Fréttablaðið - 21.07.2022, Qupperneq 4

ser@frettabladid.is
DÝRALÍF Músagangur er með meira
móti í borgarlandinu í sumar, að því
er Guðmundur Óli Scheving mein-
dýraeyðir segir í samtali við blaðið,
en kvörtunum svo að segja rignir
yfir hann.
„Líklega stafar þetta af tvennu,“
útskýrir hann. „Það hefur bæði
verið kalt og blautt og það hjálpar
hagamúsinni ekki,“ bætir hann við,
„og þess utan hefur verið lítið æti
fyrir hana að hafa utan dyra.“
Og þar veldur mestu að lítið er af
skordýrum fyrir hana að éta. „Það
er minna af trjágeitungum en vana-
lega,“ segir Guðmundur Ólil.
Meindýrafræðingurinn á þó
von á að holugeitungurinn skili
sér þegar hausta tekur. „En jafnvel
hunangsflugan hefur heldur ekki
náð sér á strik – og þar er sennilega
vosbúðinni um að kenna.“
Óvenju mikill músagangur vegna flugnaskorts
Guðmundur
Óli Scheving,
meindýraeyðir
FIAT.IS • ISBAND.IS
FULLKOMINN Í
BORGARFERÐIR
„Ítölsk hönnun hefur alltaf veitt okkur í HAF
studio mikinn innblástur og þess vegna
varð rafknúinn Fiat 500e fyrir valinu.“
Haf steinn Júlí us son og Karítas Sveins dóttir
NÝ SENDING Á LEIÐINNI – TRYGGÐU ÞÉR EINTAK
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LOKAÐ LAUGARDAGA
Hagamúsin leiti því í híbýli fólks
eftir mögulegu æti, enda sé hún afar
háð orkuríkri fæðu, því afkoman er
mikil, á sjö til átta mánaða líftíma
sínum eignist hún fjóra til tólf unga
á 26 daga fresti – og 48 dögum eftir
fæðingu ungans sé hann sjálfur far-
inn að fjölga sér.
„Þannig að það þarf nú hafa sig
allan við í starfi sem mínu,“ segir
Guðmundur Óli Scheving, mein-
dýraeyðir á höfuðborgarsvæðinu. n

Upplýsingar um kostnað
ÁTVR vegna málsókna á
hendur einkafyrirtækjum
sem selja Íslendingum áfengi
liggur ekki fyrir, segir stofn-
unin, því hann sé samofinn
öðrum verkefnum sem unnin
hafi verið samhliða.
mhj@frettabladid.is
RÍKISSTOFNANIR Áfengis- og tóbaks-
verslun ríkisins hefur borgað yfir 60
milljónir króna fyrir aðkeypta lög-
fræðiþjónustu frá árinu 2018.
Þetta kemur fram í svörum ÁTVR
við fyrirspurn Fréttablaðsins. Stór
hluti þess kostnaðar, eða einn þriðji,
kom í fyrra er ÁTVR greiddi 20 millj-
ónir fyrir lögfræðiþjónustu.
Stofnunin greiddi tvöfalt minna
árið áður, 2020. Þá fóru 10 milljónir í
lögfræðikostnað og enn minna árið
2019, eða 8 milljónir.
Árið 2021 kærði ÁTVR Arnar
Sigurðsson, frönsku netverslunina
Santewines SAS og innf lutnings-
fyrirtækið Sante ehf. til lögreglu
og skattsins. ÁTVR sakaði fyrir-
tækið um að standa ekki skil á inn-
heimtum virðisaukaskatti.
ÁTVR kærði einnig Bjórland ehf.,
Brugghúsið Steðja ehf. og eigendur
þeirra fyrirtækja. Sama ár fór ÁTVR
einnig í skaðabótamál gegn Sante,
Arnari og Bjórlandi ehf.
Í mars síðastliðnum vísaði Hér-
aðsdómur Reykjavíkur málunum
frá. Héraðsdómur sagði ÁTVR ekki
hafa lögvarða hagsmuni af úrlausn
málsins og var ÁTVR gert að greiða
félögunum málskostnað. Lögfræði-
kostnaður ÁTVR það sem af er ári er
9,7 milljónir króna.
Í svari ÁTVR til Fréttablaðsins
segir að í rekstri ÁTVR komi margoft
upp aðstæður sem krefjist sérhæfðr-
ar lögfræðiþekkingar og aðkomu
lögmanna. Helstu málaflokkarnir
séu ágreiningsmál varðandi vöru-
val áfengis og tóbaks, fasteignamál,
leigusamninga, skipulagsmál og
framkvæmdir. Einnig dómsmál,
kærumál og samkeppnismál, svo
dæmi séu tekin.
