Skessuhorn - 15.09.2021, Side 32

mIðVIKudAguR 22. SEpTEmBER 202132
Pennagrein
Pennagrein
Pennagrein
Pennagrein
mikilvægi góðra vega hefur aldrei
verið mönnum ljósara en nú. Hægt
hefur gengið undanfarinn rúman ára-
tug að koma nýframkvæmdum áfram,
vegna skorts á fjármagni í sumum til-
vikum og vegna skipulagsmála í öðr-
um.
Hér á Vesturlandi blasa við okkur
verkefni sem eru þeirrar gerðar að
þau munu gjörbylta lífsgæðum íbúa
og stórauka möguleika til verðmæta-
sköpunar.
Fremst í þeirri röð er breikkun
hringvegarins frá Hvalfjarðargöng-
um upp í Borgarnes, þar sem rétt
er að bera saman veglínu austan og
vestan megin við Akrafjall. Stórátak
hvað malarvegi í sveitum varðar og
nýr vegur um uxahryggi, sem mun
tengja saman Suðurland og Vest-
urland og opna þannig fyrir nýjar
hringtengingar ferðaþjónustuaðila.
Staða Skógarstrandarvegar er með
þeim hætti að skömm er að, enda um
stofnveg að ræða.
Staða Sundabrautar er mikið
áhyggjuefni, enda segir formaður
skipulagsráðs Reykjavíkurborgar að
engin ákvörðun verði tekin í þeim
efnum fyrr en svokölluð félagshag-
fræðigreining liggur fyrir, það er því
ljóst að síðasta minnisblað samgöngu-
ráðherra og borgarstjóra var enn einn
tafaleikurinn. Við viljum Sundabraut
strax og enga frekari tafaleiki, enda er
Sundabrautin arðsamasta vegafram-
kvæmdin sem okkur stendur til boða.
miðflokkurinn leggur til að við
færum vegakerfið til nútímans og það
strax. Við gerum það með því að nýta
það vaxtaumhverfi sem ríkissjóður
býr nú við til fjármögnunar innviða-
framkvæmda. Við ætlum að fara í 150
milljarða króna skuldsettan fram-
kvæmdapakka í vegamálum. Þannig
komumst við áfram.
með því að flýta nýframkvæmdum
í vegamálum með svo afgerandi hætti
næst fram mikill sparnaður því slys-
um á vegunum fækkar, tjón ökutækja
dregst saman og umferðin flæðir bet-
ur ásamt því að bætt vegakerfi hefur
jákvæð áhrif á þróun loftslagsmála.
Fjármögnun yrði í gegnum sam-
gönguáætlun sem samþykkt er á Al-
þingi - rétt eins og gert hefur verið
í tilviki samgöngusáttmála höfuð-
borgarsvæðisins. Stjórnvöld þurfa
þá að útfæra endurgreiðslu með sem
haganlegustum hætti, hvort sem um
væri að ræða skuggagjöld sem miða út
frá sparnaði annars staðar í opinbera
kerfinu, beinum framlögum af sam-
gönguáætlun eða með sérstakri fjár-
mögnun með umbreytingu ríkiseigna
í verðmæta eign í vegakerfinu.
Nýr Baldur
Hrakfarir Breiðfjarðarferjunnar
Baldurs á kjörtímabilinu hafa ver-
ið með þeim hætti að ekki er for-
svaranlegt annað en að ganga til
þess verks að kaupa nýtt skip. mið-
flokkurinn leggur þunga áherslu
á að það verði gert strax við upp-
haf nýs kjörtímabils, enda þarfn-
ast það góðs undirbúnings, þannig
að nýtt skip sé tilbúið í síðasta lagi
þegar núverandi samningur um
Breiðfjarðarsiglingar rennur út og
mögulega fyrr með það í huga að
skipta út núverandi skipi með sér-
stöku samkomulagi við rekstrar-
aðila þess.
Bergþór Ólason
Höf. er alþingismaður og oddviti
Miðflokksins í Norðvesturkjördæmi.
Stórsókn í samgöngumálum -
nýr Baldur og Sundabraut strax!
Við sem höfum tekið að okkur að
starfa í sveitar- og bæjarstjórnum
um land allt þekkjum vel áskor-
unina sem felst í því að halda úti
velferðinni og þjónustu við íbúa
á sama tíma og við glímum við
sveiflukenndar skatttekjur sveitar-
félagsins.
