Skessuhorn - 29.09.2021, Blaðsíða 4

MiðVikudaGur 29. sEpTEMBEr 20214
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Finnbogi Rafn Guðmundsson frg@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Ég tel
um svipað leiti og bændur fóru til morgunmjalta á sunnudaginn lágu fyrir
niðurstöður úr fyrstu talningu atkvæða í kosningum til alþingis. atkvæða­
skipting var nokkuð spennandi á laugardagskvöldið og framan af nóttu,
en fljótlega varð þó ljóst hver vilji landsmanna myndi verða. Þeir völdu að
tryggja sitjandi ríkisstjórn í sessi. samandregið bætti stjórnin við sig nokkr­
um þingsætum, Miðflokkurinn galt afhroð og landsmenn ákváðu að sósíal­
istinn sinn héti inga en ekki Gunnar. aðrir flokkar fengu minna eða svip­
að fylgi en þeim hafði verið spáð. samtals munu átta flokkar eiga fulltrúa á
alþingi Íslendinga.
Eftir hádegi á sunnudaginn hófst síðan atburðarás sem, þegar þetta er
skrifað, sér ekki fyrir endann á. Ákveðið var að endurtelja atkvæði í Norð­
vesturkjördæmi. Landskjörstjórn hafði verið með vangaveltur um að þar
sem litlu munaði á fylgi væri e.t.v. ástæða til að endurtelja í tveimur kjör­
dæmum; suður­ og Norðvestur. Yfirkjörstjórn í Borgarnesi brást hratt við
og boðaði illa­ eða ósofið talningarfólkið til vinnu að nýju. Hvort sem taln­
ingarfólk var betur vakandi þá, eða ekki, varð niðurstaðan sú að ekkert
framboðanna tíu fékk sama atkvæðafjölda eftir endurtalningu og í fyrri um­
ferð. Ekki geri ég mér grein fyrir hverju þetta misræmi sætti, en vafalítið
hefur ekki verið heiglum hent að flokka atkvæði í fremur daufri lýsingu
gamla ballhússins. Yfirkjörstjórn í suðurkjördæmi tók síðan á mánudaginn
ákvörðun um að endurtelja öll atkvæði eftir að helmingur flokka hafði ósk­
að eftir því. allt var upp á punkt og prik þar.
Ég tek það fram að þetta er skrifað á þriðjudegi. algjörlega er óvíst á
þessari stundu hverjir eftirmálar verða af beiðni um endurtalningu atkvæða.
Endurtalningin sjálf er sögð orka tvímælis en ekki síst varðveisla þeirra í sex
tíma frá morgni sunnudags og fram yfir hádegi. Lögregla rannsakar það.
Þrír slæmir kostir eru í stöðunni og mun væntanlega alþingi þurfa að
kveða úr um næstu skref. spaugilegt að það er nýkjörið alþingi, setið af
einmitt því fólki sem óvissan stendur um. Þessir þrír kostir eru í fyrsta lagi
sá að fyrsta talning atkvæða í Norðvesturkjördæmi verði látin gilda, þrátt
fyrir að fyrir liggi að hún var ekki sérlega nákvæm. annar kostur er sá að ef
lögreglurannsókn leiðir í ljós að ekki hafi verið átt við kjörgögnin í talning­
arhlénu á sunnudaginn að niðurstaða endurtalningar gildi. Loks er þriðji
kosturinn sá að kosið verði að nýju til alþingis í Norðvesturkjördæmi. Þá
líklega innan fjögurra vikna. Ef sú verður raunin, sem ég er hreint ekki að
óska mér, verður landið stjórnlaust í meira en mánuð.
Það er grafalvarlegt að hægt sé að deila um réttmæti talningar á atkvæð­
um í alþingiskosningum. Mögulega hafa ekki verið uppfyllt ákvæði laga um
vörslu atkvæða, mögulega hefur ekki bara eitt eða tvennt farið úrskeiðis.
Tíminn mun leiða það í ljós. Þegar litlu munar á fylgi þeirra sem tæpast
standa er hins vegar í hæsta máta eðlilegt að þeir geri þá skýlausu kröfu að
framkvæmd talningar og réttmæti niðurstöðunnar þar af leiðandi, verði
hafin yfir allan vafa.
Ef kjósa þarf að nýju megum við búast við afar ólíkri niðurstöðu en í
kosningunum um helgina. Tvímælalaust mun ákvörðun einhverra þeirra
21.548 sem á kjörskrá eru byggjast á niðurstöðu síðustu kosningar. Hægt er
að gefa sér að niðurstaðan verður alls ekki sú sama og eftir síðustu helgi.
Á það hefur verið bent að kosningar með gömlu fyrirkomulagi séu barn
síns tíma. Þar sem krossað er á pappírsseðil, atkvæði sett í kassa og ekið
með það þvert yfir landið til talningar, óháð veðri og færð. Árið er 2021 og
maður skyldi ætla að nú væri til sú tækni sem gerði það mögulegt að kjósa
rafrænt án þess að rekjanleiki atkvæða verði til staðar. Ef kjósa þarf aftur
eftir nokkrar vikur verður þó ekki hægt að breyta þessu í tæka tíð. En á
fjórum árum ætti það að vera hægt.
