Skessuhorn - 10.11.2021, Blaðsíða 23

MIÐVIKUDAGUR 10. NÓVEMBER 2021 23
Dagur í lífi...
Nafn: Rebekka Eiríks
Fjölskylduhagir/búseta: Eigin-
maður minn heitir Kristján Þór
og við eigum tvær dætur sem heita
Védís Fríða 19 ára og Aníta Hanna
16 ára. Við búum á Stað í Reyk-
hólahreppi. Rekum saman félagsbú
með móður minni sem heitir Sig-
fríður Magnúsdóttir.
Starfsheiti/fyrirtæki: Er bóndi
og bý með kýr, kindur, hænur og
stunda æðarrækt. Starfa einnig sem
leiðbeinandi við Reykhólaskóla.
Sé um smíðatíma fyrir fullorðna
á vegum félagsþjónustunnar. Er í
hlutastarfi við Hjúkrunarheimilið
Barmahlíð.
Áhugamál: Útivist og hreyfing,
búskapurinn, ýmislegt handverk og
margt fleira. Ég hef ekki tíma til að
láta mér leiðast.
Dagurinn: Fimmtudagurinn 4.
nóvember.
Klukkan hvað vaknaðirðu og
hvað var það fyrsta sem þú gerð-
ir? Vaknaði klukkan 7:20 og gerði
mig klára fyrir skóladaginn.
Hvað borðaðirðu í morgunmat?
Borðaði hafragraut klukkan 9:10 í
skólanum.
Hvenær fórstu til vinnu og
hvernig? Ég fór í vinnuna klukkan
7:50 og þarf að keyra um tíu kíló-
metra leið þangað.
Fyrstu verk í vinnunni? Byrjaði
á að undirbúa kennslu í vali fyr-
ir unglingadeildina. Sem sagt, þau
eru í smíðavali og ég þurfti að taka
til efni og fleira fyrir þau.
Hvað varstu að gera klukkan 10?
Þá var ég að kenna sköpun á mið-
stigi og þau eru að gera verkefni
um þau sjálf. Þau eru að gera lík-
an sem segir frá þeim og áhuga-
málunum og fleiru sem þau nota til
að lýsa sér.
Hvað gerðirðu í hádeginu? Ég
borðaði hádegismat og spjallaði svo
við samstarfsfólk mitt í smá stund
áður en ég fór að kenna aftur.
Hvað varstu að gera klukkan 14?
Ég var í smíðastofunni að undirbúa
næstu viku og einnig að gera klárt
fyrir smíðatímann fyrir fullorðna
hjá félagsþjónustunni sem byrjar
klukkan 16.
Hvenær hætt og það síðasta sem
þú gerðir í vinnunni? Ég kláraði
að græja og gera í smíðastofunni
klukkan 16 og þá voru snillingarn-
ir í fullorðins smíðinni að mæta.
En það síðasta sem ég gerði í þeim
tíma var að hjálpa einni að klára að
mála hesta sem hún er að gera.
Hvað gerðirðu eftir vinnu? Þegar
ég var búin í smíðatímanum fór ég
heim í fjósið klukkan 18:30. Eftir
fjós fór ég svo í fjárhúsin og kíkti á
gemlingana og hænurnar. Þegar ég
var búin að því fór ég í gönguferð
og að undirbúa ferð til Hveragerð-
is þar sem ég er að fara á námskeið
sem heitir tálguleiðbeinandinn og
verð þar seinnipart föstudagsins
og á laugardag. Þarf að vera með
kynningu þar og gera tálgmunina
mína sem ég er búin að gera klára.
Hvað var í kvöldmat og hver eld-
aði? Það var brauð og súpa sem ég
og móðir mín gerðum í samein-
ingu.
Hvernig var kvöldið? Kvöldið
var mjög fínt í hreyfingu og hug-
leiðingum og undirbúningi á tálg-
unarámskeiðinu.
Hvenær fórstu að sofa? Fór að
sofa um klukkan 24.
Hvað var það síðasta sem þú
gerðir áður en þú fórst að hátta?
Ég las yfir kynninguna mína á tálg-
unarámskeiðinu og setti svo vatn í
skál fyrir hundana og spjallaði smá
við þá. Hlustaði svo á sögu fyrir
svefninn sem heitir Allt hold er hey
eftir Þorgrím Þráinsson.
Hvað stendur upp úr eft-
ir daginn? Átti bara mjög góðan
dag með nemendum mínum bæði
stórum og smáum. Eftir skóla var
líka mjög fínt að undirbúa helgina á
námskeiðinu.
Eitthvað að lokum?
Veit ekki hvernig ég á að orða það
en er mjög heppin að starfa við
mjög fjölbreytt störf sem gera flesta
daga mjög skemmtilega. Búskapur-
inn er líka mjög fjölbreyttur og
gengur í mislöngum törnum.