Fréttablaðið greindi frá því í sept-
ember í fyrra að kostnaður vegna
einkamálanna gegn Sante og öðrum
smásölum væri tæplega 7 millj-
ónir króna án virðisaukaskatts. Frá
þeim tíma hafa 1,5 milljónir króna
bæst við þann kostnað, samkvæmt
ÁTVR.
Fréttablaðið óskaði einnig eftir
upplýsingum um hvort ÁTVR
hefði keypt lögfræðiaðstoð fyrir
umsagnarskrif við áfengisfrum-
vörp Alþingis, en stofnunin hefur
verið með ítarlegar umsagnir
bæði gegn brugghúsafrumvarpinu
svokallaða og vefverslunarfrum-
varpinu. ÁTVR gat ekki veitt upp-
lýsingar um heildarkostnað vegna
þessarar lögfræðiráðgjafar því hún
ÁTVR greitt yfir sextíu milljónir fyrir
lögfræðiþjónustu frá því á árinu 2018
sé samofin öðrum verkefnum.
„Umsagnir ÁTVR um frumvörp
sem til umfjöllunar eru á Alþingi,
um málefni er varða áfengis- eða
tóbaksmál og snerta rekstur ÁTVR,
eru á ábyrgð forstjóra,“ segir í svari
ÁTVR.
„Upplýsingar um heildarkostnað
vegna þessarar lögfræðiráðgjafar
liggja ekki fyrir með aðgengilegum
hætti hjá ÁTVR, enda hefur hún
verið samofin öðrum verkefnum
sem vinna hefur þurft jöfnum hönd-
um, svo sem öf lun margvíslegra
gagna og upplýsinga auk greininga
á lagaumhverfi hérlendis í sam-
hengi við löggjöf á Norðurlöndum
og EES-svæðinu,“ segir í svari ÁTVR
við fyrirspurn Fréttablaðsins. n
Sigrún Ósk
Sigurðardóttir,
aðstoðarfor-
stjóri ÁTVR.
FRÉTTABLAÐIÐ/
SIGTRYGGUR ARI
adalheidur@frettabladid.is
STJÓRNSÝSLA Ísland uppfyllir allar
lágmarkskröfur í baráttu gegn
man sali, samkvæmt nýrri skýrslu
bandarískra stjórnvalda og hefur
færst upp í fyrsta flokk eftir að hafa
verið í öðrum flokki undanfarin ár. Í
fyrsta flokki eru 30 ríki af 188.
Bandaríska utanríkisráðuneytið
hefur frá 2001 birt árlega skýrslu
um stöðu mansalsmála og aðgerðir
stjórnvalda gegn mansali og sett
ríki í þrjá flokka eftir frammistöðu.
Byggt er á upplýsingum frá stjórn-
völdum, félagasamtökum og úr
ýmsum öðrum áttum. n
Uppfyllum kröfur
varðandi mansal
Ívar J. Arndal,
forstjóri ÁTVR
Bandaríkin birta árlega skýrslu um
mansalsmál. FRÉTTABLAÐIÐ/GETTY
thorgrimur@frettabladid.is
BANDARÍKIN Þverpólitískur hópur
öldungadeildarþingmanna í Banda-
ríkjunum hefur lagt fram frumvarp
sem á að gera erfiðara að hnekkja
niðurstöðum forsetakosninga.
Frumvarpið er talið andsvar við
tilraunum Donalds Trump til að
hnekkja niðurstöðu forsetakosn-
inganna 2020. Í því segir skýrt að
varaforsetinn gegni aðeins tákn-
rænu hlutverki við talningu og stað-
festingu kjörmannaatkvæða eftir
kosningar.
Flestir bandarískir lögspekingar
líta svo á að varaforsetinn geti ekki
haft áhrif á talninguna. Trump
reyndi þó að fá varaforseta sinn,
Mike Pence, til að neita að telja til-
tekin kjörmannaatkvæði eftir kosn-
ingarnar 2020, en án árangurs. n
Vilja skýr lög um
forsetakosningar
Repúblikaninn Susan Collins er einn
flutningsmanna. FRÉTTABLAÐIÐ/GETTY
4 Fréttir 21. júlí 2022 FIMMTUDAGURFRÉTTABLAÐIÐ