Skessuhorn - 29.09.2021, Blaðsíða 28

MiðVikudaGur 29. sEpTEMBEr 202128
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
S
K
E
S
S
U
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
Sími: 860-0708 • bv.sprautun@gmail.com
Vinnum fyrir öll tryggingafélög
Víkingur Ólafsvík endaði í neðsta
sætinu í Lengjudeildinni í sumar
með átta stig í 22 leikjum, vann tvo
leiki, gerði tvö jafntefli og tapaði
átján leikjum. Blaðamaður skessu­
horns heyrði í Guðjóni Þórðar­
syni, þjálfara Víkings, sem tók við
liðinu í byrjun júlí af Gunnari Ein­
arssyni og fyrsta spurningin til hans
var hvernig hefði verið að ganga
inn í þessar aðstæður eftir mjög
slæmt gengi liðsins. Guðjón segir
að það hafi verið ákveðin áskorun.
Það hefði verið vitað mál að staðan
væri erfið, ætlunin var að reyna að
gera eins vel og hægt var en þetta
hafi verið mjög erfiðar aðstæður að
koma inn í.
Covid drap
niður taktinn
Hvernig gekk þér að koma þínum
hugmyndum inn í hópinn? „Það
gekk nú rysjótt því ég var bara
búinn að æfa í nokkra daga þeg­
ar skall á okkur covid. Við sátum í
sóttkví og einangrun og þeir leik­
menn sem voru lengst voru í 17­19
daga í einangrun. Það drap eigin­
lega alveg taktinn sem við vorum að
byggja upp og frestaði því að leik­
menn gætu komið sér í form og í
betra stand. Það setti strik í reikn­
inginn en það var svo sem viðbúið
að ef það væri eitthvað sem myndi
ekki hjálpa manni að þá væri það
covid.“
Hvernig fannst þér liðið spila
eftir að þú komst inn sem þjálfari?
„Við vorum rosalega brothættir í
mótlætinu og ef eitthvað var gegn
okkur, þá voru menn fljótir að
beygja af leið. Þegar fór að líða á
að þá fóru menn að spila kannski að
mörgu leyti ágætlega úti á vellinum
en það vantaði þessa framkvæmd
fyrir framan mark andstæðingana
og svo að halda haus í varnarleikn­
um.“
Sjálfstraustið var ekkert
aðspurður um andann í hópn­
um og sjálfstraustið segir Guð­
jón að það væri hægt að orða það
þannig að sjálfstraustið hafi verið
ekkert og gengi liðsins verið með
þeim hætti að það var lítið um góða
frammistöðu. Þá vantaði talsvert
upp á andann í liðinu og þjálfar­
arnir reynt að létta á honum og láta
leikmenn spila og þora að spila fót­
bolta án þess að hafa áhyggjur. En
hvernig er að koma inn í svona hóp
þar sem helmingurinn er íslenskur
og hinn erlendir leikmenn? „Það er
náttúrulega öðruvísi, menn eru að
koma frá löndum eins og afríku,
suður Evrópu og Bretlandi. Það
er mismunandi hugarástand, hugs­
un og áherslur hjá mönnum en það
sem er kannski erfiðast að menn
finna mismunandi mikið til þegar
þeir tapa, það særir þá mismikið.“
Guðjón segir einnig að sem betur
fer hafi flestir skilið ensku, og hlær
en bætir við að enskan hans hafi
ekki verið vandamálið: „Það voru
stærri vandamál en enskukunnáttan
mín. Þú ert auðvitað með blöndu af
ungum og reynslulitlum strákum
en maður vinnur þetta mikið mað­
ur á mann, í samtölum og viðtölum
við leikmennina í staðinn fyrir að
halda stóra og mikla fundi.“
sástu einhvern tímann fyrir þér á
einhverjum tímapunkti að þið gæt­
uð bjargað ykkur frá falli? „Ég hélt
að það væri möguleiki en þegar skall
á okkur covid að þá brotnaði alveg
upp þessi rútína sem við vorum að
byrja að byggja upp og ég held að
menn hafi misst móðinn þegar þeir
komu úr covid. Margir voru búnir
að vera í sóttkví í tíu daga og svo
aðrir í einangrun í rúmar tvær vik­
ur. Á miðju tímabili er þetta rot­
högg og ef það var einhver von að
þá fjaraði hún út í covid. Þetta var
rosalega íþyngjandi, ég var ráðinn í
byrjun júlí og svo byrjuðum við að
æfa og vorum að reyna að koma ein­
hverjum krafti í þetta og skipulagi á
þetta og þá fjaraði undan því, það
stoppaði allt og það var allt strand.
Þeir sem voru í einangruninni voru
meðal annars í sóttkví í reykjavík
og í einangrun þar og svo í einangr­
un bæði í Grundarfirði og í Ólafs­
vík. Það var kannski höggið sem ég
átti ekki von á og virtist það vera
þannig að menn virtust ekki hafa
trú á því að það væri hægt að snúa
þessu við.“
Enginn einn sannleikur
Það vakti athygli eftir að þú tókst við
af Jóni páli um mitt sumar í fyrra og
kláraðir tímabilið með Víkingi að
þú skyldir ekki verða þjálfari liðsins
áfram. Hver var ástæðan fyrir því?