Á meðan tekjur eins og fasteigna-
gjöld eru yfirleitt stöðugar, þá geta
útsvarstekjur sveitarfélaga sveiflast
mikið. Heimsfaraldurinn af völd-
um Covid-19 olli því að við bæjar-
fulltrúar á Akranesi horfðum upp á
mikla óvissu varðandi áætlanir okk-
ar um útgjöld og framkvæmdir, en
sem betur fer stendur bæjarsjóður
Akraneskaupstaðar vel og við gát-
um brugðist við óvissunni með
myndarlegum mótvægisaðgerðum;
vörnum, vernd og viðspyrnu.
Við höfum upplifað hvernig
kvótakerfið hefur fækkað störfum
í sveitarfélaginu svo nemur hundr-
uðum, en við erum svo heppin á
Akranesi að hér býr harðduglegt
fólk sem sækir vinnu sveitarfélaga
á milli.
Það er nauðsynlegt öllum sveit-
arfélögum að hafa útsvarstekjurnar
sem stöðugastar. Það er því nauð-
synlegt að atvinnulífið sé öflugt til
að standa undir góðri þjónustu og
velferð. Það er nefnilega þannig að
einkageirinn fjármagnar hinn opin-
bera. Þetta samstarf hins opinbera
og einkageirans þarf að vera fyrir-
sjáanlegt og stöndugt. Hið opinbera
setur reglurnar og spýtir í lófana
þegar í harðbakkann slær. Það gerð-
um við á Akranesi þegar við bættum
í fjármagn til framkvæmda og við-
haldsverkefna á vegum bæjarins og
fjölguðum störfum með átaksverk-
efnum í atvinnumálum um leið og
við einsettum okkur að efla velferð-
arþjónustuna og bæta þjónustu bæj-
arins við þá sem helst þurftu á henni
að halda á óvissutímum.
Hið opinbera þarf á öflugu at-
vinnulífi að halda til að standa undir
þeirri þjónustu sem það veitir. Við
í Samfylkingunni ætlum að fjárfesta
af krafti í grunninnviðum í þágu at-
vinnulífsins og við leggjum mikla
áherslu á að unnin verði framsæk-
in atvinnu- og byggðastefna sem
taki mið af styrkleikum landshluta
og mismunandi vinnusóknarsvæða.
Við viljum einfalda rekstrarum-
hverfi lítilla fyrirtækja og einyrkja
og létta álögur á þau og þá leggj-
um við til að stofnaður verði grænn
fjárfestingarsjóður, að norrænni
fyrirmynd, sem starfi með einka-
fjárfestum að uppbyggingu lofts-
lagsvænnar atvinnustarfsemi. Slík-
ur sjóður gæti til að mynda opnað
gríðarlega möguleika til uppbygg-
ingar á iðnaðarsvæðinu á grundar-
tanga og í útgerðarbæjum um allt
land, með tilheyrandi fjölgun starfa.
Einnig ætlum við að byggja nýsköp-
unarklasa í helstu þéttbýliskjörnum,
í samvinnu við heimafólk, þar sem
frumkvöðlar, fyrirtæki og stofnanir
fá aðstöðu og stuðning.
Það er nauðsynlegt fyrir atvinnu-
lífið á móti að gera sér grein fyrir
þessu samlífi með opinbera geir-
anum og að atvinnulífið taki þátt
í uppbyggingu innviða sem á móti
styrkja atvinnulífið. Það væri t.d.
hjákátlegt ef hið opinbera kæmi
sér undan ábyrgðinni á uppbygg-
ingu samgöngumannvirkja og fyrir-
tæki væru bara sett út í kuldann og
þyrftu að redda sér sjálf með það.
Atvinnulífið og opinberi geirinn
eru ekki andstæður heldur samherj-
ar, og takist þeim að sameina krafta
sína til góðra verka geta frábærir
hlutir gerst.
Það er samfélaginu til styrking-
ar að hafa hvort tveggja jafn öfl-
ugt, hið opinbera og einkageirann.
Einkageirinn sannarlega fjármagn-
ar hið opinbera, en hið opinbera
byggir innviðina sem gagnast öll-
um fyrirtækjum, ekki bara fáum. Þá
sér hið opinbera íbúunum fyrir al-
mannaþjónustu, svo sem menntun
og heilbrigðisþjónustu, og mikil-
vægi þeirra greina fyrir atvinnulífið
og samfélagið allt hefur svo sannar-
lega sýnt sig á undanförnum miss-
erum. Atvinnulífið og hið opinbera
eru saman í liði.
