Fréttablaðið - 25.05.2022, Blaðsíða 15

KYNN INGARBLAÐ
ALLT
MIÐVIKUDAGUR 25. maí 2022
Birgir Már hefur lengi haft gríðarlega ástríðu fyrir viskíi og segist hafa byrjað að smakka það áður en hann mátti byrja að drekka. Hér stillir hann sér upp fyrir
framan eimunargræjurnar í Þoran distillery í Hafnarfirði. Hann segir það gefandi en þó krefjandi að starfa í sterkvínsbransanum á Íslandi. FRÉTTABLAÐIÐ/ERNIR
Eimar af einlægri ástríðu
Birgir Már Sigurðsson er einn af þeim sem hafa á síðustu árum lagt í það krefjandi en spenn-
andi verkefni að framleiða íslenskt áfengi. Ásamt því að framleiða íslenskt gin og eina ís-
lenska Limoncello-ið á markaðnum, liggja nú 4.000 lítrar af viskíi í þroskun á tunnum. 2
thordisg@frettabladid.is
Flestir vilja njóta ferðalaga án þess
að þurfa að takast á við veikindi.
Til að minnka líkur á veikindum
þarf ferðalag vandaðan undir­
búning. Þetta á sérstaklega við um
ferðir á framandi slóðir þar sem
sjúkdómar sem ekki þekkjast á
Íslandi eru landlægir. Ávallt skal
ganga úr skugga um hvort óhætt
sé að drekka kranavatn í landi sem
dvalið er í. Algengt er að kranavatn
sé ekki neysluhæft. Getur þar verið
um að ræða mengun vegna efna,
einfrumunga, baktería og veira.
Suða í 5 mínútur drepur einfrum­
unga og örverur í vatni en losar það
ekki við efnamengun. Til þess þarf
sérstaka filtera. Heimamenn sía
gjarnan kranavatn með filterum
en einfaldara er fyrir ferðafólk að
kaupa vatn á innsigluðum flöskum.
Heimamenn vita best
Á ferðum úti í náttúrunni þarf að
kanna hvort óhætt sé að drekka
vatn úr ám og lækjum. Séu lækir
tærir og hreinir er óhætt að drekka
vatnið ef síað með filter sem
hreinsar úr því einfrumunga eða
örverur sem valdið geta sjúk­
dómum. Filterar eru mismunandi
eftir því hvort vænta má eingöngu
einfrumunga eða hvort sía þarf úr
örverur. Best er að kaupa filtera á
staðnum því afgreiðslufólk þar veit
hvað þarf að nota á svæðinu. Til eru
vatnsbrúsar með slíkum filterum
sem nota má á ferðalögum í náttúr­
unni. Á svæðum þar sem vatn er
sýnilega óhreint eða hætta er á
efnamengun ætti að bera með sér
allt drykkjarvatn. n
HEIMILD: HEILSUVERA.IS
Vatn á ferðalagi
Kranavatn getur reynst varasamt.
ALOE VERA
MELTING & BÓLGUR
85%VIRKTCURCUMIN
www.celsus.is