„stjórnin vildi fara aðra leið, prófa
eitthvað annað. Við vorum í samn­
ingaviðræðum og það náðist ekki
saman um hvernig ætti að gera hlut­
ina. Ég taldi að það væri betra fyr­
ir mig að bakka frá því heldur en að
fara inn í eitthvað sem ég væri ekki
sáttur við. Það er í fótboltanum eins
og í mörgu öðru, það er enginn einn
sannleikur í því en menn hafa mis­
munandi skoðanir. reynslan er bara
þannig að hún lýgur ekki, hún getur
verið ánægjuleg og skemmtileg, hún
getur líka verið súr en lýgur aldrei.“
Það er ljóst að Guðjón verður
áfram þjálfari liðsins á næsta tíma­
bili í 2. deildinni og segir hann að
það þurfi nánast að byggja upp
nýtt lið: „Ég er búinn að hafa sam­
band við flestalla leikmennina með
það fyrir augum hvað þeir ætla sér
og hvað við ætlum okkur. sú vinna
er raunverulega hafin að undirbúa
okkur fyrir það sem þarf að gera.
Menn eru rétt að stíga út, deildirn­
ar eru að klárast á þessum dögum.
Eli keke, Bjartur Bjarmi og nokkr­
ir aðrir eru á samning og svo á að
semja við yngri strákana. Það þarf
að skoða stöðuna maður fyrir mann
og byrja á því að skoða hvað er fast í
hendi og síðan verður að búa til æf­
ingahóp sem getur æft og unnið af
krafti í vetur þannig að við getum
komið í sæmilegu standi inn í tíma­
bilið á næsta ári.“
Sækja liðsstyrk
Eruð þið að æfa fyrir vestan á vet­
urna? „Við erum að búa til æfinga­
hóp fyrir vestan þar sem við verðum
í samstarfi með reyni frá Hellis­
sandi og ætlum að prjóna það svo­
lítið saman. En undirbúningur­
inn er erfiður, það eru strákar fyr­
ir sunnan og það er náttúrulega tví­
skiptur hópur en við ætlum að reyna
að vinna þetta saman, ég og Brynjar
aðstoðarþjálfari, eins og við getum.
Við erum að vona að hópurinn fyr­
ir vestan stækki svolítið, það eru að
koma upp ungir strákar úr 3. flokki
og við ætlum að reyna að þétta hóp­
inn þannig að við getum haft góðan
æfingahóp. svo eru einhverjir sem
eru fyrir sunnan og ef þarf að sækja
íslenska leikmenn, þá er það á höf­
uðborgarsvæðinu. Þetta verður tví­
skipt og þetta verður púsl.“ Nokkr­
ir strákar af skaganum tóku slaginn
í sumar með Víkingi en hvað þeir
gera næsta sumar er óráðið. Guð­
jón segir að hann sé búinn að tala
við þá og að þeir séu að skoða sína
stöðu: „Við ætlum að vera í sam­
bandi, ég var ágætlega sáttur við
margt sem þeir voru að gera og það
voru leikmenn sem sýndu framfar­
ir. Þegar menn eru í framför að þá
er gott að byggja á því en það þarf
bara að koma í ljós hvað verður og
það sem upp á vantar verðum við að
sækja okkur og það þarf að vanda
það vel.“
Keppni hörð í
öllum deildum
að lokum, stefnan er líklega sú að
koma liðinu aftur upp í Lengju­
deildina. Ertu bjartsýnn á að það
takist? „Það fer auðvitað eftir því
hvernig okkur tekst að búa til lið.
Við þurfum að sækja menn og það
kostar peninga. Við erum ekki með
uppalda leikmenn sem geta tekið
þann slag, ekki til framtíðar en þeir
verða náttúrulega með í hópnum
og það eru nokkrir af þessum ungu
leikmönnum sem eru til staðar sem
eiga bjarta framtíð ef þeir eru til í
að leggja mikla vinnu á sig. Vinnan
er undanfari árangurs en við verð­
um að sækja okkur góðan hóp af
leikmönnum. Það er ekki sjálfgef­
ið að komast upp úr 2. deild, það
eru mörg lið sem eru búin að reyna
í mörg ár. Þróttur Vogum var að
byggja sitt lið í þrjú ár til að kom­
ast upp, þetta tekur allt sinn tíma að
búa til lið. Liðin sem féllu í ár, við
og Þróttur reykjavík, ætla sér upp
og það eru fleiri lið eins og Hauk­
ar, Njarðvík og Völsungur sem ætla
sér sæti í deild fyrir ofan. keppni í
öllum deildum er hörð og það er
erfitt að vinna deild og til þess að
vinna deild þarftu að vera með gott
lið.” vaks
„Við vorum rosalega brothættir í mótlætinu“
Segir Guðjón Þórðarson, þjálfari Víkings, í viðtali við Skessuhorn
Guðjón Þórðarson og Brynjar Kristmundsson, þjálfarar Víkings. Ljósm. af