Það er og verður mitt hlutverk
sem stjórnmálamanns að halda
þessu verki áfram, að fólk hafi at-
vinnu og að fyrirtækin og hið opin-
bera virki sem liðsmenn í sama liði
en ekki sem andstæðingar.
Valgarður Lyngdal Jónsson
Höfundur er oddviti Samfylkingar-
innar í Norðvesturkjördæmi
Saman í liði
Í aðdraganda kosninga er gott að fara
yfir hið pólitíska svið. Það má auð-
veldlega færa rök fyrir því að Fram-
sókn er besti kosturinn fyrir okkar
kjördæmi í þessum kosningum.
Á kjörtímabilinu hefur Ásmundur
Einar staðið við þær breytingar sem
hann boðaði í málefnum barna. Ás-
mundur hefur breytt húsnæðiskerf-
inu og komið með sveigjanleg úr-
ræði þannig að nú er verið að byggja
húsnæði um land allt. Sveigjanleiki
í kerfinu verður að vera til staðar til
að koma til móts við mismunandi að-
stæður í landinu. Lilja Alfreðsdótt-
ir menntamálaráðherra hefur unnið
grettistak í menntamálaráðuneytinu.
Hinn nýi menntasjóður færir lánakerfi
námsmanna til nútímans. Baráttumál
framsóknarmanna má sjá í því nýja
kerfi en það gerir ráð fyrir að ívilnun
við endurgreiðslu námslána til lán-
þega sem búsettir eru á svæðum sem
erfitt er að fá sérfræðimenntað fólk.
Norðvesturkjördæmi hefur orðið vart
við veru Sigurðar Inga í samgöngu-
ráðuneytinu. gefin var innspýting í
stofnvegi sem lengi hafa beðið úrbóta
eins og á Vestfjörðum. Sundabraut er
í sjónmáli en ekki draumsýn og hafn-
ar eru framkvæmdir við Vesturlands-
veg í átt að Borgarnesi. Það er samt
verk að vinna en þetta eru engu að
síður risaskref í rétta átt.
Uppboð á kvóta, feigðarflan
fyrir sjávarútvegsfyrirtæki í
NV
Í Norðvesturkjördæmi eru wnánast
eingöngu bolfisksútgerðir og sjáv-
arútvegsfyrirtækin eru flokkuð sem
lítil-meðalstór fyrirtæki. uppboð á
kvóta eins og sum framboð boða er
dauðadómur yfir litlum- og meðal-
stjórum bolfisksútgerðarfyrirtækj-
um í Norðvesturkjördæmi sem ættu
ekki roð í stærstu sjávarútvegsfyrir-
tækin sem halda mörg hver á kvóta í
uppsjávartegundum líka og njóta þar
af leiðandi mikillar arðsemi úr þeirri
grein. Það er því vandséð hvern-
ig uppboð á kvóta á að hjálpa hin-
um dreifðu byggðum. Kvótakerfið er
ekki fullkomið en það borgar sig frek-
ar að vinna í annmörkum þess frekar
en að færa aflaheimildir úr kjördæm-
inu til stærstu fyrirtækjanna.
Landbúnaður
Í aðdraganda kosninga er vinsælt að
vilja umbylta landbúnaðarkerfinu al-
gjörlega en yfirleitt er óútfært hvern-
ig á að auka hag bænda í þeim breyt-
ingum. Aukið tollafrelsi á að frelsa
bændur en gerir lítið annað en að
berskjalda þá gagnvart samkeppni frá
öðrum löndum þar sem sýklalyfja-
notkun er meiri og kröfur um aðbún-
að eru gjarnan allt aðrar. Það skipt-
ir máli að standa vörð um fæðu- og
matvælaöryggi á Íslandi. Það höf-
um við fundið í þeirri stöðu sem
uppi hefur verið undanfarin miss-
eri. Sterkt landbúnaðar- og mætvæl-
aráðuneyti skapar tækifæri í auknum
umsvifum og blómstrandi nýsköpun
í landbúnaði. Íslenskir matvælafram-
leiðendur þurfa meiri frelsi til að auka
virði framleiðslu sinnar og heimila
ætti heimaslátrun og vinnslu, en hún
þarf að sjálfsögðu að standast kröfur.
