Skessuhorn - 10.11.2021, Blaðsíða 30
MIÐVIKUDAGUR 10. NÓVEMBER 202130
Hvað finnst þér um bann við
lausagöngu katta á Akureyri
árið 2025?
Spurning
vikunnar
(Spurt í kattasamfélaginu á Akranesi)
Grettir
„Mér er skítsama, ég geri það
sem mér sýnist.“
Mía
„Þá held ég að allt fari nú í hund
og kött.“
Nancý
„Frekar myndi ég stökkva í sjó-
inn en að þurfa að vera í bandi.“
Nala
„Mér er drull.“
Aþena
„Helst vilja hundar vera í
bandi, hmm, á það að vera okk-
ar vandi? Kettir flestir kunna að
bjarga sér, kæri þetta ef bannið
verður einnig hér.“
Alexandrea Rán Guðnýjardótt-
ir úr Borgarnesi varð á laugar-
daginn Norðurlandameistari í
lyftingum, þegar hún keppti í
-63 kg flokki unglinga í klassískri
bekkpressu. Lyfti hún 97,5 –
102,5 – 110 kg. Það er persónu-
leg bæting hennar um 12,5 kg
og bæting á Íslandsmeti ung-
linga um 10 kg. Alexandrea hafði
lengi haft í huga að slá gam-
alt met Fanneyjar Hauksdóttur
sem hefur staðið frá 2015 og á
laugardaginn tókst henni það
með glæsibrag.
mm
Skallagrímur er enn að leita að
sínum fyrsta sigri eftir tap gegn
Grindavík syðra í Subway deild
kvenna í körfuknattleik síðastliðinn
miðvikudag. Skallagrímskonur
skoruðu fyrstu tvö stigin og var
það í eina skiptið sem þær voru
yfir í leiknum. Grindavík tók strax
frumkvæðið, komst í 9:4 og stað-
an eftir fyrsta leikhlutann 19:10.
Skallagrímur náði að halda að-
eins í við Grindavík fyrstu mínútur
annars leikhluta en síðan skoraði
Grindavík ellefu stig í röð og kom
sér í þægilega stöðu, staðan í hálf-
leik 46:30.
Munurinn hélst svipaður í þriðja
leikhluta, liðin hittu frekar lítið og
staðan 65:46 þegar liðin tóku smá
hvíld fyrir lokahlutann. Í honum
bætti Grindavík aftur við forystuna,
skoruðu 23 stig gegn 15 stigum
gestanna og unnu að lokum ör-
uggan sigur, 88:61.
Stigahæst hjá Skallagrími var
landsliðskonan Embla Krist-
ínardóttir með 20 stig, Niko-
la Nedorosiková með 13 stig og
Maja Michalska var með 10 stig.
Hjá Grindavík var Hulda Björk
Ólafsdóttir með 20 stig, Robbi
Ryan með 16 stig og Jenný Geirdal
Kjartansdóttir með 15 stig.
Fram undan er landsleikjahlé og
næsti leikur Skallagríms er því ekki
fyrr en 21. nóvember þegar þær
taka á móti liði Keflavíkur. Leik-
urinn fer fram í Fjósinu í Borg-
arnesi og hefst klukkan 19.15.
vaks
Skallagrímur lék tvo leiki í liðinni
viku í 1. deild karla í körfuknattleik
og var sá fyrri á móti Hrunamönn-
um frá Flúðum þriðjudaginn í síð-
ustu viku í Borgarnesi. Skallagrím-
ur var fyrir leikinn án sigurs í
deildinni á meðan Hrunamenn
höfðu unnið tvo og tapað þrem-
ur. Heimamenn komu grimmir til
leiks, komust í 7:0 og ljóst að þeir
ætluðu að selja sig dýrt til að ná í
sín fyrstu sig. Gestirnir náðu þó að
halda í við Skallagrím það sem eft-
ir var leikhlutans og staðan 29:22
við flautuna. Í næsta leikhluta var
lítið skorað, 15 stig skoraði hvort
lið og staðan í hálfleik 44:37 fyrir
Skallagrím.
Skallagrímur gerði svo nánast
út um leikinn í þriðja leikhluta,
skoraði fyrstu níu stigin á meðan
Hrunamenn voru hálf ráðalaus-
ir. Skallagrímur náði 20 stiga for-
skoti fljótlega í leikhlutanum, hélt
því út leiktímann og staðan orðin
afar vænleg fyrir Skallagrím þegar
flautan gall, 76:52. Í fjórða og síð-
asta leikhluta var þetta bara spurn-
ing hjá heimamönnum um að halda
forskotinu og það gerðu þeir án
mikilla vandkvæða, lokastaðan
93:67.
Stigahæstir hjá Skallagrími í
leiknum voru þeir Arnar Smári
Bjarnason með 26 stig, Bryan
Battle var með 16 stig og Simun
Kovac með 13 stig og 13 fráköst.
Hjá Hrunamönnum var Clayton
Ladine með 15 stig, Kent Hanson
með 14 stig og Karlo Levo með 12
stig.
Skallagrímsmenn lögðu síðan í
langferð á mánudaginn þegar þeir
léku gegn liði Hattar frá Egilsstöð-
um. Ferðaþreytan kom aðeins við
sögu í byrjun fyrsta leikhluta því
Hattarmenn komust mest ellefu
stigum yfir, 20:9, en Skallagrím-
ur náði þó að klóra vel í bakkann
seinni hlutann og staðan 22:18 eftir
fyrsta leikhluta. Annar leikhluti var
Skallagrími erfiður eins og oft í vet-
ur, þeir voru alltaf skrefinu á eftir
Hetti þó þeir gerðu ágætis áhlaup
inn á milli en staðan í hálfleik 46:34
fyrir heimamenn.
Þriðji leikhluti var ansi líflegur
og eign Skallagrímsmanna. Bryan
Battle bar nafn með rentu, barðist
vel og skoraði 19 stig. Staðan fyrir
fjórða og síðasta leikhlutann 67:62
og mikil spenna fram undan. Þrátt
fyrir geysigóða baráttu þá náði
Skallagrímur aldrei að komast yfir
í leikhlutanum en komst næst því
þegar ríflega tvær mínútur voru eft-
ir. Þá náði Skallagrímur að minnka
muninn í tvö stig en vantaði herslu-
muninn og leiknum lauk með sigri
Hattar, 92:87.
Stigahæstir hjá Skallagrími voru
þeir Bryan Battle sem var með 41
stig, Simun Kovac var með 12 stig
og 14 fráköst og Bergþór Ægir
Ríkharðsson með 10 stig. Hjá Hetti
var Arturo Rodriguez með 25 stig,
Timothy Guers með 17 stig og
Matej Karlovic með 14 stig.
Næsti leikur Skallagríms er gegn
Selfossi næsta föstudag í Borgarnesi
og hefst leikurinn klukkan 19.15.
vaks
Alexandrea Rán varð Norðurlandameistari
Sjöundi tapleikur Skallagrímskvenna
Embla Kristínardóttir átti góðan leik og skoraði 20 stig gegn Grindavík. Ljósm glh
Skallagrímsmenn með sinn fyrsta sigur
Bryan Battle skoraði 41 stig gegn Hetti. jósm. glh