Skessuhorn - 10.11.2021, Síða 27

MIÐVIKUDAGUR 10. NÓVEMBER 2021 27
Vísnahorn
Þessi árátta manna að vera sífellt
að troða orðum í ákveðið form
vekur ýmsum furðu en er reyndar
drjúgútbreidd meðal mannkynsins
þó ekki noti allir menningarhóp-
ar sama formið. Má benda til dæm-
is á hina japönsku hæku, írskættuðu
limruna og sonnettuformið sem
mun ítalskt að uppruna. Um ljóða-
gerð sína kvað Leifur Haraldsson
og nefndi afurðina „Hið góða sem
ég vil.“
Ég undramarga aulabárða þekki
sem ótrú sína á mér ei kunna að
dylja,
mér finnst því best að reyna að
yrkja ekki
þótt andstætt sé það mínum
góða vilja.
Að vísu hitti ég þá menn að máli
sem mig til ljóðagerðar einart
hvetja.
En hvernig sem þeir stappa í mig
stáli
þeim stöðugt veitir betur, sem
mig letja.
Ég ginnast læt í viðsjáls vana
hlekki.
Það vissulega mætti þannig
orðast;
Hið góða sem ég vil ég geri ekki
en geri það sem helst ég skyldi
forðast.
Vissulega eru menn misfljótir að
yrkja eða mishraðkvæðir auk þess
sem framleiðslumagnið er óneit-
anlega töluvert breytilegt milli
einstaklinga. Ef ég man rétt sem
er svo sem ekkert öruggt var það
Birgir Hartmannsson sem stakk
þessari að afkastamiklum félaga sín-
um á hagyrðingakvöldi:
Góðan hug er gott að virkja,
það gerir mann að hagyrðing.
Þó er engin þörf að yrkja
þrjátíu tíma í sólarhring.
Um vísur Páls Ólafssonar sem
vissulega var með skemmtilegustu
hagyrðingum á sinni tíð kvað Jó-
hann Bárðarson:
Dýrar veigar mærðarmáls
munu teygast lengi
vængjafleygar vísur Páls
verðfast eiga gengi.
Sömuleiðis hefur oft farið svo að
sumir hagyrðingar hafa orðið öðr-
um vinsælli og ráða þá gjarnan orð-
færi og yrkisefni nokkru um. Gísli
Gíslason hét maður og gjarnan
kenndur við Lágmúla á Skaga og
nefndur Gísli Lági. Um hann kvað
Lúðvík Kemp allmikinn brag og þar
í þetta:
Sveiflaði ljá með sviptingum
á sinu gráa flókanum.
Gæddi á strái gemlingum
Gísli Lági af Skaganum.
Limrurnar hafa átt vaxandi vin-
sældum að fagna á undanförnum
árum enda upplagt form fyrir gár-
ungsskap landans. Þessi er eftir Sig-
rúnu Haralds:
Það fattaðist fyrir rælni
er Freymóður Páll hinn vælni
eldaði fiskinn
og át hann og diskinn
að hann var með félagsfælni.
Í ráðherratíð Guðna Ágústssonar
minntist hann oft á að gera íslenska
hestinn að sendiherra okkar erlend-
is. Þetta varð Inga Steinari að yrk-
isefni:
Guðni ýmsar klisjur kann
og kjaftinn upp að sperra
Gamla sorry Grána hann
gerir að sendiherra.
Einu sinni þótti það sjálfsagt
að halda veislur stórar við öll hin
seinni tugsafmæli og spara hvorki öl
né átföng. Þegar Steingrímur í Nesi
átti stórafmæli en hélt ekki upp á
það orti Rósberg Snædal:
Hörpustilli er staðan veik,
Steingrím hyllir þjóðin keik,
Ness er illa brugðið Bleik,
bændur um fylleríið sveik.
Í raun er það með ólíkindum
hvað mikið hefur verið ort um
áfengi í gegnum árin. Vissulega
hefur áfengið eyðilagt líf margra
en jafnframt verður að viðurkenn-
ast að margir eiga líka áfenginu til-
urð sína að þakka. Einn góður og
gegn Húnvetningur var að aflokinni
samkomu á Blönduósi spurður hvar
hann hugsaði sér náttstað og svar-
aði þessu til:
Kannske fá nú sumir senn
sem þá hefur langað,
það er ljós hjá Línu enn
og líklega fer ég þangað.
Og um áfengið og samskipti sín
við æðri máttarvöld kvað Bjarni frá
Gröf:
Oft ég drekk hjá vinum vín,
vel ég Bakkus þekki.
Þó bið ég guð að gæta mín.
-Hann gerir það bara ekki.
Guðmundur Albertsson á Heggs-
stöðum bað á sínum tíma Ólaf
Andrésson í járnvörudeild KB að
taka frá fyrir sig verkfæri og kvaðst
mundu láta vita fljótlega. Eftir fáa
daga fékk Ólafur svohljóðandi bréf:
Smergel rokk mig fýsir fá
sem fyrir nokkru tókst þú frá,
honum stokk í stinga má
og stíla af þokka nafn mitt á.
