hvert tækifæri.“
Frábær félagsskapur
Elín er einn stofnenda hópsins
KvEnduro en í honum eru konur
sem elska að hjóla utan malbiks í
góðra vina hópi. „Við stofnuðum
KvEnduro sumarið 2016 en þá
höfðum við hjólað með strák­
unum en langaði að hjóla meira
með öðrum stelpum. Þriðjudags­
kvöldin urðu fyrir valinu og við
hófum að bera út fagnaðarerindið
og hjóla reglulega. Frá stofnun
hefur hópurinn stækkað hratt og
örugglega.“
Eitt helsta markmið í upphafi
var að fá fleiri stelpur til að hjóla
utan malbiks, efla sjálfstraust
til að fást við hinar ýmsu hindr­
anir og láta reyna á mörkin. „Þetta
verkefni blómstraði svo sannar­
lega og alltaf fjölgar í hópnum hjá
okkur. Það hafa verið kvöld þar
sem við höfum verið 35 að hjóla
saman. Það hefur verið frábært að
fá að fylgjast með fjölgun kvenna
í sportinu og fá að hjálpa öðrum
konum að gera hluti sem þeim
hefði aldrei dottið í hug að þær
gætu gert. Þetta er fyrst og fremst
frábær félagsskapur af ólíkum
konum á mismunandi aldri sem
allar hafa þennan brennandi
áhuga á að hjóla saman og hafa
gaman.“
Fjölbreytt líkamsrækt
Fram undan er skemmtilegt hjóla­
sumar að hennar sögn. „KvEnduro
heldur áfram að hittast á sínum
þriðjudagskvöldum þar sem plan­
aðar eru hjólaferðir hér í kringum
Akureyri, ferðir til nágranna­
sveitarfélaga og svo er á planinu að
fara í eina lengri ferð á nýjar slóðir
innanlands.
Við stefnum svo á að taka þátt
í enduro­ og fjallabrunkeppnum
sem verða haldnar í sumar og
vonandi ná að fá með okkur fleiri
stelpur sem ekki hafa prófað að
taka þátt í svoleiðis. Það er fátt
skemmtilegra en að skora aðeins á
sjálfa sig og fara út fyrir þæginda­
rammann.“
Hún hvetur sem flesta, konur og
karla, til að prófa þessa skemmti­
legu líkamsrækt. „Hjólreiðar eru
góð líkamsrækt en líka svo fjöl­
breytt og góð leið til að fá útrás og
hreinsa hugann af amstri hvers­
dagsins. Svo er bara svo dásamlega
skemmtilegt að fara út að hjóla í
góðra vina hópi, uppgötva nýjar
leiðir og ögra sjálfum sér.“ ■
Hægt er að fylgjast með KvEnduro
á Facebook og Instagram
(@kvenduro)
Fátt skemmtilegra en að
skora á sjálfa sig
Hjólreiðar eru góð líkamsrækt en líka fjölbreytt leið til að fá útrás og hreinsa
hugann af amstri hversdagsins, að sögn Elínar. MYND/KAREN SVEINSDÓTTIR
Hjólahópurinn
KvEnduro var
stofnaður árið
2016 og í honum
eru bara kon-
ur. Hópurinn
hjólar saman á
hverjum þriðju-
degi.
MYND/KAREN
SVEINSDÓTTIR
Það er endalaust hægt að ögra sér í hjólreiðum. MYND/ÁRMANN HINRIK
Elín Auður Ólafsdóttir nýtir sumarið mjög mikið í hjólreiðar, bæði með vin-
konum sínum í KvEnduro og fjölskyldunni. MYND/HILMAR FRIÐJÓNSSON
4 kynningarblað 22. apríl 2022 FÖSTUDAGURÚT AÐ HJÓLA