Fréttablaðið - 23.06.2022, Blaðsíða 44

AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is, ALMENNAR AUGLÝSINGAR: SÍMI 550 5050:
Andrés Bertelsen andres@frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/
SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir
ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is,
TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Það verður ekki töluð vit-
leysan á Þingvöllum í kvöld
þar sem geðbætirinn Guðni
Ágústsson og geðlæknirinn
Óttar Guðmundsson efna til
kvöldgöngu í minningu þjóð-
skáldsins Jónasar Hallgríms-
sonar sem hvílir lúin bein á
staðnum.
ser@frettabladid.is
Félagarnir Guðni Ágústsson og
Óttar Guðmundsson geta ekki
hætt að ganga um velli gamla þjóð-
þingsins við Almannagjá – og allra
síst á albjartri Jónsmessunótt – en
enn einu sinni leggja þeir í hann í
kvöld undir kliðmjúkum fjölda-
söng Karlakórs Kjalnesinga og að
þessu sinni er umræðuefnið annar
tveggja mannanna sem hvílir á
bökkum Öxarár, þjóðskáldið Jónas
Hallgrímsson sem litaði nítjándu
öldina svo skærum litum að enn er
þjóðin með glýju í augunum.
„Hann er líklega umtalaðasti
Íslendingurinn fyrr og síðar, eða því
sem næst,“ segir Óttar, sem er búinn
að taka fram skóna og er til alls lík-
legur á pöllum gamla þingheimsins
í kvöld, en gangan byrjar, vel að
merkja, klukkan 20.00 á planinu
ofan Almannagjár.
Síblankur náttúrufræðingurinn
Hann ætlar að einbeita sér að helgi-
myndinni sem slegið hefur verið
upp af Jónasi og spyrja sig og aðra
nærstadda hvort hún standist.
„Stóra spurningin er auðvitað
hvort þessi helgimynd sé raunsönn
– og ég held nú að svo sé ekki,“ segir
Óttar og heldur áfram, býsna íbygg-
inn: „Það er raunar með algerum
ólíkindum að þessi síblanki nátt-
úrufræðingur skuli skreyta tíu-
þúsundkallinn, verðmætasta pen-
ingaseðil landsmanna,“ segir Óttar
og er við það að skella upp úr. Jónas
hafi ekki átt bót fyrir boruna á sér
– og svo hafi verið alla tíð, en samt
sem áður sé honum hampað með
þessum hætti, sem hljóti að teljast
öfugmæli.
„Svo er hann grafinn upp í
dönskum kirkjugarði eins og um
einhver dýrlingsbein hafi verið að
ræða,“ heldur geðlæknirinn áfram
og hnussar svo til hæfilega, en allt
megi þetta heita á skjön við brös-
ótta ævi Öxndælingsins sem fæddist
við dagsbrún nítjándu aldar og náði
aðeins 37 ára aldri.
„Á bak við þessa mynd, sem er
okkur svo kær að við viljum helst
ekki sjá annað, er auðvitað breyskur
maður,“ bætir Óttar við og dregur
upp sína mynd af þjóðskáldinu. „Ég
held að Jónas hafi verið afskaplega
óhamingjusamur maður alla sína
tíð, nema ef vera skyldi árin eftir
menntaskólatíð hans þegar hann
varð ástfanginn í fyrsta og eina
skiptið á ævi sinni.“
Drykkfelldur kvíðasjúklingur
Og við Óttari blasir döpur mynd.
