Skessuhorn - 29.09.2021, Blaðsíða 25

MiðVikudaGur 29. sEpTEMBEr 2021 25
Verkstjóra hjá Þórsnesi í Stykkishólmi
Dagur í lífi...
Nafn: sigfús snæfells Magnússon
Fjölskylduhagir/búseta: Bý í
stykkishólmi og er giftur ragn­
heiði Hörpu sveinsdóttur sem er
kennari við Grunnskóla stykk­
ishólms. Fimm börn; Magnús
11 ára, Íris anna 13 ára, kristín
Birna 21 árs, Þórdís Hrönn 27 ára
og kristján Gilbert 32 ára. Á tvo
hunda sem heita Hnota og Móa
og bíð eftir fyrsta barnabarninu
sem kemur í febrúar.
Starfsheiti/fyrirtæki: Verkstjóri
hjá Þórsnesi fiskvinnslu og búinn
að vera þar í fimm ár.
Áhugamál: Golf, stangveiði, smá­
vegis í hestunum og íþróttir al­
mennt.
Dagurinn: Föstudagur
24.09.2021.
Klukkan hvað vaknaðirðu og
hvað var það fyrsta sem þú
gerðir? Vakna alltaf kl. 07.00,
fyrsta sem ég geri er að klæða mig.
Hvað borðaðirðu í morgunmat?
Hafragraut.
Hvenær fórstu til vinnu og
hvernig? klukkan 07.40, labbaði
í vinnuna.
Fyrstu verk í vinnunni? að setja
tölvuna í gang.
Hvað varstu að gera klukk-
an 10? að vinna við að gera gám
klárann fyrir útflutning á söltuð­
um fiski.
Hvað gerðirðu í hádeginu?
Heim í mat og braut saman þvott.
Hvað varstu að gera klukkan
14? Vinna.
Hvenær hætt og það síðasta
sem þú gerðir í vinnunni? kl.
17.00 er vinnan búin og þá gengur
maður frá smá í tölvunni.
Hvað gerðirðu eftir vinnu? Fór
í golfmót.
Hvað var í kvöldmat og hver
eldaði? kótilettur eftir lokaslúttið
hjá golfklúbbnum Mostra. Vignir
sveinsson golfari sá um matinn.
Hvernig var kvöldið? Geggjað.
Hvenær fórstu að sofa? Milli kl.
23.00 og 24.00.
Hvað var það síðasta sem þú
gerðir áður en þú fórst að
hátta? knúsaði börnin og konuna
góða nótt.
Hvað stendur upp úr eftir dag-
inn? Frábær dagur.
Eitthvað að lokum? Já. Lenti í
þriðja sæti á golfmótinu.
Pennagrein
Ég vil þakka kjósendum Norðvest­
urkjördæmis það mikla traust sem
mér og Flokki fólksins var sýnt í
alþingiskosningunum síðastliðinn
laugardag. Ég þakka árangurinn því
að kjósendur í kjördæminu hafa trú
á okkur og þeim stefnumálum sem
flokkurinn berst fyrir. Einnig því
hugarfari og nálgun sem Flokkur
fólksins stendur fyrir þegar kemur
að viðfangsefnum samfélagsins.
Það að allir á Íslandi fái lifað
mannsæmandi lífi og að virk þátttaka
í samfélaginu og lífsgæði sé fyrir alla
er lífsviðhorf sem mikilvægt er að
halda á lofti í samfélaginu. Í kosn­
ingabaráttunni fann Flokkur fólks­
ins fyrir mikilli samstöðu og fékk
öflugan lýðræðislegan stuðning sem
hann kallaði eftir til að gera okkur
mögulegt að útrýma óréttlæti, mis­
munun og fátækt. Framhaldið ræðst
af samstarfi annarra flokka.
Við fundum fyrir mikilli samstöðu
í kjördæminu fyrir því að krafan
um jöfnun búsetuskilyrða í landinu
verði sett á oddinn í stjórnmálum.
Nauðsynlegir innviðir á borð við
nútímasamgöngur og öflugt fjar­
skiptasamband, ásamt góðri heil­
brigðisþjónustu og menntun, sem
stenst samanburð við höfuðborgar­
svæðið, er réttmæt krafa íbúa lands­
byggðarinnar.
Fjölbreytt atvinnulíf er styrk­
asta stoð allrar byggðar. Öflugar
strandveiðar með frjálsum hand­
færaveiðum eru ein slík stoð og eiga
sér langa sögu líkt og hefðbundinn
landbúnaður. krafan um að íbúar
sjávarbyggða njóti aukins réttar til
að nýta sjávarauðlindina með já­
kvæðum áhrifum á sjávarplássin víðs
vegar um land er réttmæt krafa sem
auðvelt er að ná sátt um sé vilji fyrir
hendi.