Bónda og leiðbeinanda
Englaklæði er hópur á vegum
styrktarfélagsins Gleym mér ei, fé-
lags sem er til staðar fyrir fólk sem
missir barn á meðgöngu eða stuttu
eftir fæðingu. Tilgangur hóps-
ins er að taka brúðarkjóla og gera
úr þeim klæði til að jarðsetja börn
í. Hópurinn hefur haldið svokall-
aða saumadaga þar sem áhugasam-
ir hittast og sauma saman, en vegna
Covid hefur ekki verið haldinn
saumadagur í nokkurn tíma. Næst-
komandi laugardag, 13. nóvem-
ber, á loks að halda saumadag og að
þessu sinni í samkomuhúsinu við
Þverárrétt í Borgarfirði. Sauma-
dagurinn er opin öllum sem hafa
áhuga á að taka þátt í þessu verk-
efni. Húsið verður opið frá kl. 10 til
16 og er fólki velkomið að stoppa
stutt við eða jafnvel vera allan tím-
ann. Þá er einnig hægt að koma og
sækja efni og fá snið sent í tölvu-
pósti svo hægt sé að sauma heima
hjá sér. Er fólk beðið um að taka
með sér saumavélar, skæri, tvinna
og borða. Nánari upplýsingar um
viðburðinn; Saumadagur Engla-
klæða á Facebook.
arg
Englaklæði saumuð í
Borgarfirði á laugardaginn
„Vegna örrar fjölgunar Covid-19
smita með auknu álagi á heilbrigð-
iskerfið bráðvantar fleira heilbrigð-
isstarfsfólk á skrá í bakvarðasveit
heilbrigðisþjónustunnar,“ segir í
tilkynningu frá heilbrigðisráðu-
neytinu. Óskað er eftir liðsinni
heilbrigðisstarfsfólks sem er reiðu-
búið að koma tímabundið til starfa
með skömmum fyrirvara, hvort
sem er í fullt starf, hlutastarf eða
tímavinnu, eftir því sem aðstæður
leyfa.
Bakvarðasveit heilbrigðis-
þjónustu var sett á fót í upphafi
Covid-19 faraldursins þegar ljóst
var að mikilvægar heilbrigðisstofn-
anir gætu lent í mönnunarvanda
vegna veikindafjarvista starfsfólks
eða fjarvista vegna sóttkvíar. „Nú
hefur ákall borist frá Landspítala
og fleiri heilbrigðisstofnunum sem
þurfa á fólki að halda og því er þess
farið á leit að heilbrigðisstarfsfólk
sem hefur tök á að veita liðsinni
skrái sig í bakvarðasveitina. Nánari
upplýsingar um bakvarðasveitina
koma fram með skráningarformi
sem er að finna á heimasíðu heil-
brigðisráðuneytisins. Þar kemur
fram að laun taka mið af kjarasamn-
ingi/ stofnanasamningi viðkomandi
stéttarfélags á viðkomandi stofnun.
mm
Una útgáfuhús var að senda frá sér
tvær nýjar bækur sem báðar hafa
tengingu við Akranes. Annars vegar
er það ljóðabókin Umframfram-
leiðsla eftir Skagamanninn Tómas
Ævar Ólafsson. Hins vegar er það
skáldsagan Guð leitar að Salóme
eftir Júlíu Margréti Einarsdóttur,
þar sem Akranes er sögusvið bók-
arinnar.
„Umframframleiðsla er ljóð-
ræn rannsókn á þeim verkefnum
sem nútímasamfélag beitir á innstu
kjarna manneskjunnar,“ segir í lýs-
ingu á bókarkápu. Í leit sinni að
lausn undan óefni í sálarlífinu leit-
ar ljóðmælandi til þriggja kvenna;
trúnaðarvinkonu, sálfræðings og
ókunnugrar manneskju á öldur-
húsi. Fjallar bókin um viðbrögð
þessara kvenna.
Bókin Guð leitar að Salóme fjallar
um Salóme sem týnir ketti rétt fyrir
jólin og í leit sinni að kettinum ven-
ur hún komu sína á Kringlukrána.
„Hún sest við barinn og skrifar bréf
þar sem hún opinberar sig í fyrsta
sinn. Bréfin eru stíluð á hina dular-
fullu Helgu sem vann með Salóme í
versluninni Betra lífi tíu árum áður.
Með lifandi frásagnargleði afhjúp-
ar hún sjálfa sig og leitar skilnings
á fjölskyldusögunni, ástinni og sál-
arstríði ungrar konu í grátbrosleg-
um smábæjarharmleik þriggja ætt-
liða á Akranesi,“ segir í lýsingu um
bókina.
arg
Brýn þörf fyrir
fleiri í bakvarðasveit
heilbrigðisstofnana
Guð leitar að Salóme er skáldsaga sem
gerist á Akranesi.
Tvær nýútkomnar bækur
tengdar Akranesi
Umframframleiðsla er ljóðabók eftir
Skagamanninn Tómas Ævar Ólafsson.