Knattspyrnumenn hafa af ýmsum
ástæðum verið nokkuð áberandi í
fjölmiðlum að undanförnu. Reynd-
ar er það ekkert nýtt en um einn
slíkan kvað Einar Baldvin Pálsson:
-otelli er brattur Bal-
bolta -lega sparkar fal-
-ar hann mótherjana mal-
og móðinn -veg úr dregur al-
Og þá eru nú blessaðir stjórn-
málamennirnir okkar ekki síðri
efniviður fyrir blaðamennina. Má
nánast segja að hvað sem þeir missa
út úr sér verði á endanum frétta-
matur og oftast notað á móti þeim
ef nokkur möguleiki er og reynd-
ar stundum þó svo sé ekki. Þekkt-
um stjórnmálamanni varð það á
að kalla konu í andstæðum flokki
gluggaskraut og var nokkuð á orði
haft um tíma. Ármann Þorgríms-
son sá mynd af umræddum manni í
glugga og sagði:
Hann sem lengi á breiðri braut
barðist hart og valda naut.
Aldrei höfði öðrum laut
-endaði sem gluggaskraut.
Á kjördæmisþingi Framsókn-
ar í NV kjördæmi árið 2006 urðu
nokkrar umræður um forustuna
og ýmislegt henni tengt og kvað þá
Georg á Kjörseyri:
Staðan í flestum málum er merk
menn hafa í öngvu hrapað.
Forustan er alveg firnasterk
en fylgið að mestu tapað.
Annar góður og gegnheill fram-
sóknarmaður var Vilhjálmur
Hjálmarsson frá Brekku í Mjóa-
firði. Vilhjálmur var auk þess jafn-
ákveðinn bindindismaður og vék
hvergi frá sínum sannfæringum í
hvorugu tilfelli. Eitt sinn á Fram-
sókarsamkomu þar sem menn töldu
Vilhjálm duglítinn við drykkju varð
honum að orði:
Þrátt ég verð að þola brigsl
þar sem vínið er til taks.
Kaffi og vatn ég kneifa á víxl
kátur verð af þessu strax.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Þó bið ég guð að gæta mín - hann gerir það bara ekki!
Heima-Streymi var haldið á Akra-
nesi á laugardagskvöldið í stað
Heima-Skaga, sem féll niður um
síðustu helgi vegna Covid-19 í
bænum. Vakti uppátækið mikla
lukku meðal þeirra sem á horfðu.
Streymið var haldið í Blikksmiðju
Guðmundar að viðstöddum örfá-
um gestum. Var streymt í beinni út-
sendingu á Youtube. Það var tón-
listarfólkið Andrea Gylfadóttir, Eð-
varð Lárusson og Bjartmar Guð-
laugsson sem komu fram, en kynn-
ar voru þau Ólafur Páll Gunnarsson
og Hlédís Sveinsdóttir.
Skagafólkið Andrea og Eðvarð
voru fyrst á svið. Þau fluttu lög sem
Hallbjörg Bjarnadóttir söng í bland
við önnur uppáhaldslög Andreu og
Edda og gerðu það frábærlega vel.
Bjartmar var næstur á svið. Mar-
ía Helena Haraldsdóttir, kona
Bjartmars, hefur sterka tengingu
við Akranes en mamma hennar er
þar fædd og uppalin. Þá er María
einnig frænka Guðmundar Hall-
grímssonar, stofnanda Blikksmiðju
Guðmundar. Bjartmar flutti mörg
af sínum þekktustu lögum eins og
Negril, Með vottorð í leikfimi og
Engisprettufaraldur. Þegar Bjart-
mar hafði flutt lagið Þannig týn-
ist tíminn var hann klappaður upp.
Síðasta lagið sem hann flutti var að
sjálfsögðu Sumarliði er fullur við
gríðarlega góðar undirtektir þeirra
fáu áhorfenda sem viðstaddir voru.
Þegar þetta er ritað hafa rúmlega
2.325 horft á tónleikana á Youtu-
be. Þeim sem misstu af tónleikun-
um er bent á að hægt er að sjá þá
á slóðinni fyrir neðan fréttina. Um-
gjörð tónleikanna var hin glæsileg-
asta en á sviðinu voru til sýnis nokk-
ur verk eftir listamanninn Bjarna
Þór Bjarnason af nokkrum af þekkt-
ustu tónlistarmönnum sögunnar.
Þau Ólafur Páll og Hlédís vildu þau
koma á framfæri þakk læti til allra
sem hjálpuðu til við að gera þessa
streymistónleika að veruleika.
Heima-Streymi var skemmti-
legt innlegg í Covid faraldurinn
og gaman að sjá hvað er hægt að
gera á stuttum tíma ef fólk er sam-
taka. Allt tæknifólkið var Skagafólk,
mikið til sami mannskapur og hefur
komið að streymi frá Heima með
Helga sem sýnt er í Sjónvarpi Sím-
ans, t.d. frá Hótel Borg um síðustu
verslunarmannahelgi. Þá má geta
þess að Óli Palli og Hlédís eru búin
að taka upp Skaginn syngur inn
jólin. Lögin verða birt á vef Skessu-
horns alla morgna frá 1. desem-
ber til aðfangadags. Skagamenn og
aðrir geta því farið að hlakka til því
tónlistin sem var í Skaginn syngur
inn jólin 2020 var alveg frábær og
Óli og Hlédís lofa því að hún verði
ekki síðri í ár.
Slóð á tónleikana: https://www.
youtube.com/watch?v=cQHD-
1hcDibY
frg / Ljósm.
Kristinn R. Kristinsson.
Vel lukkað Heima-Streymi