Tækifærin eru fjölmörg, við þurfum
að sjá þau og vinna með þeim.
Setjum X við B
á kjördag
Ég hef undanfarin fjögur ár setið á
þingi fyrir Framsókn og er stolt af
þeim árangri sem við höfum náð í
ríkisstjórn. Framsókn hefur haft sam-
vinnu að leiðarljósi í þriggja flokka
ríkisstjórn þar sem ólík sjónarmið
koma saman og það þarf að finna
bestu lausnina. Framtíðin ræðst á
miðjunni. Setjum X við B á kjördag.
Halla Signý Kristjánsdóttir.
Höf. er alþingismaður og í framboði
fyrir Framsókn í Norðvesturkjördæmi.
Er ekki best að
kjósa Framsókn?
Nú þegar líða fer að lokum á krefj-
andi kjörtímabili er gott að horfa yfir
farinn veg og meta árangurinn.
Sá málaflokkur sem tekið hefur
hvað mestu framförum á kjörtíma-
bilinu heyrir undir Lilju Alfreðs-
dóttir, mennta og- menningarmála-
ráðherra. Risastór framfaramál fyrir
íslenskt samfélag hafa náð fram að
ganga undir hennar forystu.
Lánakerfi námsmanna hefur verið
viðfangsefni stjórnmálanna frá stofn-
un Lánasjóðsins 1961. undanfarna
áratugi hafa ráðherrar menntamála
talað fyrir breytingum á kerfinu sem
var úr sér gengið en ekki haft árangur
sem erfiði, þar til núna.
Lilja Alfreðsdóttir tók af skarið
strax við upphaf kjörtímabilsins og
skipaði verkefnahóp um endurskoð-
un laga um lánakerfi námsmanna.
Þar var vandað til verka, samtalið við
stúdenta var virkt og það var hlust-
að. Afrakstur þeirrar vinnu er eitt-
hvað mesta framfaramál íslenskra
námsmanna frá stofnun Lánasjóðs ís-
lenskra námsmanna. menntasjóður
Námsmanna er fæddur og hefur tek-
ið við af LÍN.
Þessi breyting er umbylting kerfis-
ins í heild sinni og felur í sér grund-
vallarbreytingar á fyrirkomulagi
námslána til framtíðar.
Helstu umbætur kerfisins fela í
sér:
• Nemendur sem ljúka námi innan
tilgreinds tíma geta fengið námsstyrk
sem nemur 30% niðurfærslu af höf-
uðstól námsláns þeirra ásamt verð-
bótum.
• Beinn styrkur vegna framfærslu
barna nemenda í stað barnalána,
einnig fyrir meðlagsgreiðendur. Ís-
land er eitt Norðurlanda sem veit-
ir nemendum styrki vegna meðlags-
greiðslna.
• Námsstyrkirnir eru undanþegn-
ir lögum um staðgreiðslu opinberra
gjalda.
Einnig var ábyrgðarmannakerfi
LÍN afnumið, útgreiðsla og afborg-
anir eru nú mánaðarlegar og aukið
val, því nú er hægt að velja um verð-
tryggt eða óverðtryggt skuldabréf við
námslok. með öðrum orðum, frábært
mál í alla staði!
með fram þessum breytingum hef-
ur Lilja farið í nauðsynlegar hækkanir
á framfærslunni og hækkað hana um
18% en þar má enn gera betur inn í
framtíðina.
Þetta eru umfangsmestu umbæt-
ur námsmanna í áratugi og stuðla að
auknu jafnrétti til náms óháð efna-
hag. Það bætir hag námsmanna á
meðan á námi stendur en sérílagi að
námi loknu.
Fyrir samfélagið skilar þetta náms-
mönnum fyrr út í atvinnulífið með já-
kvæðum áhrifum á hagkerfið.
Fyrir mig sem námsmann skiptir
þetta miklu máli og þakka ég fyrir að
Lilja Alfreðsdóttir hafi haft kjark og
dug til að klára málið með þeim hætti
sem hún gerði. Takk fyrir mig.
Lilja Rannveig Sigurgeirsdóttir.
Höf. skipar 2. sætið á lista Framsókn-
arflokksins í NV kjördæmi.
Menntamálaráðherrann
sem gat