Skessuhorn - 29.07.2022, Blaðsíða 14

MIÐVIKUDAGUR 20. JÚLÍ 202214
Gamla myndin
Í tilefni þess að á næsta ári fagnar Skessuhorn 25 ára starfsafmæli sínu
hefur ritstjórn blaðsins aðeins verið að grúska ofan í gömlum myndakössum
sem geyma myndir fyrir og í kringum síðustu aldamót. Mynd vikunnar er
frá árinu 1999 og er tekin í Borgarnesi þar sem Bylgjulestin með Hemma
Gunn var á ferðinni og menn að taka vel á því í sjómanni. Hér eigast við
Ingi B Reynisson og Kristinn bakari. Fjölnir Þorgeirsson stýrir leikum og
Hemmi Gunn lýsir.
Hestamannafélagið Dreyri hélt
Íslandsmót áhugahestamanna um
liðna helgi. Mótið var haldið að
Æðarodda annað árið í röð. Keppt
var í átta greinum í fjórgangi,
fimmgangi, tölt- og skeiðgreinum
en alls bárust 65 skráningar. Stine
Laatsch, formaður mótsnefndar
Dreyra, segir að flestir keppendur
hafi komið af höfuðborgarsvæðinu
og Suðurlandinu en fín þátttaka var
einnig hjá Vestlendingum.
,,Flestir keppendur voru skráð-
ir frá hestamannafélögum á Suður-
landi eins og Spretti, Geysi og
Sörla en það voru auðvitað nokkr-
ir frá Dreyra og úr öðrum hesta-
mannafélögum hér á Vesturlandi.
Við vorum svo með fimm dómara
sem allir komu af Suðurlandinu
utan einn, hún Randi Holaker var
í þeim hópi en hún er frá Skáney
í Reykholtsdal. En þetta gekk allt
saman mjög vel fyrir sig, það var
góð stemning, slatti af fólki kom
að horfa og við vorum svo með
veitingasölu á staðnum. Völlur-
inn fékk góð ummæli og svo voru
knaparnir sem voru að koma annars
staðar að fegnir að mótsnefndin sá
fyrir húsakosti og heyi fyrir hrossin.
Þannig að þetta gekk bara rosalega
vel og við erum mjög ánægð,“ segir
Stine í samtali við Skessuhorn.
sþ
Mth útgáfa á Akranesi
gefur út glæpasöguna
„Hin systirin“ eft-
ir Mohlin & Nyström í
þýðingu Friðriku Ben-
ónýsdóttur. Þetta er önn-
ur bókin í seríu um fyrr-
um FBI-fulltrúann John
Adderley sem starfar hjá
rannsóknarlögreglunni í
Karlstad í Svíþjóð.
Á bókarkápu segir:
„Fólk lítur undan þegar
það sér andlit Aliciu Bjelke, svo
afmyndað er það. Hún hefur skap-
að sér líf sem forritari og er höf-
undur að vinsælli stefnumótasíðu
ásamt Stellu systur sinni. Stella
er gullfalleg og er andlit fyrirtæk-
is þeirra systra út á við.
Þegar Stella er myrt veit
Alicia að lífi hennar er
líka stefnt í voða – hún
gæti verið næsta fórnar-
lamb morðingjans.
Fyrrum FBI-fulltrú-
anum John Adderley
er falin rannsókn máls-
ins. Hann býr í Karlstad
undir nýju nafni og þarf
að glíma við skugga for-
tíðarinnar. John hyggst
yfirgefa Svíþjóð og morðrannsókn-
in virðist ætla að reynast óvænt
tækifæri fyrir hann til að komast
undan leigumorðingjunum sem eru
á hælum hans.“
-fréttatilkynning
Íslenska kvennalandsliðið í
knattspyrnu lauk keppni á
Evrópumeistaramótinu á mánu-
dagskvöldið, en mótið fer fram
á Englandi. Þrátt fyrir að hafa
ekki tapað leik á mótinu féll liðið
úr keppni eftir 1-1 jafntefli við
Frakkland í þriðja og síðasta leik
sínum. Áður höfðu úrslit leikja
þess verið þau sömu gegn Belgum
og Ítölum. Liðið hafnaði í níunda
sæti á mótinu og var því einung-
is hársbreidd frá því að komast í
átta liða úrslit. Engu að síður var
árangur liðsins frábær í alla staði
og voru íslensku keppendurnir
til fyrirmyndar innan vallar sem
utan.
Fjölmargir Íslendingar fóru á
leiki Íslands og voru í meirihluta
áhorfenda á þeim öllum. Tómas
Freyr Kristjánsson fréttaritari
Skessuhorns og fjölskylda hans
voru í þeim hópi. Meðfylgjandi
myndir sendi hann en þær voru
teknar í aðdraganda leiksins gegn
Ítalíu sl. fimmtudag í Manchester.
mm/ Ljósm. tfk
Íþróttamaður vikunnar
Í þessum lið leggjum við fyrir tíu
spurningar til íþróttamanna úr
alls konar íþróttum á öllum aldri
á Vesturlandi. Íþróttamaður vik-
unnar að þessu sinni er hestakon-
an Kristín Eir úr Reykholtsdal í
Borgar firði.
Nafn: Kristín Eir Hauksdóttir
Holaker
Fjölskylduhagir? Unglingur í
heimahúsum.
Hver eru þín helstu áhugamál?
Hestaíþróttir.
Hvernig er venjulegur dagur hjá
þér um þessar mundir? Vinna í
hesthúsinu og allt sem snýst í kring
um hestana.
Hverjir eru þínir helstu kostir
og gallar? Gallalaus.
Hversu oft æfir þú í viku? Þegar
það er skóli þá er ég að æfa fimm
sinnum í viku eða meira en á sumr-
in þá eru engar æfingar nema
æfingar fyrir hestamót.
Hver er þín fyrirmynd í íþrótt-
um? Jakob Svavar Sigurðsson.
Alltaf góður.
Af hverju valdir þú hesta-
mennsku? Ég valdi hana ekki, ég
fæddist bara í henni því það var
ekkert annað í boði.
Hvað er skemmtilegast og
leiðinlegast við þína íþrótt? Ekk-
ert leiðinlegt, bara skemmtilegt og
það er allt skemmtilegt við hesta.
Allt skemmtilegt við hesta
Úrslit í Tölti T7. Þrír félagar frá hestamannafélaginu Dreyra voru í úrslitum.
Magnús Karl Gylfason og Birting frá Birkihlíð urðu í 4. sæti, Belinda Ottósdóttir
og Komma frá Akranesi í 6. sæti og Ólafur Guðmundsson og Mangó frá Viðivöll-
um Fremri urðu í 7. sæti. Mynd: Carolin Giese.
Dreyri hélt Íslandsmót áhugahestamanna
Hressar stúlkur á leið á völlinn.
Keppni lokið á
EM í knattspyrnu
Skagamaðurinn Bjarki Þór Aðalsteinsson var trommustjóri í upphitun og stýrði
einnig hinu heimsþekkta „HÚ-I“ íslenskra áhorfenda á leikjunum.
Haldið á völlinn. Hér eru meðal annarra Vanda Sigurgeirsdóttir formaður KSÍ,
Guðni Th Jóhannesson forseti og Lilja D Alfreðsdóttir ráðherra.
Hin systirin er ný kilja frá MTH