Byggð í blóma er grundvöllur
öflugrar ferðaþjónustu. Mikilvægt
er að auka aðgengi ferðamanna að
Vesturlandi og áfram til Vestfjarða
og Norðurlands vestra með bætt­
um vegsamgöngum. Þar er sunda­
braut mikilvægust, auk betri veg­
tenginga innan kjördæmisins og til
Þingvalla og suðurlands um ux­
ahryggi, sem og Breiðafjarðarferja
sem stenst nútímakröfur.
sundabraut er án vafa þjóðhags­
lega hagkvæmasta vegaframkvæmd­
in sem völ er á í dag og skiptir miklu
fyrir Norðvesturkjördæmi og allt
Norðurland. Ekki síst fyrir akra­
nes og myndi styrkja stöðu bæjar­
ins sem hluta af atvinnusvæði höf­
uðborgarinnar og er eðlilegt fram­
hald Hvalfjarðarganga. sundabraut
er framkvæmd sem allir þingmenn
Norðvesturkjördæmis ættu að sam­
einast um, ásamt þingmönnum
Norðausturkjördæmis, enda mik­
ilvægt hagsmunamál fyrir lands­
byggðina og landið allt.
Við í Flokki fólksins lítum með
bjartsýni til næsta kjörtímabils og
þeirra verkefna sem bíða okkar í að
bæta íslenskt samfélag. Eitt af þeim
verkefnum er að gæta hagsmuna
Norðvesturkjördæmis og stuðla
að því að byggð og atvinnulíf kjör­
dæminu eflist. Tækifærin þar eru
ótrúlega mörg.
Ég er þakklátur kjósendum kjör­
dæmisins fyrir þá góðu kosningu
sem Flokkur fólksins fékk á kjördag
og mun vinna að málefnum kjör­
dæmisins eftir fremsta megni. Ég
þakka traustið.
Eyjólfur Ármannsson
Höfundur var kjördæmakjörinn
í 6. sæti í alþingiskosningunum 25.
september sl.
Þakka
traustið
stykkishólmsbær hóf fyrir skömmu
að bjóða upp á akstursþjónustu fyr­
ir eldri borgara, 67 ára og eldri.
Þjónustan er í boði alla fimmtu­
daga frá kl. 13 til 15 og er gjald fyr­
ir hverja ferð 500 krónur. Hægt er
að panta akstur með því að hringja
í afgreiðslu ráðhússins og sér Bogi
Thorarensen Bragason um akstur­
inn. skessuhorn heyrði í Boga og
spurði hann hvernig það hafi komið
til að hann tók þetta verkefni að sér.
Bogi segir að það hafi verið hringt
í hann frá bænum fyrir skemmstu
og hann beðinn um að sjá um akst­
urinn: „Ég var sko aldeilis til í það
og mér fannst það vera forréttindi
að taka þetta að mér. Það vantaði
ákveðinn aðila til að hjálpa eldri
borgurum í bænum að ferðast um,
kíkja í verslanir, til læknis og þess
háttar.“
Bogi hefur verið öryrki frá árinu
2016 og hefur í rólegheitum verið
að ná sér eftir tvær aðgerðir á ökkla
sem hann fór í fyrir nokkrum árum
síðan. Bogi segir að þjónustan fari
hægt af stað enda er þetta nýbyrjað
og hvetur hann fólk til að hafa sam­
band og nýta sér þessa þjónustu:
„Ég fór í mína fyrstu ferð þarsíðasta
fimmtudag og þar skutlaði ég konu
í Bónus og í smá stúss. Hún var það
ánægð að hún pantaði mig vikulega
nokkrar ferðir fram í tímann. Ég
get tekið alls fjóra í einu í bílinn ef
því er að skipta og upplagt fyrir el­
dra fólk að geta kíkt saman í bæinn
upp á félagsskapinn.“
Bogi segir að lokum að það þýði
ekkert annað en að vera bjartsýnn
á að það verði tekið vel í þessa þjó­
nustu eldri borgara í stykkishólms­
bæ. Hann hlakki mikið til að key­
ra eldri borgara út um allar trissur,
hann lofi skemmtilegum félagsskap
og þægilegum bíltúr.
vaks
Bogi Thorarensen Bragason við bílinn í fyrsta skutlinu. Ljósm. sá.
„Forréttindi að fá að taka
þetta að mér“
Þessi erlendi ferðamaður lenti í
vandræðum með að hemja vind­
inn þegar hann hugðist taka sjálfs­
mynd við rætur kirkjufells í norð­
an rokinu í gær. Hvorki glæsileg­
ur hatturinn né fáninn vildu vera
til friðs.
Ljósm. tfk
Með mexíkóskan hatt í
sjálfsmyndatöku