Fréttablaðið - 23.06.2022, Blaðsíða 1

Vefsíðu innlendra
framleiðenda þar sem
varað hafði verið við
innflutningi á mat-
vörum hefur nú verið
lokað.
1 2 2 . T Ö L U B L A Ð 2 2 . Á R G A N G U R f rettab lad id . i s F I M M T U D A G U R 2 3 . J Ú N Í 2 0 2 2
Allt í góðu
víða um bæ
Síblankur tíu
þúsund kall
Menning ➤ 21 Lífið ➤ 24
Íslenskir kjötframleiðendur,
sem goldið hafa varhug við
innflutningi á búvörum af
heilbrigðisástæðum, flytja
þær nú inn til landsins af æ
meiri og vaxandi þunga.
ser@frettabladid.is
INNFLUTNINGUR Innf lutningur á
kjötvörum og öðrum landbúnaðar­
afurðum hefur stóraukist hér á
landi á undanförnum árum og
vekur athygli að það eru ekki síst
íslenskir kjötframleiðendur sem
eiga þar hlut að máli, en þeir hafa oft
og tíðum lagst gegn innflutningi af
þessu tagi.
Þegar rýnt er í niðurstöður útboða
á tollkvóta, sem Fréttablaðið hefur
undir höndum, sést að innf lutn­
ingur innlendra bænda og afurða­
stöðva á búvörum hefur aukist
verulega á síðustu árum og einkan­
lega eftir að tollkvótar samkvæmt
samningi við Evrópusambandið
voru stækkaðir 2019.
Þegar horft er til niðurstöðu
síðasta útboðs á tollkvóta frá Evr­
ópusambandslöndunum, sést að
hlutur innlendra framleiðenda af
innf lutningnum nemur núna 90
prósentum í svínakjöti, 43 pró­
sentum í nautakjöti, 34 prósentum
í alifuglum og 25 af hundraði í inn­
flutningi á skinku.
Innlendir búvöruframleiðendur
hafa einnig stóraukið innflutning
á búvörum frá öðrum löndum og
álfum á allra síðustu árum, sem í
krafti útboða fást á lægri tollum en
ella. Í síðasta útboði tollkvóta sam­
kvæmt WTO­samningnum hrepptu
innlendir framleiðendur 81 prósent
af kvóta fyrir kinda­ og geitakjöt,
68 prósent af nautakjöti, sömu pró­
sentuna af eggjum, 48 prósent af
alifuglakjöti og 23 prósent af ostum.
Sérstaka athygli vekur að ólíkt
því sem áður var seldist allur toll­
kvótinn fyrir innflutning á kinda­
kjöti í útboðinu og flytur fyrirtækið
Stjörnugrís, stærsti svínaræktandi
landsins, inn 81 prósent af honum,
eða sem nemur 280 tonnum.
Útboðsniðurstöðurnar sýna að
innlendir kjötframleiðendur bjóða
hátt í tollkvóta fyrir innf luttar
búvörur og eru sumir hverjir að
verða í hópi umsvifamestu innflytj­
enda á búvörum, en svo virðist sem
þeir keyri áfram hækkanir á útboðs­
gjaldi í sumum vöruflokkum.
Flest þessara fyrirtækja sem hér
um ræðir, eða samtök þeirra, áttu
aðild að vefnum oruggurmatur.is
þar sem varað var við innflutningi
á búvörum. Þar sagði meðal ann­
ars að „óhindraður innflutningur
á kjöti, hráum eggjum, ostum og
öðrum mjólkurvörum rýfur vernd­
ina sem lega landsins og íslenskir
búskaparhættir veita okkur og
skapar raunverulega hættu fyrir
almenning.“ Vefnum hefur nú verið
lokað. ■
Íslenskir bændur flytja inn æ meira af kjötvöru
Sigraðu innkaupin
með appinu
Grillaðu
gómsætan
eftirrétt í
sumar!
Lögreglan á höfuðborgarsvæðinu rannsakar tilraun til manndráps í Hafnarfirði í gær þar sem skotið var á tvær bifreiðar af svölum blokkaríbúðar. Í annarri bifreiðinni voru feðgar á leið í leikskóla þar
skammt frá þegar skotin dundu á bílnum. Lögregla og sérsveit voru með mikinn viðbúnað á svæðinu kringum vettvanginn, sem var afgirtur frá rúmlega átta í gærmorgun til hádegis þegar meintur
skotmaður, karlmaður á sjötugsaldri, gaf sig fram. Farið verður fram á gæsluvarðhald yfir honum fyrir hádegi í dag að sögn Margeirs Sveinssonar aðstoðaryfirlögregluþjóns. FRÉTTABLAÐIÐ/ERNIR