Magnús Magnússon
réttað var í Þæfusteinsrétt í snæ­
fellsbæ um næstsíðustu helgi í
ágætis veðri og voru fjárskil með
ágætum. Það urðu fagnaðarfund­
ir hjá Vigdísi Júlíu Viðarsdótt­
ur og heimalningnum agnarögn
sem fór á fjall í vor. Var hún frek­
ar smá þegar hún fór á fjallið og
sagði sólveig Bláfeld agnarsdóttir
að þau hefðu ekki búist neitt frek­
ar við því að hún hefði sumarið af
á fjallinu. agnarögn kom þó öllum
á óvart í réttunum. Hún var held­
ur ekki lengi að finna mannfólkið
sitt í réttinni og urðu heldur bet­
ur fagnaðarfundir eins og sjá má á
myndinni. þa
Á fundi sveitarstjórnar í dalabyggð
12. ágúst síðastliðinn var samþykkt
að hefja undirbúning fyrir alút­
boð á nýjum íþróttamannvirkjum
í Búðardal. Í lok síðustu viku var
auglýst eftir þátttakendum í for­
vali fyrir þátttöku í alútboðinu. að
sögn kristjáns sturlusonar sveitar­
stjóra var ákveðið að byrja á forvali
svo sveitarstjórn fái hugmynd um
hversu mikill áhugi er á verkinu. Á
fundi sveitarstjórnar 9. september
síðastliðinn var lagt fram minnis­
blað frá starfshópi í undirbúningi
íþróttamannvirkja. Þar sem segir
að í forvalsgögnum skuli gera ráð
fyrir að verktaki úvegi allt hönn­
unarteymið og eru umsækjendur
beðnir um að taka afstöðu til þess
hvort 600 milljóna króna mark sé
raunhæft í núverandi tillögu.
Á íþróttamiðstöðin að hafa
íþróttasal, þjónustukjarna með
búningsklefum, lyftingasal og úti­
sundlaug. Í auglýsingunni segir að
íþróttamiðstöðin eigi að vera um
1.300 fm að stærð og er þá úti­
svæði með sundlaugarkeri, vaðlaug
og heitum pottum um 200 fm.
Áætlað er að starfsemin verði öll á
einni hæð. „Þá verður gert ráð fyrir
lagnarými sundlaugar í kjallara og
tæknirými á 2. hæð húss. Í húsinu
verður hægt að iðka ýmsar íþrótt­
ir, bæði æfingar og keppni en mið­
að er við að í því verði mætt kröf­
um til keppni í körfubolta,“ segir í
auglýsingunni frá dalabyggð. að­
spurður segir kristján sveitarstjóri
það eiga eftir að koma í ljós hvern­
ig forvalið fari áður en nákvæm
tímalína fyrir verkið gæti legið fyr­
ir. Í forvalsgögnunum eru sett fram
drög að tímalínu og samkvæmt
henni ætti vali á þátttakendum í
alútboði að ljúka 22. október næst­
komandi og alútboðsgögn að vera
afhent verktökum 18. nóvember.
Tilboðum í verkið á að skila ekki
síðar en 7. janúar næstkomandi og
áætlað er að undirritun verksamn­
ings verði 21. janúar og að fram­
kvæmdir hefjist þá. „En þetta er þó
allt með fyrirvara um hvað kemur
út úr forvalinu og ákvarðanir sveit­
arstjórnar í framhaldi af því,“ segir
kristján.
„Verkkaupi hefur sett bygging­
unni og starfsemi hennar sjálf­
bærnimarkmið sem mikilvægt er að
fylgja eftir. Lögð er megináhersla á
að verkið verði unnið á sem hag­
kvæmastan hátt,“ segir í auglýs­
ingunni. umsókn skal skila með
tölvupósti með öllum umbeðnum
gögnum fyrir kl. 16 þriðjudaginn
12. október næstkomandi. For­
valsgögnin verða afhent að ósk
umsækjenda í gegnum tölvupóst,
kristjan@dalir.is. Nánari upplýs­
ingar er að finna á vef dalabyggð­
ar. arg/ Ljósm. sm
appelsínugul viðvörun var í gildi á
öllu Vesturlandi þegar skessuhorn
fór í prentun síðdegis í gær. Við
Breiðafjörð var norðvestan 20­28
m/s, éljagangur með skafrenningi
og lélegu skyggni. auk þess var var­
að við hækkandi sjávarstöðu vegna
áhlaðanda. Á sunnanverðu snæ­
fellsnesi var ofsaveður og fóru vind­
hviður yfir 45 m/s. Heldur hæg­
ari vindur var á öðrum svæðum við
Faxaflóa en þó sumsstaðar hvasst,
éljagangur og lélegt skyggni. Ekk­
ert ferðaveður var víða í landshlut­
anum og var Fróðárheiði, Bröttu­
brekku og Holtavörðuheiði lok­
að vegna óveðurs. Björgunarsveit­
ir voru í gær kallaðar til aðstoðar
ökumönnum á Holtavörðuheiði.
Þá var færð víðar slæm, sérstaklega
á sunnanverðu snæfellsnesi og í
dölum. Ekki var komið í ljós hvort
tjón hafi orðið af völdum veðursins
þegar skessuhorn fór í prentun síð­
degis í gær.
arg/ Ljósm. tfk.
Forval um byggingu
íþróttamannvirkja í Búðardal
Gunnar Hjálmarsson at-
hugar landfestar á bát sínum
í Grundarfjarðarhöfn áður en
óveðrið skall á í gær.
Stormur gekk yfir Vesturland í gær
Sigurborg SH 12 heldur til veiða og lét áhöfnin óveðrið ekki á sig fá.
Agnarögn skilaði sér af fjalli