„Hann var drykkfelldur kvíðasjúkl-
ingur sem glímdi við þunglyndi, en
þess utan var hann ómannblendinn
og óöruggur með sjálfan sig, fyrir
nú utan það augljósa að hann var
hringtrúlofaður dauðanum eins og
títt var um skáld á hans reki. Hann
trúði því beinlínis að hann myndi
ekki lifa lengi.“
Og Óttar er ekki á því að fótbeins-
brot í stigagarmi í kóngsins Kaup-
mannahöfn hafi verið dauðasök
skáldsins. „Ég held hann hafi dáið úr
lungnabólgu og brjósthimnubólgu
sem hafi sáð sér upp í heila,“ segir
Óttar, en vel megi vera að hann hafi
dottið í stiga sakir þess hversu hann
hafi verið máttfarinn undir það síð-
asta. „En stigabeinbrotið er bara enn
ein helgimyndin, ef út í það er farið,
þegar hitt er líklegra að lungun hafi
bara gefið sig.“ ■
Jónas afhjúpaður á
Jónsmessunni
Óttar og Guðni leiða gönguna en Óttar segir Jónas hafa verið hringtrúlof-
aðan dauðanum eins og títt var um skáld á hans reki. FRÉTTABLAÐIÐ/ERNIR
Helgimynd af Jónasi Hallgrímssyni.
toti@frettabladid.is
Kristín Hjartardóttir geðhjúkrunar-
fræðingur og Elín Agla, þjóðmenn-
ingarbóndi og heimspekingur,
standa fyrir hópfjármögnun á
Karolinafund.com til þess að geta
reist hirðingjatjald á höfuðborgar-
svæðinu.
„Hjálpið okkur að reisa tjaldið til
að hlúa að menningu og skapa sam-
hljóm. Tjaldið er skjól til að rækta
tengsl við hvert annað og tengsl við
náttúruna,“ segir Elín Agla en tveir
dagar eru eftir af söfnuninni og enn
vantar nokkuð upp á.
„Við erum að safna fyrir undir-
stöðupalli fyrir hirðingjatjaldið og
því fleiri sem styðja verkefnið, þeim
mun styrkari stoðum mun það
standa á, bókstaflega,“ heldur Elín
áfram um tjaldið og verkefnið, sem
þær kalla Þetta Gimli – þjóðmenn-
ingarbýli, og felur í sér ákall um
menningarbyltingu og veisluhöld.
Tjaldið sjálft er handgert, mong-
ólskt hirðingjatjald sem bíður í
öruggri geymslu eftir undirstöðu
og hentugum stað í útjaðri höfuð-
staðarins þar sem þær stöllur ætla
því að veita viðburðum og veislu-
höldum skjól. „Þar sem við getum
komið saman og nært tengslin við
hvert annað, staðinn okkar og nátt-
úruna,“ eins og þær orða það á söfn-
unarsíðunni þar sem Þetta Gimli er
einnig sagt vera „staður fyrir okkur
til að iðka þorpsvitund. Skjól fyrir
ímyndunaraflið svo hægt sé að sjá
sér fyrir hugskotssjónum aðrar
leiðir til að vera í heiminum. Iðkun
og viðburðir sem næra bæði okkar
sál sem og sál heimsins.“
Söfnunin stendur út föstudaginn
24. júní. „Sum sé á miðnætti á töfra-
nóttinni, Jónsmessunótt,“ segir
Elín sem vill geta heiðrað fegurðina
í öllum sínum birtingarmyndum í
hjarta og miðju tjaldsins. ■
Safnað fyrir menningarbyltingu
Elín Agla í tjaldinu þegar það stóð á
Ströndum fyrir nokkrum misserum.
Hafnar-
fjarðar
Hjarta
ÚTISVÆÐIÐ 23. –25. júní
ÚTISVÆÐI
Frábær dagskrá
alla helgina á útisvæði
HAPPY
HOUR
18-21
Drögum út
bjórkort
alla dagana
10 tegundir
af ísköldum
í stærsta
bjórgám
Evrópu
Fimmtudagur
Eyþór Ingi og Davíð Sigurgeirsson
Heiðar í Botnleðju
Föstudagur
Hljómsveitin Brot af þvi besta
Laugardagur
Loksins er Júlladiskó mættur :)
24 Lífið 23. júní 2022 FIMMTUDAGURFRÉTTABLAÐIÐ