Skessuhorn - 10.11.2021, Qupperneq 25

MIÐVIKUDAGUR 10. NÓVEMBER 2021 25
Á föstudaginn var Assa BA dreg-
in með dráttarbát frá Reykjavík og
bundin við bryggju í Akraneshöfn.
Assa BA hét áður Laugarnes og
var olíuflutningaskip. Sjótækni á
skipið í dag og er skráð heimahöfn
þess á Tálknafirði. Þessi misserin
er unnið að breytingum á skipinu
til að það geti þjónað nýju hlut-
verki en Sjótækni sérhæfir sig m.a.
í ýmissi þjónustu til sjós, svo sem
dýpktunarframkvæmdum, neðan-
sjávarlögnum og þjónustu við fisk-
eldisfyrirtæki. Að sögn Kjartans J
Haukssonar framkvæmdastjóra
Sjótækni er verkefnastaða fyr-
irtækisins góð og að jafnaði um
fimm skip á floti í einu. Hann seg-
ir að ýmsar breytingar verði nú
gerðar á Össu og muni þær standa
yfir fram eftir vetri. Á meðan
verður skipið bundið við bryggju
á Akranesi. Assa var smíðuð árið
1978 í Saxköbing í Danmörku, er
371 brúttótonn og 41,28 metri að
lengd.
mm
Gæludýraverslunin Dýrabær var
opnuð á Akranesi 1. júní árið 2018
og hefur því verið starfrækt í meira
en þrjú og hálft ár. Skagamaðurinn
Patrekur Sveinn Þorkelsson hef-
ur starfað í versluninni frá upphafi.
Blaðamaður rak inn nefið í verslun-
inni í síðustu viku og tók hann í smá
spjall. Patrekur segir að í verslun-
inni sé allt til alls fyrir öll gæludýr
og úrvalið mjög fjölbreytt. Helstu
merkin í hundafóðrinu eru Bark-
ing Heads, Dr. Clauder og Aatu.
Kettirnir geta gætt sér á Meowing
Heads og Dr. Clauder og sameig-
inlega á fóðrinu Canagan. Þá er til
fóður fyrir hesta, naggrísi, páfa-
gauka, fiska og fleiri dýr en Dýra-
bær selur einungis vörur sem eru
unnar úr náttúrulegum hráefnum
án aukaefna, svo sem rotvarnar- og
litarefna. Þá er lögð áhersla á að að
selja vörur sem viðhalda heilbrigði
og vellíðan dýranna og þær verið
valdar af mikilli kostgæfni.
Patrekur segir að þau hafi fund-
ið fyrir því á þessum árum að dýra-
eign hefur aukist og sérstaklega í
kórónuveirufaraldrinum. Þá segir
hann að Skagamenn og nærsveit-
ungar hafi tekið vel á móti versl-
uninni frá byrjun og er starfsfólk
afar þakklátt fyrir það. Verslunin
er einnig með allskonar fylgihluti
fyrir dýrin eins og búr, bæli, klór-
ur, leikföng, matarskálar, heilsuvör-
ur, bursta, föt, tauma, klippur, sáp-
ur og þess háttar. Þá segir Patrekur
brosandi frá því að í næstu viku séu
væntanlegar jólavörurnar eins og
til dæmis nammi, bein og jólahúf-
ur. Aðspurður hvort hann hafi lent
í einhverjum skemmtilegum uppá-
komum í vinnunni segir hann að
eitt sinn hafi hann verið spurð-
ur um apamat, en taldi að líkleg-
ast væri verið að gera grín. Skjald-
bökufóður hefði einnig verið spurt
um en það er ekki til sölu í versl-
unni enda sú dýrategund bönnuð
hér á landi. Patrekur segir að hon-
um líki vel að vinna í Dýrabæ, hann
hitti fullt af skemmtilegu fólki og
það sé gott rennirí í versluninni
heilt yfir alla daga.
Alls eru fimm verslanir á veg-
um Dýrabæjar á landinu en þær
eru staðsettar í Kringlunni, Smára-
lind, Spönginni, Reykjanesbæ auk
Akraness. Verslunin á Akranesi er
opin virka daga á milli 11 til 18 og
á laugardögum frá klukkan 12-16.
vaks
„Við fórum nokkrir út á Mýrar og
fengum sjö rjúpur. Það var mik-
ið af fugli þar sem við vorum,“
sagði Jógvan Hansen söngvari sem
var einn af þeim mörgu sem héldu
til rjúpnaveiða frá hádegi á fyrsta
veiðidegi mánudaginn 1. nóv-
ember. Á Holtavörðuheiði voru
margir tilbúnir um leið og mátti
hefja veiðar, en mest var um veiði-
menn frá Fornahvammi og upp í
Bláhæð, en engir sjáanlegir ofan
við það svæði. Þeir sem tíðinda-
maður Skessuhorns sá til fóru allir
eftir reglum um veiðitíma. Smáföl
var á heiðinni á mánudaginn. Bíl-
velta varð neðarlega á Holtavörðu-
heiðinni og rjúpnaveiðimenn lentu
í vanda eftir að þeir fóru út af veg-
slóða en ekki urðu önnur teljandi
óhöpp.
gb
Assa verður í Akraneshöfn í vetur
Þessir lentu í smá vandræðum á Holtavörðuheiði á mánudaginn.
Ljósm. María Gunnarsdóttir
Rjúpnaveiðin byrjuð
Þessar kattarklórur eru hálfgert
stofustáss.
Dottið inn í Dýrabæ á Akranesi
Dýrabær er staðsettur á Stillholti 23 á Akranesi.
Patrekur aðstoðar gæludýraeigendur í Dýrabæ.